القبول يا رب - شباب الطريقة الختمية بدائرة ود ابراهيم بأم بدة
مجموعة مدائح ختمية.. شباب الطريقة الختمية بمسجد السيد علي الميرغني ببحري
|
|||||||
| المنتدى العام لقاء الأحبة في الله لمناقشة جميع المواضيع |
إهداءات ^^^ ترحيب ^^^ تهاني ^^^ تعازي ^^^ تعليقات ^^^ إعلانات |
|
|
|
أدوات الموضوع | إبحث في الموضوع | انواع عرض الموضوع |
03-21-2012, 09:45 AM
|
#10 |
|
 
  |
رد: منتديات الختمية تنعي شاعر (نحن نأيِّد حزب السيد)...
القصيدة التي ألقاها بمناسبة عودة السيد محمد عثمان الميرغني عاش أبو هاشم حوض العاشم مرحبتين يا جايي وراسم فوق الشوق الفجر الباسم ... خفٌو المزن الزفٌو مواسم.. غوث يالختم الجدُو الخاتِم أهلاً بيك يا زين يا طيِّب ... يا حَبُّوب للظَن مابْخَيِّب يا المبروك كُلْما انتَ قِرَيِّب ... فالْنا مطيرةْ خير وهِبَيِّبْ نَدَّت حالنا الأزمن كاتِم.. يا عوَّاض شعبك ما فاتُو ... يا رَوَّاض للريح وشتاتُو يا بيَّاض ظاهرو ونِيَّاتُو ... السودان عادْ بيك بي ذاتُو ضوُوا ليالِي الهوُوا عواتم.. قابِض جمرك وين ما رُحتَ ... إتْجَرَّحت جَدعْ ما نُحْتَ شِنَّ النار يا صندَل فُحْتَ ... بي سر ألَقَك بُحْتَ ولُحْتَ يا التَخَرَجْتَنا راقي وعازم.. نفسك مسك الكلمة الطيبه.. الكلمة الطيبه بخو الباطن.. ياتو المدي رفيقو الهيبه؟؟!! وطنك ولا نقاك يامواطن.. أم براك الحضرة يناغم.. عاشق عصر أشجانُو وساطن.. أم براق القبلي يباطن.. ضهر الغيم الدًر العاطن بَردو أشواق الدَرت الراطن.. شال شبال الزيفة نسايم.. حلفا تزِف لي نمولي قدومك ... بارا تبارك لي سَلُّومك.. النيلين قَلَدَنْ خرطومك ... يا تاريخ إتقيف يومك.. يوم السَّعْد اب مُوج متلاطم.. جِيدْ بي جيتَك عُودَة وفُودة ... يا تُو طيوراً تنسى بِلُودا؟؟!! زي ما مكة اتْلَفُّو وِفُودا ... الخرطوم ازدانَتْ قُوده عديلة مَنَفَّل زين وعفارم.. دي المريودة البيك موروده.. والآماله.. ظلٌم ...موؤدة... المرفودة غٌبن موقودة... ولسَه النار بين عنبر جوده.... بينك وبين احلامه ملاحم.. شعبك حُبَّك وربك عالم ... قلبك حاني انساني مُسالم.. دُوغري واماني مُو صارم وحازم... وكيف حقاني عليهو الظالم ... واليتفلهم خارم بارم.. ياسجانة حنفضل نفتلْ .. في صنانة نصارع وننْتل.. غاية القيد مايصدأ وينصلْ.. غُوث ومدد والحاصل يحصلْ.. للفي القلب منُو البيهادم؟ بالنبوت بالبوت بالطلقة.. بالشلٌوت بالعلْقة .. الشنْقة.. وكتم الصوت الزنقة الخنقة.. أبينا نموت يآخر سرقة.. وآخر هاكم فك الباكم. أصحي يانايم سمَ الدايم.. الحياة حق أسرفنا ميآتم.. رايمو جدار الحزن الكاتم.. خلُوا يخشُ على روضنا نسايم.. طلْ وفراش والوردة تتايم.. عصفورين في الوطن إتْحبُو.. عاشو سوي ويوم حكمت غبُو.. طاهر اسمر سما لي ربُو... وطائر أخضر همي لي شعبُو.. أسمى السما؟؟!! ولا أهمَي القادم؟؟ جانا ابو هاشم جانا الناهم.. غيم الغيث للوادي الجاهم.. جانا الراعي الواعي الفاهم.. دَرب الصاح من زَرب الواهم.. شَيْ لله ياحوض العاشم. كتَر خيركن.. سُودانية.. يُوت لي غيركن صافين نيَة.. قاشر طيركن في حُريَة.. عازم الدنيا ديمقراطية.. ورادم ثمر الجدل الطاعم.. ياتُو وفاق سوداني بيبْقى ؟؟... وين الوحدة بدونَك تلقى؟؟!! لونا الأسمر شفق الشرقة ... كُونا اللَّخَدر تُوب المَرْقة... يامشهاد الوطن السالم.. أغلى سلام على فكرة سلامك ... أحلى كلام لي بُكرة كلامك.. يا اللِّي تواضْعَك علاَّ مقامك ... سودانية دي ولا مسامك!! سَيْ يا اْبْكَرَماً بغَّر "حاتِم" وسَيْ يالسمح اللازم اللازم.. جِيدَنْ جيت يا جاد يا جيِّد ... منو جديد يا دابنَا نعيِّد.. أفتَح باب الحضْرة وقيِّد ... "نحن نأيِّد حزب السيِّد" "عاش أبو هاشم حوض العاشم |
|
|
| مواقع النشر (المفضلة) |
| كاتب الموضوع | أبو الحُسين | مشاركات | 114 | المشاهدات | 46073 |
|  |
| انشر الموضوع |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض الشجري