القبول يا رب - شباب الطريقة الختمية بدائرة ود ابراهيم بأم بدة
مجموعة مدائح ختمية.. شباب الطريقة الختمية بمسجد السيد علي الميرغني ببحري
|
|||||||
| المنتدى العام لقاء الأحبة في الله لمناقشة جميع المواضيع |
إهداءات ^^^ ترحيب ^^^ تهاني ^^^ تعازي ^^^ تعليقات ^^^ إعلانات |
|
 |
|
|
أدوات الموضوع | إبحث في الموضوع | انواع عرض الموضوع |
01-19-2011, 01:07 AM
|
#1 | |
|
المدير العام
 
 |
حمونا الشب
المبدع هاشم صديق صالح عام هديمك يا وليد
مقدود وصابحنا الفقر و الجوع صبح جلد البطن مشدود * * شن بتسو و اخيك من شهر مرفود قالو .. صالح عام عشان قال العُوج في العود حمدّ يارب اخير من قول هديك البغلة في الإبريق كان ودوهو بيت الأشباح و كان دوقو زول هلفوت * * |
|
|
|
|
01-19-2011, 01:10 AM
|
#2 |
|
المدير العام
|
رد: حمونا الشب
هديمك يا وليد
مقدود و صابحنا الفقر و الجوع صبح باب التكل مسدود كمل حتي الملح في البيت وشن همّ الملح في البيت وكت ملح الدموع موجود؟! دحين يا وليد هو ديل موُ قالوا ناس إنجاز ؟!! وشن سّولنا مما جونا غير حرقو الفضل بالجاز ؟ كّل شيتا صعب في السوق من الكبريتة للطايوق و كان جانا البخت تموين رطيل سكر و صابونتين نجيب من وين ؟ و اخوك مرفود و عدمان الشهر ملين ؟ أمس زازيت اكوس الدين مشيت لسمية بت مامون لقيت جابولها تلفزيون سمح بالحيل تشوف الصورة بى كم لون وكت في نشرة ألأخبار ظهر مك البلد يضحك جضومو كبار مزرر الكرش بزرار لا مهموم لا مغموم لا زعلان و شيهو يراري بالألوان.. وقّد في حشايا تباق نار طريت رفد الوليد و الجوع و سال دمع الغبينة الحار * * |
|
|
|
|
01-19-2011, 01:11 AM
|
#3 |
|
المدير العام
|
رد: حمونا الشب
|
|
|
|
|
01-19-2011, 01:12 AM
|
#4 |
|
المدير العام
|
رد: حمونا الشب
دحين يا وليد
هو ديل ما لهم و مال الدين وكت قولهم كلام الله و فعالهم ما فعال صالحين كتير فيهم عديل حقار و بالقرآن كمان تجار و كضابين أكان بنزين عدم .. أو جاز وتعبوُ الناس و ضاقو خلاص صفوف واقفين يقولولك إرادة الله وكان عدم الرخيص و الغالى في التموين يقولولك ده . غضب الله و كان الموية صبحت طين يقولولك ده من امريكا والعملا حمونا الشب ولاد الكلب |
|
|
|
|
01-19-2011, 01:16 AM
|
#5 |
|
المدير العام
|
رد: حمونا الشب
عشان الشعب
يحرن تب يقبّل من صراط الدين دحين يا وليد هو ديل ما لهم و مال الدين أكان كنزو الدهب و المال بلايينهم تسوى جبال وعرباتهم تخطف العين و بناياتم قصور في قصور وحاة الله و كتاب الله أكان ادونا طوب فد سور كان سوينا الف أويضة لي مسكين |
|
|
|
|
01-19-2011, 01:22 AM
|
#6 |
|
المدير العام
|
رد: حمونا الشب
|
|
|
|
|
01-19-2011, 01:24 AM
|
#7 |
|
المدير العام
|
رد: حمونا الشب
اريتك يا أمير
حالي جعيص في الكرسي في الخرتوم و ساويلك الف والي نبايعك للظلم و الجوع نبايعك وكل ضيم مشروع نبايعك و جيتنا جيش و دروع نبايعك و الحكم مقلوع نبايعك و القسم مخدوع نبايعك من سجن عالى أخر زمن يا وليد حصيف العين يلاقى و يشوف زمان ظلم السلف بالسيف و حسه السيف كلاشينكوف غير زمن الهوان و الجوع كمان طالع زمان الخوف ديل ما برتو لى إنسان كم ولداَ وقع نشفان وكم زهراَ كِتل و اتحت في رمضان لا شهراَ حرام إتصان لا كفنا ستر صبيان لا شاهد قبر معروف لا اماَ برد نارها سكت و إرتاح نزيف الجوف دحين يا وليد أ كان حسع ده ديش مصعب و أكان بيرق علي الكرار منو الكفار ؟!!! منو القاصدينو بالتكبير و بالتهليل و ضرب النار؟! * * |
