12-26-2010, 01:16 PM
|
#1
|
|
|
رد: إصابة مريم الصادق المهدي.. قوات من الأمن تداهم دار حزب الأمة
لا حول ولا قوة الا بالله العلى العظيم
حسبنا الله ونعم الوكيل
عودتنا الساحة السياسية السودانية الحالية - التى ما خلت من الشرفاء لكن قلت منهم - على ان من لا يرفع السلاح لا يحترم ابدا وانتم الان تشهدون ان الحركة الشعبية احترمت الى ان وصلت مرحلة الدولة التانية ، وكل من رفع السلاح اخد حقو وحق غيرو بالترضيات ووقف التصعيد الاعلامى ضده وصار شريفا ومستشارا او وزير او منصب رفيع وهو وجماعتو اخدو ما تنوء جيوبهم عن حمله وهم الان بالعشرات ، لكن ارجع للشرفاء الذين لا يملون من النضال ولا يشترون بثمن بخس او ثمن غالى فهم اغلى من المال والسلطة والجاه لكن هذا الزمن ليس زمن شرفاء الا اذا تنظفت البلد من الحرامية واللصوص والمجرمين لكن اين الشرطى الذى سيفعل ذلك؟؟؟!!! ، عشان كدا يا شباب انا برجع لكلام شيخى الزبير بشير كل البنعمل فيهو دا تباكى مافى ليهو اى داعى كمرتين التقطت صورتين البنت والشيخ السال دمه لكن اين بقية الصور؟؟؟؟؟؟؟؟؟؟؟؟؟؟؟؟ هل هذه كل الجرائم؟؟؟؟؟؟؟؟؟ نصفها؟؟؟؟؟؟؟؟ 1% منها؟؟؟؟؟؟؟؟ الصورتين مثال فقط لكن هناك صور بشعة لا تنشر ولا يستطيع شريف ان يشاهدها ، اولا ايها الشباب الشرفاء كل التعاليق السابقة ممتازة لكن اعجبنى اكثر تعليق الاخ KH.dig الاتكلم عن القوة وبى غيرا مافى حل ، وكلام شيخ الزبير ليه ما نحمى نفسنا عسكريا؟؟؟؟؟؟؟؟؟؟ الحزب الاتحادى عمروا قرابة 70 سنة وحزب الامة قريب من العمر دا وناس اعمار احزابهم اطفال لكن تكونت مليشياتم اولا وهم الان محترمين وليهم كلمتهم ، استضافت قناة البى بى سى مبارك الفاضل وربيع عبد العاطى واتكلم مبارك عن اضرار الانفصال الاقتصادية ورد ربيع عبد العاطى باننا عندنا جهابذة اقتصاديين عارفين يعملو شنو ومبارك ما اقتصادى عشان يفتى فى الاقتصاد السودانى يعنى باختصار كأنو يقول لمبارك الفاضل انت مالك الدخلك شنو فى البلد؟؟!!؟؟!! المضحك المبكى حتى فى الاعلام العالمى ما المحلى بس قلة ادب واساءات فى كل الاتجاهات ، وحتى بابكر حنين الما ليهو كتير فى الكيزان فى برنامجو منبر سونا لما استضاف حاتم السر قال لحاتم انتو عارفين احتمال تزوير الانتخابات بادلتكم لتزوير السجل الانتخابى طيب حا تعملو شنو!!!!!! شوف قلة الادب يعنى بالواضح حا تتزور الانتخابات انت حا تعمل شنو !!!!!!!!! واحزاب مؤتمر جوبا لما الحركة الشعبية انسحبت منها نافع يقول ايه عنهم نحن بنرضى الحركة والباقيين يشربو من البحر!!!!!!!!!!!!! باختصار يا شباب دى الساحة السياسية ما بسلم من اساءاتها حكيم الشيوخ او حماس الشباب ولا يوقر فيها الصغير ولا يحترم الكبير ولا تحترم فيها المرأة التى هى الام والاخت والابنة والزوجة ونصف المجتمع وامكن اكتر الان والصور السابقة زى ما ذكرت امثلة بس غيرها الكثير ، لكن فى تعليق اعجبنى اتكرر وبسأل اصحابو الاخ على الخليفة والاخت بت الخليفة قالوا قربت نهاية المؤتمرجية دا كلام باطن ، وبأييد كلام KH ربنا يخسف بهم الارض وبمشى مع كل من دعى عليهم ربنا يستجيب ان شاء الله نهايتم تكون سريعة وربنا يريح العباد والبلاد منهم اللهم اميييييييييييييين
|
|
عزيزنا الزائر لن تتمكن من مشاهدة التوقيع إلاَّ بتسجيل
دخولك
قم بتسجيل الدخول أو قم بالتسجيل من هنا |
|
إهداءات ^^^ ترحيب ^^^ تهاني ^^^ تعازي ^^^ تعليقات ^^^ إعلانات
| 
|
العرض المتطور