القبول يا رب - شباب الطريقة الختمية بدائرة ود ابراهيم بأم بدة
مجموعة مدائح ختمية.. شباب الطريقة الختمية بمسجد السيد علي الميرغني ببحري
|
المنتدى العام لقاء الأحبة في الله لمناقشة جميع المواضيع |
|
أدوات الموضوع | إبحث في الموضوع | انواع عرض الموضوع |
05-15-2010, 12:23 AM | #1 |
|
الدبيب... (قصة)...
زمااااان ساعتي الكنت بقرا في الكتّاب ... في البلد ... جيت مندلي بى عند البحر ..... ماسك القيف وماشي ... أغني ... لامن جيت بى حتة جنب القيف ملاني دشش وجضول اللات تمر ...... مرميات .... وانا ماشي جلابيتي كرنت لها في عميوقه .... دنقرت بشويش دار امرقها ...خايفها تنشرط ياها جلابيتي اللت العيد دنقرت كدي , بلا لقيت لك الشي مطوطو في العميوقه متل حبل الآشميق ... دبيب قدر ده .... بقيت أهبش في الواطا ... كايس لي درابة ولا حجر أضربو بيها فوق راسو ...فجأة ..... لقيت لك الشي نط وإتلولو في كراعي .... من شدة الهجمة بقيت واقف متل العود المجندل .... وحسيت لي بى شيتاً دااافئ سايل فوق كرعي ...والدبيب فاتح خشمو ويتمطق متل الورل البيرضع لو في غنمايه .... بعد شويه قام نزل .. وانا أصلي واقف عود يابس ... مسكت كراعي وبقيت أعاين لها ... لا عرفتو قرصني ولا ما قرصني ... بس كراعي بقت لي واارمي ومنفوخه ... تقول مسون لها باكنبودر ... رحت أهلي أجرجر فيها وانا بالي ضمه ما هو في ... لزيت الباب الليل الحوش بى إيدي ودخلت ... أمي شافتني قالت لي مالك ..؟ قت لها قرصني دبيب ... بقت تسكلب وتجري لا برا ... وناس البيت اتكبسوا فوقي ... جات سايقي معاها تمرجي أهلن بى ورانا شغال في الاسبتالي اللت مروي .... جاء من بعيد يتضرع وشايل شي في إيدو بس تقول طرمبة اللت فليت ... يكفكف في ضرعاتو ... تقول داير يضبح لو خروف ... يسوي لي آزول مافي عوجي ... مافي عوجي تب إن شاء الله .... طبزني حقنة فوق صلبي عليكن أمان الله تميت لي يبقى دورين ماني قادر أصنقر فوق العنقريب متل الناس , علا أكوع بى صفحتي متل الجبنة التاكنها فوق الوقاية ... وحاتكم لا يوم الليلي ماني عارفُو قرصني ولا لأ ..؟ كراع الجن كانت ملاني شقوق يكدوبا حلة الملاح عدييل كدي ..
|
05-15-2010, 10:04 AM | #2 | |
شباب الميرغني
|
رد: الدبيب ...
يا هلا بيك أُستاذي عبد العظيم أيها القاص الجميل...
شكراً لهذه البداية... لكن يا الحبيب الناس ديل ماهُن كلهم شايقيي شي... كدي الأحاول أترجم ليهُن الكلمات دي عشان يدُخْلُو معانا في الفُورمة دشش: الدِشَشْ هي المكان الموكَّر فوق البحر... يعني التلقَاهُو مليان حلفي وشدِيرَة فار وكدي!!! وجضول: والجِضُول هي بقايا شجر الطلح والسنط والتمر بعد قطعها "دي يبقى لي ساهلي شويي" عميوقه: والعَمَيُوقة... نوع من الشجر دُقاق كدي وما عندو فايِدَةً نعيمي... حبل الآشميق: الأشْمِيقْ هو الحبل المصنوع من ليف التمر... تمرجي: التَمَرْجِي هو الحكيم في زمننا... وبي عصر اليوم هو الطبيب... أها بعد الترجمة للشباب لامِن أجيك لي قصتك... الله يديك العافية في عضيماتك... وبركة المرقت بي الشي الدافي الفوق كريعاتك |
|
|
05-15-2010, 12:03 PM | #3 | |
مُشرف المنتدى العام
|
رد: الدبيب ...
قصة مؤلمة والله . انا يااخوي ابو الحسين فهمتها طواااااااااالي |
|
|
05-15-2010, 12:07 PM | #4 |
|
رد: الدبيب ...
الأخ عبدالعظيم الطاهر
سلام لا حول ولا قوة الا بالله اليوديك جنب الدشش شنو ؟ ياأخى انت حى ؟ الحمدلله على السلامة و الله قرأت قصتك مع الدبيب اقشعر بدنى وتخيلت نفسى ده أنا و أنا ذاتى قربت أجرى الحمد لله على السلامة |
05-15-2010, 12:11 PM | #5 |
شباب الميرغني
|
رد: الدبيب ...