|
|
|
|
01-19-2011, 01:30 AM
|
#8 |
|
المدير العام
|
رد: حمونا الشب
اخاف نحنا و أكان نحنا أخير نضحك كتير سبب الضحك بخته شوف المغسة يا وليدي ديل ما حسه ناس حُقار؟ ده ذى دق الطبول للموت وذي وقد البلد بالنار * * إلا نشوف أ كان ساهرين معاك يا جوع و أ كان ضيقنا إتحفر في ضلوع و أكان صابرين علي الفجار وحاة الله و كتاب الله وكت نغلي و نكوس التار لا سوراَ بقيف في وش و لا لهب الغبن بترش و لا صفاَ يميل بالقش كل ظالماَ يقع و يندش و سيل دمع البلد ينقش لا بحبس حلقنا الخوف و لا بترجع اكان لعلع كلاشينكوف هديمك يا وليد مقدود و صابحنا الفقر و الجوع صبح جلد البطن مشدود شن بتسو و أخيك من شهر مرفود قالو صالح عام عشان قال العوج في العود * * نان ما يقول أريت يقول عديل يا زول هديك البغلة في الابريق ما هامينا -صالح عام- وديش مصعب و لا الحجاج و لا بكتل قلبنا الجوع و موت منقذنا ولا الضاج خلي الضيق يزيد يا وليد بكرة الضيق يخلى الناس تبقى عُصّار علي الحقار و تبقي حريق * * قريب يا وليد صيامنا يتم و يهل و يشرق هلال العيد نحس طعم الخبيز و يتبدل هدمنا جديد منقول |
|
|
|
|
01-19-2011, 03:58 AM
|
#9 | |
|
المُراقب العام
|
رد: حمونا الشب
اريتك يا عمر فد يوم
يخلى الجوع عينيك ما تنوم أريتك يا ياعمر فد يوم تحس بي غصة المظلوم |
|
|
|
|
|
01-19-2011, 04:42 AM
|
#10 |
|
 
|
رد: حمونا الشب
الاخ د ود محجوب كلام جميل دراما ووصف لي حالنا يفوق الوصف جميل هاشم صديق صاحب القلم المتحرر الملتاع الهايم في حب الوطن والمسلح بالوطنية ايضا تسلم اخي عمر ولكن عندي ملاحظة القافية ... حقو تحددو القافية بي نقاط معينة او تكون الجملة في سطر واحد الى نهاية القافية دمت بالف خير |
|
|
التعديل الأخير تم بواسطة ود محجوب ; 01-19-2011 الساعة 12:46 PM.
|
|
01-19-2011, 10:06 AM
|
#11 |
|
مُشرف المنتدى الإنجليزي
|
رد: حمونا الشب
وحاة الله و كتاب الله وكت نغلي و نكوس التار لا سوراَ بقيف في وش و لا لهب الغبن بترش و لا صفاَ يميل بالقش كل ظالماَ يقع و يندش و سيل دمع البلد ينقش لا بحبس حلقنا الخوف و لا بترجع اكان لعلع كلاشينكوف |
|
|
|
|
01-19-2011, 10:32 AM
|
#12 |
|
المدير العام
|
رد: حمونا الشب
اريتك يا عمر فد يوم يخلى الجوع عينيك ما تنوم أريتك يا ياعمر فد يوم تحس بي غصة المظلوم بت الخليفة عليكى من الله السلام والرحمة انا ما بفسر وانتى ما تقصرى |
|
|
|
|
01-19-2011, 10:48 AM
|
#13 |
|
المُراقب العام
|
رد: حمونا الشب
بت الخليفة عليكى من الله السلام والرحمة انا ما بفسر وانتى ما تقصرى إن شاء الله.... التفسير خليه علي .. |
|
|
|
|
01-19-2011, 11:26 AM
|
#14 | |
|
 |
رد: حمونا الشب
ود محجوب حكى .ووسد الراس الدراع . والشوف نواحي النيل تكى وصاني ابوي الموج بيهدم كل رخوة على الجروف شد الدراع الحق قوة وبالدراع الحق في ساحة مجزره والنصر بالفاس والدراع |
|
|
|
|
|
01-19-2011, 11:57 AM
|
#15 | |
|
|
رد: حمونا الشب
بكرة الضيق يخلى الناس تبقى عُصّار علي الحقار و تبقي حريق * * قريب يا وليد صيامنا يتم و يهل و يشرق هلال العيد نحس طعم الخبيز و يتبدل هدمنا جديد |
|
|
|
|
|
01-19-2011, 12:48 PM
|
#16 |
|
المدير العام
|
رد: حمونا الشب
الاخ د ود محجوب كلام جميل دراما ووصف لي حالنا يفوق الوصف جميل هاشم صديق صاحب القلم المتحرر الملتاع الهايم في حب الوطن والمسلح بالوطنية ايضا تسلم اخي عمر ولكن عندي ملاحظة القافية ... حقو تحددو القافية بي نقاط معينة او تكون الجملة في سطر واحد الى نهاية القافية دمت بالف خير حبابك يا عيدابى اها كل واحد ياخد مربع مقطعية |
|
|
|
|
01-19-2011, 12:51 PM
|
#17 |
|
المدير العام
|
رد: حمونا الشب
وحاة الله و كتاب الله وكت نغلي و نكوس التار لا سوراَ بقيف في وش و لا لهب الغبن بترش و لا صفاَ يميل بالقش كل ظالماَ يقع و يندش و سيل دمع البلد ينقش لا بحبس حلقنا الخوف و لا بترجع اكان لعلع كلاشينكوف مرحب ود الخليفة لا سورا بقيف فى وش ولا لهب الغبن بترش |
|
|
|
|
01-19-2011, 06:42 PM
|
#18 |
|
مُشرف المنتدى الإنجليزي
|
رد: حمونا الشب
مرحب ود الخليفة لا سورا بقيف فى وش ولا لهب الغبن بترش |
|
|
|
|
01-20-2011, 12:27 AM
|
#19 |
|
المدير العام
|
رد: حمونا الشب
|
|
|
|
|
01-20-2011, 03:02 AM
|
#20 |
|
شباب الميرغني بالرياض
|
رد: حمونا الشب
الخليفة ود محجوب
تقبل تحياتي وسلامي وللجميع التحية والسلام كنت حضوراً وشاهدت القناة الفضائية ((النيل الازرق)) ولم اكن مصدقاً بان مثل هذه الكلمات الرائعة يمكن أن استمع لها عبر إعلام المؤتمر الوطني .. ولا ادري كيف تم ذلك؟؟ لاننا حقيقة متشوقين لسماع ما يفرحنا .. متشوقين أن نسمع في قنواتنا الفضائية أو غيرها مثل هذه الكلمات .. فالتحية للشاعر القامة هاشم صديق ولكل الشرفاء من بني وطني العزيز وأسال الله عبر كلماتي هذه ان يتحقق ما شاهدناه في الحبيبة تونس حيث الثورة الشعبية التي اطاحت بزين العابدين بن علي .................................................. ............................................ فأتمنى ان ننام ونصحو ولا نجد نظام اسمه الانقاذ ولا أشباح امثال البشير ويافع وغيره ........ |
|
|
|
|
01-20-2011, 03:38 AM
|
#21 | |
|
مُراسل منتديات الختمية
|
رد: حمونا الشب
عشان الشعب يحرن تب يقبّل من صراط الدين دحين يا وليد هو ديل ما لهم و مال الدين أكان كنزو الدهب و المال بلايينهم تسوى جبال وعرباتهم تخطف العين و بناياتم قصور في قصور وحاة الله و كتاب الله أكان ادونا طوب فد سور كان سوينا الف أويضة لي مسكين دائماً الشاعر المرهف هاشم صديق ما يتحدث بالمفردات والكلمات المنتقاة من إحساسه الصادق ، ومدى عدم رضاه بالوضع الحالي والماثل أمامنا جميعاً .. |
|
|
|
|
|
01-20-2011, 12:35 PM
|
#22 |
|
المدير العام
|
رد: حمونا الشب
الخليفة ود محجوب تقبل تحياتي وسلامي وللجميع التحية والسلام كنت حضوراً وشاهدت القناة الفضائية ((النيل الازرق)) ولم اكن مصدقاً بان مثل هذه الكلمات الرائعة يمكن أن استمع لها عبر إعلام المؤتمر الوطني .. ولا ادري كيف تم ذلك؟؟ لاننا حقيقة متشوقين لسماع ما يفرحنا .. متشوقين أن نسمع في قنواتنا الفضائية أو غيرها مثل هذه الكلمات .. فالتحية للشاعر القامة هاشم صديق ولكل الشرفاء من بني وطني العزيز وأسال الله عبر كلماتي هذه ان يتحقق ما شاهدناه في الحبيبة تونس حيث الثورة الشعبية التي اطاحت بزين العابدين بن علي .................................................. ............................................ فأتمنى ان ننام ونصحو ولا نجد نظام اسمه الانقاذ ولا أشباح امثال البشير ويافع وغيره ........ الأخ الكريم ياسر وعليكم السلام ورحمة الله هذه كانت هفوة من قناة النيل الأزرق يدفع ثمنها الآن مدير القناة ومنفذى هذه الحلقة . شكرا جزيلا . |
|
|
|
|
01-20-2011, 01:06 PM
|
#23 | |
|
شباب الميرغني
|
رد: حمونا الشب
د. ود محجوب سلامات...
إعتقد دا أبلغ تعبير لتضييق حرية الحياة وأعظمها قطع الأرزاق... |
|
|
|
|
|
01-20-2011, 09:41 PM
|
#24 |
|
المدير العام
|
رد: حمونا الشب
والله مبااااالغة يا ود محجوب .... دائماً الشاعر المرهف هاشم صديق ما يتحدث بالمفردات والكلمات المنتقاة من إحساسه الصادق ، ومدى عدم رضاه بالوضع الحالي والماثل أمامنا جميعاً .. كمم النظام الأفواه ويأبى المبدع هاشم صديق الا ان يكون لسان حال الغلابة |
|
|
|
|
01-21-2011, 09:02 PM
|
#25 | ||
|
المدير العام
|
رد: حمونا الشب
د. ود محجوب سلامات... إعتقد دا أبلغ تعبير لتضييق حرية الحياة وأعظمها قطع الأرزاق... شكرا يا ابو حسين بس انت قول البغلة قاعدة فى زريبتا وما بتجيك عوجة |
||
|
|
|
|
01-21-2011, 09:28 PM
|
#26 |
|
|
رد: حمونا الشب
التحية لهاشم صديق وهو يتكلم بلسان هذا الشعب الكريم.. والتحية للشقيق ود محجوب وهو يتحفنا بهذه الإبداعات.. والتحية لكل الشرفاء من بلادي الذين يسمعون الظالم قولة الحق.. والتحية لكل الشهداء الذين فاضت روحهم وهم قابضون على جمر القضية.. |
|
|
|
|
01-21-2011, 09:33 PM
|
#27 | |
|
شباب الختمية بالجامعات
|
رد: حمونا الشب
ابداع يفوق الوصف والله مشكور ود محجوب وحقيقة لاول مرة اسمع بهذا الشاعر ولكن دخلت علي قوقل ووجدت الرجل قامة في الشعر وهذه بعض القصائد التي وجدتها له قرنتية .. ما غواصة روسية قرنتية لا دبابة برمائية لا جاسوسة مدسوسة .. لا غواصة روسية لا جندية في "حركة" .. لا مختلسة مال شركة لا قصفت حدود "فشَلا" لا كسرت صريف كسلا لا معروفة ختمية . قرنتية لا صعلوقة لبست "شورت" لا بتعرف شنو البظبورت لا محتاجة جنسية . هي قايلة النيل سقِف بيتها وقايلة ضِفافو "محمية" . جات منسابة عز الصيف .. قايلة الناس بِكِرمو الضيف .. وقايلة النيل أمان والقيف وقايلة "الحاضرة" عصرية قرنتية .. جات بصغارها دايرة الخير لا شافت يٍفَط تحذير لا نزحت تكوس توزير لا جاطت حركة السير لا دارت وسام تقدير لا مستلفة عشرين وش ولا بتعرف تعيش بالغش كان محتاجة بس للقش وجات أحلامها دوغرية قرنتية لا بلعت عديل السوق لا نضمت بدون طايوق لا كنزت دهب أو ماس لا ظلمت بدون إحساس لا عصرت شباب الناس لا كتمت على الأنفاس لا قطعت عشم بي فاس لا داستنا زندية قرنتية لا دست سلع في الخيش لا شربت مريسة عيش لا ضبطوها في التفتيش لا خانت قسم أو ديش . لا اجتمعت "بمستر جون" لا أكلت "مؤنة العون" . لا سدّت علينا الكون لا سبت كتاب أو دين لا سامتنا حمرة عين ولا باعتنا ضهرية قرنتية جات مشتاقة للخرطوم تزور أحبابها خايفة اللوم . تصيح وتنادي بالحلقوم : "جنينة النزهة" وين يا زول . "جنينة النزهة" وين يا زول . *** لقت حال الجنينة خلا . حليل زمنها وحليل أهلها لا قرنتية .. لا أصلة لا صوت ككّو .. لا بغلة لا حلوف .. لا أسداً مهاب بالخوف لا نمراً يشد للشوف . لا ضل فيل .. لا تيتل جريهو جميل ولا غزلان .. ولا طاؤوس يباهي النيل لا زفة طيور ونعام لا نمراً دفر قِدّام كل الشُلّة ياقرنتية غمضة عين أحالوهم لصالح عام تقول الدنيا "مهدية" قرنتية .. ؛ جات زي ضيفة ما غارة . لا محتاجة لي فيزا .. ولا تصديق على زيارة . جات والشوق دموع حارة . تجدد في العيون الشوف . بين توتي وعلالي أبروف قايلة الدنيا لسة سلام ما خيم زمان الخوف لسة هناك ضفاف حرة . ما مطمورة للمُرّة قايلة الناس بعزو الضيف ما بسوقوهو لي حفرة وجوار القيف . ما بياكلوهو في الصفرة ومصيرو مخيف قايلة الحاضرة ما غابة . وقايلة حقوقها محمية قرنتية .. لا قدلت في شارع القصر . لا حامت في وكت الحظر لا خشت على المأمور . ولا نطت سلك أو سور لا دخلت على أمد رمان ولا كسرت قفل دكان لا دفرت على التلفاز ولا عضّت كراع فنان لا ذاعت بيان للناس لا احتلت كمان "حيشان" ولا نصبت شبك للحشّ جات بصغراها كايسة القش تلاقي القوت صبح محظور . وخير البقعة جوه السور سماحة الدنيا منسية قرنتية لا بتعرف عجن أو لخ وجات أحلامها دوغرية . عجب .. ساقوها جوه الفخ عجب .. من طولها وقعت تخ عجب .. سلخوها صبحية عجب .. ونحنا بنسلخ الإنسان كيف ما نغدر الحيوان عجب .. والدنيا عصرية قرنتية .. لا دبابة برمائية لا جاسوسة مدسوسة لا غواصة روسية لا جندية في حركة لا مختلسة مال شركة ولا حزبية بعثية قرنتية |
|
|
|
|
|
01-21-2011, 09:37 PM
|
#28 |
|
شباب الختمية بالجامعات
|
رد: حمونا الشب
المحاكمة الشاعر هاشم صديق ------------ لئيمة مكايد الأحقاد وكت تنعيكا للدنيا قبيحة خناجر الأصحاب وكت تطعن ضهر غنية غبية محاكم الفاشست وكت تلوى الضمير عنية وأمينة دفاتر الأشعار صدق كلماتها بالدنيا *********** أرافع لا لقاضى الحزب ولا لي عسكر السلطان أرافع لي ضمير الشعب تحت زرقة سما أم درمان أدق طبل الغضب وأصرخ وأقول كل الكلام مليان مزيف فى جرايد الحاشية والطغيان مجرح بالكلام أسمى من السفلة ومن الصحبان مرسوم يوم تحت لافتة ومكتوب يوم تحت عنوان ( فيلم هندى ) القصص عنى ميلودراما وبالألوان مواجه بقلم فاشى ومصلوب فى جرايد السر تقول عقل الوطن ناسى مناضل قالوا لو "حزبى وساقط لو "ديمقراطى صحيح صبح الفهم واطى وضمير القاضي ما خجلان يشد سلع المناضل يوم ويوم يكتب فى اسمو هوان تقول كسرت سن قلمى وتقول بايعت للشيطان تقول معنى النضال اصبح قلم سايح بدون أوطان تقول الردة رجعة قدمى للسودان وبين تنكيل قلم جاهل وتحليل حملة الأختام بقيت ثائر بدون تاريخ وراجي إشارة الإعدام وكل التهمة ما ساومت واستسلمت للأحلام و استنيت خلاص بلدى بأيد ثوار من المريخ سيوف ميتة وطول أقزام كرهت تفاهة الثوار وكت يبقى النضال قعدة كرهت قصائد الحفلات عن "الثورة" وعن "الجبهة كرهت معارك الأحقاد تحيل اسم البلد لعبة كرهت تطاول الأولاد و الساقطين من النقاد وصوت فنان ملوث بى هوى الأسياد وساقط من ضمير الكلمة والمبدأ وحامل راوية الأوغاد ************* أموت يا وطنى بى خنجر مكايد الحاشية والطاغية ولا الشايلين اسم ثوار وهم عصبة المافيا أقوم يا وطنى من جرحى وأشوف بى رؤية العافية جروحك فى المزاد للبيع واسمك فى خشوم لاهية وأحسك غابة من أشواك عليك قدم البحس حافية يمينك لعبة الأوزان يسارك يا وطنن تايه معسم فى الحروب كيمان نتوه فى سكة الجبهة نقيف فى سكة الجبهة كأنك ما قدر نصبح عشانك يا وطن وحدة كأننا لسه فى الأحزان جروح من واقعة الردة ناصبين للحزن صيوان ومستنين فرح مجهول يجلجل فى نسيب السهر والشوك نعود لى أمنا الساحة نقيف راجين نفير الحق وشهور تجرى وسنين زاحة وسيوف الجبهة فى الاغماد لا دكت هوى النيران ولا سوت ارض واحة مناشير عن نضال أحزاب اشعار عن رجال أحزاب أقوال من فكر أحزاب كانو الحزب هم نفسو كأنو الأزمة بس جرحو وجرح الأمة ضاق راحة كانو بلاهو لا ولدت بطون أمات ولا صبح النضال ساحة ويقيف الشعب فى ساحة المحطة دهور قطار الوحدة لا شرف ولا فارق عيونا السور ونجرح ونتلقى من العسكر وطعن الخونة و الطابور ونتقعر عن الازمات عن تقريب مسافة الرؤيا والرايات نتفلسف عن الثورة وعن المنفى وعن الإحباط ونتحذلق عن المعنى وعن الإسقاط ونتحامل على التأريخ ونجرح صحاف الشرفا بالتلميح ونتفنن فى ختم الشعرا بالاختام ونغرق فى بخار التيه وننبدل سيوف أفعالنا بالأحلام وفى الدوامة تتبدل سمانا سواد يموت معنى الوطن وفى زفة الأوغاد يضيع نبض الوطن فى زحمة الأحقاد يئن شرف الوطن من حزمة الأسياد يغيب شرف الكلام فى بحة المذياع وفى تهويمة التلفاز وفى مسرح صبح مشنوق بحبل المافيا من جنس الحطام" وشواذ تتصادر حروف الحق ويعود معنى الثقافة جناز وتقوم الزفة عن أعيادها بالتعيين ويصير عيد الفنون تأبين متين كان الحرف مصنوع؟ متين شبت ثقافة الأمة فى الصحرا والحصاد والجوع ******** تعيش يا معنى كلمة لا تدك الحصن الضلال بى اشرف الأشعار تعيش يا وطنى رغم جروحك المليون ورغم المافيا والأنصار تعيش يا شعبى صف مضموم بساعد العافية والاصرار أحبك لا بقع فى الشين ولا بسكن لوجع الفجعة فى جرح العذاب الخاص أقوم من كل جروحي وأكيف وفى ساحتك الممهورة بالرصاص وأصيح فى مسمع التأريخ أقول عن أزمة الراجين شباب واقف على السكين ويسأل بى عقل ملهوف تدق ساعة الحرابة متين؟ أنحنا سواعد الجبهة وسيوف الجبهة تصحا متين؟ أصيح فى مسمع التأريخ اوقل عن معدن الراجين شباب ثوري وديمقراطي وقلب واعي وصاحي شباب واقف سنين مشتاق تقوم الجبهة من تعسيلةالأوراق تقوم الجبهة من تعسيلة الأوراق |
|
|
|
|
01-21-2011, 09:39 PM
|
#29 |
|
شباب الختمية بالجامعات
|
رد: حمونا الشب
عرضحالات شعبية " أطول من السور القلم تعظيم سلام للكلمة ... لي إبل القصايد للحروف المابتسبّح (للمكوك) ..لي كل والي ...أكان ظلم تعظيم سلام لي(قبر أبويا) ...و(أمي آمنة) وللدروس الماخصوص ...للجمرة في بطن القدم أعظم من الوطن الوطن ..وأغلى الكنوز السُترة لو(حق الكفن) وأصدق من الفرح الألم **** غايبين في الزحمة ..اللخمة ..الطمع الصرع ..الونسة ...الكبسة ..الحُمى الغُمة ..الشهوة ..الشرقة ...السرقة وقل القوت ... أيامنا تقيف وعمرنا يفوت بيوتنا قبور وقبورنا بيوت سُكاتنا نضم ونضمنا سكوت نحلم بالرحمة ...رغيف ولحمة مكان في الصف ...قبال الزحمة ***** سألتك ياوطن أرتاح فديتك ياوطن تسلم قريت في دفترك شجنك وذاكرت المعاني حكم مشيت بي قصتك للريح وشديت في مسارب الهم لقيت حالك سؤال محتار وجرحك من نقيحو نضم وتتعلم تغني غناك وفي حلقك غبار وألم وتتعلم تبارك النار وكت حلمك برد وأظلم وتتعلم تموت وتعيش كأنك حاجة ما بتكمل ولابتزيد ولابتتم *** زاحفين في العاصفة الراجفة ...الصاخّة ....الطاخّة النار ...التار ....الشك العك ...الفتر ....الكدر الزيف ...الجيف ...الشجن المحن وقل القوت عايشين في الوجع البدع ...الهوس ...الهلس مدن الموت **** بركة شيخنا تنجض لينا تمرنا و عيشنا بركة شيخنا ترخص فولنا رغيفنا و زيتنا بركة شيخنا تشيل دقداقنا تسفلت لينا مدنا و ريفنا بركة شيخنا تكب بنزينا سيوبر و عادة بركة شيخنا تعشي ولادنا الليلة جدادة بركة شيخنا توفر لينا لبن و لساتك بركة شيخنا تسعل لينا رغيف فنتاستيك مسكينة بلدنا شقاها لحافها و غيظها وسادة جروحها معادة بحكم العادة *** أشوفك بالعذاب مصقول و بي لهب الجروح مغسول و لسع لا سكت عرقك و لا فتّر شقاكا قدم سواعدك ضاربة فوق الريح و جرسك ديمة صوتو فسيح و نجمك في الأماسي علم سألتك يا وطن إرتاح فديتك يا وطن أسلم متين تلمس صوابعك قيف؟ متين تعرف خلاصك كيف؟ متين تفرح؟ متين تنجم؟ *** أحلامنا تطير تقع في البير عرقنا غزير وشقانا وفير و حصاد الرحلة تعيس و فقير صدورنا تولع من نار غيظنا عذابنا مساهر و تحتو حصير أيامنا مسيخة و حالها عسير و لاتنا ينقطو سمنة و نعمة و نحن ضلوعنا خطوطها حفير *** إنتظري إنتظري عينيك ما تغمض و دمك يسرح مجنون الليل البكتل وهجك و مجنون الكضب السّمو بينقح يا بنية إنتظري السور منخور من ساسو مرنّح و همبول الطاقية و كوم المافيا ستارهم بنزل فوق المسرح إنتظري عينيك محمومة سؤالها بيعذب و مصلوا بيجرح هتافك شال من غبن الحال رقرق بالضيم إتشكل غيم في الشارع جنح إنتظري اليل مدحور الطاغية بيغور و ينشق السور و الدنيا بتصبح **** غايبين في الوجع الطمع ...الشك ..العّك الكّد .. الجذب ..السبّ فرحنا خطب ..بكانا خطب كضبنا خطب..صدقنا شرار مدنا حطب ..صدقنا شرار مدنا حطب *** فترنا من الخطب يا وليد من قل القرش في الإيد و من تعب الوقوف في الصف و من غبن الرصع بالكف و من حفر الدروب و اللف و من خط الحلم في الرف كل يوماً نقيحنا بيزيد دحين يا وليد هو كم دغشاً عشان نلاقاهو دافرنا و تعبنا شديد؟ كم حولاً صيامنا صبر عشان يشرق هلال العيد؟ آح ح يا وليد لا حتي الخبيز إنضاق و لا هدماً كسانا جديد *** أولاد الحلة إتلموا إتباروا وصفوا طبايعك و حلت الجلسة دسيت أوصافي عشان ما يقروا هوايا و سرّو و تبق النار في قلوبهم مغسة هواي كرهان في وصفك ديمة كلام الخطبا و مدح الخلفا هواي بالطين ممهور و محنن مرسوم بالنور في خاطر البسطا بيني و بينك إنشق الشارع و وقف الطاغية عرفت الطعم الكان ناقصني زمان ماكنت بعرف الدنيا الدنيا دي كانت طيبة و سمحة لا حسيت في بطن أقدامي بجمر الحاصل لأني فهمت الحد الفاصل و حسه الزمن إتفتح غبنو و شفت ضلامو و غدرو و سجنوا بديت إتعلم أغمس قلمي في دمع المُرة و أرسم طيرة طليقة و حرة *** غمّست الوتر الصابر فيكا و إتنسمت غبار إيديكا شالني الهم في الروح في الدم في النور في الضلمة في التيه في اللمة و لبست الريح طاقية و عمة إصبحت كبير بهويه و همة إتدردرت في درب الشمس التطلع حتة تغسل الجتة إتوترت جروح و صدام سكوت و كلام من كل مسام الشجن العام و لا نقنقت و لا إتجرست و لا إتفيك من ريد الأمة *** أطول من السور القلم تعظيم سلام للكلمة لي إبل القصايد للحروف المابتسبّح (للمكوك) لي كل والي أكان ظلم تعظيم سلام لي(قبر أبويا) و(أمي آمنة) وللدروس الماخصوص للجمرة في بطن القدم أغظم من الوطن الوطن وأغلى الكنوز السُترة لو(حق الكفن) وأصدق من الفرح الألم http://www.rufaa.com/board/sho...t=5078&page=30 |
|
|
التعديل الأخير تم بواسطة حسن مساوي ; 01-21-2011 الساعة 09:43 PM.
|
|
01-22-2011, 11:06 AM
|
#30 |
|
شباب الختمية بالجامعات
|
رد: حمونا الشب
|
|
|
|
|
01-22-2011, 11:07 AM
|
#31 |
|
شباب الختمية بالجامعات
|
رد: حمونا الشب
مُوندوكورو
هاشم صديق 15 ديسمبر 2010 (1) مُوتدوكورو وانا انفصلتَ وانقسمتَ عديل - ياميرى - قبال الجنوب عشرين سنة وجوايا مندلعا الحروب هلكان مقطّع بين مشارق وبين غروب جواى شمال واقِع شَرٍق جواى جنوب ضهبان غَرٍب ناشونى ما فَضّل سهم سامونى ذى زفة بَهَم نشلونى فى حبر القلم عصرونى لاذوق لافهم حِس الفرح جوايا نِضِب مُنشار اكل فينى وشِرب جلدونى ما قالو الرقم كِمْلَتْ على ضهرى وعَضَاى كل ( الجداول) فى ( الضَرٍب ). |
|
|
|
|
01-22-2011, 12:58 PM
|
#32 |
|
المدير العام
|
رد: حمونا الشب
التحية لهاشم صديق وهو يتكلم بلسان هذا الشعب الكريم.. والتحية للشقيق ود محجوب وهو يتحفنا بهذه الإبداعات.. والتحية لكل الشرفاء من بلادي الذين يسمعون الظالم قولة الحق.. والتحية لكل الشهداء الذين فاضت روحهم وهم قابضون على جمر القضية.. والتحية لكل شرفاء السودان |
|
|
|
|
01-22-2011, 09:11 PM
|
#33 |
|
المدير العام
|
رد: حمونا الشب
مشكور ابننا حسن مساوى على رفد البوست بابداعات الشاعر هاشم صديق |
|
|
|
|
01-23-2011, 10:09 AM
|
#34 |
|
|
رد: حمونا الشب
الله اكبر خربت خيبر ارى تحت الرماد وميض نار واخشى ان يكون لها ضرام فان النار بالعودين تزكى وان الحرب اولها كلام لعمرى هذه علامة بليغة عن قرب الفرج لاحباب النبى صلى الله عليه وسلم واله الطيبين الطاهريين فى الحقيقة اراد ناس الجبهة شغل الناس عما يجرى من الامور والشقاء الذى يجرى نحوهم لمحوهم ولكن هيهات واذا المنية انشبت اظفارها الفيت كل تميمة لاتنفع اى عدم نفع الحيل والفهلوة التى ظنوا انها منقذتهم من يوم النحس المستمر القادم لا محالة باذن الله |
|
|
|
|
01-24-2011, 09:25 AM
|
#35 |
|
المدير العام
|
رد: حمونا الشب
الله اكبر خربت خيبر ارى تحت الرماد وميض نار واخشى ان يكون لها ضرام فان النار بالعودين تزكى وان الحرب اولها كلام لعمرى هذه علامة بليغة عن قرب الفرج لاحباب النبى صلى الله عليه وسلم واله الطيبين الطاهريين فى الحقيقة اراد ناس الجبهة شغل الناس عما يجرى من الامور والشقاء الذى يجرى نحوهم لمحوهم ولكن هيهات واذا المنية انشبت اظفارها الفيت كل تميمة لاتنفع اى عدم نفع الحيل والفهلوة التى ظنوا انها منقذتهم من يوم النحس المستمر القادم لا محالة باذن الله {وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ} [سورة الأنفال: آية 30] وَإِذَا قِيلَ لَهُمْ لاَ تُفْسِدُواْ فِي الأَرْضِ قَالُواْ إِنَّمَا نَحْنُ مُصْلِحُونَ (11) أَلا إِنَّهُمْ هُمُ الْمُفْسِدُونَ وَلَكِن لاَّ يَشْعُرُونَ (12) وَإِذَا قِيلَ لَهُمْ آمِنُواْ كَمَا آمَنَ النَّاسُ قَالُواْ أَنُؤْمِنُ كَمَا آمَنَ السُّفَهَاء أَلا إِنَّهُمْ هُمُ السُّفَهَاء وَلَكِن لاَّ يَعْلَمُونَ (13)
|
|
|
|
|
01-27-2011, 01:25 PM
|
#36 |
|
شباب الميرغني
|
رد: حمونا الشب
نرجُو ذلك يا أُستاذ هاشم... نرجو ذلك...
|
|
|
|
|
03-29-2011, 12:12 PM
|
#38 |
|
المدير العام
|
رد: حمونا الشب
وشن سواني ..........
يا مولايا عكازاً في ءايد والي يهش بيهو في غنم ءابليس يهوّش بيهو فوق ريسين سواد الناس كان هتفت وبالاحساس وانفجرت من التهميش من التدليس من التفليس وانبجست عيونها دموع . وكان صرخت من مغسة هوان الجوع ............ ويقول الوالي بالعالي - ءانتو العُملا نحن الشعب والبقلعنا بتعب تب أهون ليهو ( لحس الكوع ) ؟!! ........... وشن سواني ياسيدي ويا مولايا أبوجنزير عكازاً في ءايد السادة والخُلفا وناس شيخنا وناس ( سانتانا ) والحجاج ....... شن سواني زول مغبون هتش محتاج جُغمة موص حَتْ دُرابه من جالوص. جِتة ضب ءانجدعت في وسط الخور . وجع منسي في وسط الصاج ؟! |
|
|
|
|
03-29-2011, 12:15 PM
|
#39 |
|
المدير العام
|
رد: حمونا الشب
يا سيدي
ويامولايا أبوجنزير أنا الشعب بقيت مصعد ورق للضغط لعب بالضبط عشان يكسب جناب الوالي والحاشية . مُعالي السادة والخُلفَا وناس ( تحسين ) و ( أبو وشين ) و ( أبو الحصين) والهمباتا والمافيا والطابور والهتيفة والحراس والمامور . وناس بيع البلد بالقسط . ........... أنا الشعب أكون عكاز للتخويف والتهويش والتكويش وما أداني يوم واحد كان من ديكا أو من ديل زول فيهم قِرش بقشيش ............ ............ أنا الشعب دوام كوره و ( ماسورة ) وسط أتيام وجيش أقدام لا لاعب لا فنان ولا ءانسان بس ( تيوه ) يسجلوا بيها في الأقوان .......... |
|
|
|
|
03-29-2011, 12:24 PM
|
#40 |
|
المدير العام
|
رد: حمونا الشب
فترت من القَنِص والشوت ولبع الجزمه في كلْ شوط والتعليق وكسر الرقبة بالنبوت والتحليق لا جنحين ولا برشوت . ........... بقيت ثائر بدل ضد والي ولاّ معالي أو تقزيم أو تلجيم بقيت أهتف وبالعالي ضد ( الكوتش ) والتحكيم وآكل نيم .......... يا سيدي .. يا مولايا أبو جنزير زول الله وانت الزاهد العارف وانت خبير أنا الشعب البقيت مجدوع هتاف جوعي كمان ممنوع . بقيت عكاز وكيس ( أُُومباز) و أي كلام دوام ( خاين ) في سينما الحسرة والآلام وديك ( أبطال ) في جاه الدنيا والأفلام . وشوف يا شيخي يا مولايا كمان اتقاسمو اءلاعلام وداسو ( الكلمة ) و الأعلام سووا مسيلمة الكضاب زي ( يوسف ) حكيم وخبير في معني الرؤيا والأحلام وبالتعيين صبح ( كاكومة ) زي ( هارون ) لسانو فصيح ءالا لديح كمان شتّام وكلْ جرحاً وكلْ حُزناً ( خَتّ وقيعتو في الاسلام ) . .......... |
|
|
|
|
| مواقع النشر (المفضلة) |
| كاتب الموضوع | ود محجوب | مشاركات | 57 | المشاهدات | 24701 |
|  |
| انشر الموضوع |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