رحت أهلي أجرجر فيها وانا بالي ضُمَّه ما هو في ... أهدي هذا التعبير لصاحبي شيخ الزبير بشير |
05-15-2010, 12:28 PM | #6 | |
حضرة السادة المراغنة
|
رد: الدبيب... (قصة)...
الاخ الحبيب عبد العظيم قصه حلوه . و نتمني ان تزودنا بالمزيد و من جميع الاخوه بالمنتدي . لتكون احد اصناف الفاكهه علي طاوله المنتدي . بس يا اخوي الترجمه واجبه . بالمناسبه احد اصدقائي شايقي من منطقه مقاشي و تربطني به علاقات عائليه و كان كثير لاستخدام كلمه ( ضمه ) . عشان كده يا ناس المنتدي نحن بنحبكم ضمه . اخوك الزبير بشير ( الجديد الثوره - الجزيره ) |
|
|
05-15-2010, 01:29 PM | #7 |
شباب الميرغني
|
رد: الدبيب ...
قصة مؤلمة والله . انا يااخوي ابو الحسين فهمتها طوااالي بتنا إسراء... ما تعملي فيها حبوبتك شايقية وتفتيحة... والله لو مُو ترجمتي دي... كان لي هسع تكون مكَرِّني في الدِشَش الفوق البحر ديك
|
05-15-2010, 01:44 PM | #8 |
مُشرف المنتدى العام
|
رد: الدبيب... (قصة)...
قصة الشايقي الاتسرقت ملايتو : ياجماعه قالوا فى واحد شايقى ملايتو اتسرقت كان مؤمل فيها امل كبير فجادت قريحته بالهجاء الاتى للمجرم حرامى الملايات يعيق الله يامجرم وكيف اسع تسرقنى تسرقك بطنك إن شاء الله وتخليك ديمه متالم حضيرى إن شاء الله يبراك وفلسا للجيوب يخدم والعطش يحرق الجوف يخلى الفقرا قايمه وقاعده ليك تعزم تعقينى انا يعيق الله يامجرم بمدفع كلاشنكوف يواليك فى المسيمع عاد يخليك لا سمع لا شوف ويجيك عميل من السوفيت مرسل ليك قرباتشوف شال حقنه حارقه معاهو يحرق ليك قلبك وكبدك وحتى المعده والشراشوف تعيقنى انا نان بالله لو سالوك نان عميان من الاسواق تسوق الورت فى ساقيه تورا يقطع الخناق تسوقك داف تدقشو ترلى فى عقبه يخليك لا ضهر لا ساق نان بالله عاد لو سالوك ماك عارف القروش بوين ناس بانين عمارات كيف وناس راحات وناس تخزين حكمت تجنى انا المسكين البلقط بقرش وقرشين تقرشك عقربا تلقاك فوق الريق يكون جسمك مرطب تب تقرشك سموم الصيف تخلى وشيك قايم حب وقرشا يبلعك يزرع يلف بين جده والصومال ويجبك لينا تانى هنا يرميك فى الرصيف بجاى يسلب لحمك الفوقك يخليك بس عضام وعصب تعقينى انا تطرشق ليا برنامج اخطط فيهو ليا سنين يطرشق فيك كمبرسون يخليك بس ساردين ويطرشق فيك بوتجازا يكون جنبك صفيح بنزين وترقد إن شاء الله ما نقلا زولا يقول ماشى فى تحسين تعقينى انا كمان تسرق ملايتى المن كيسا ما انفكت ولاعارف نقشها كيف يفك مننا الله اليوم قبل باكر يخليك لافى صيف وخريف يسل ضلعك تفارق عقلك تخليك ماشى فوق عدلك |
05-15-2010, 01:54 PM | #9 |
مُشرف المنتدى العام
|
رد: الدبيب ...
بتنا إسراء... ما تعملي فيها حبوبتك شايقية وتفتيحة... والله لو مُو ترجمتي دي... كان لي هسع تكون مكَرِّني في الدِشَش الفوق البحر ديك بلدا مي بلدك يا شيل طنجها يا قوم خلها وانا يامدير شلت طنجها |
05-15-2010, 04:31 PM | #10 |
|
رد: الدبيب ...
يا هلا بيك أُستاذي عبد العظيم أيها القاص الجميل... شكراً لهذه البداية... لكن يا الحبيب الناس ديل ماهُن كلهم شايقيي شي... كدي الأحاول أترجم ليهُن الكلمات دي عشان يدُخْلُو معانا في الفُورمة دشش: الدِشَشْ هي المكان الموكَّر فوق البحر... يعني التلقَاهُو مليان حلفي وشدِيرَة فار وكدي!!! وجضول: والجِضُول هي بقايا شجر الطلح والسنط والتمر بعد قطعها "دي يبقى لي ساهلي شويي" عميوقه: والعَمَيُوقة... نوع من الشجر دُقاق كدي وما عندو فايِدَةً نعيمي... حبل الآشميق: الأشْمِيقْ هو الحبل المصنوع من ليف التمر... تمرجي: التَمَرْجِي هو الحكيم في زمننا... وبي عصر اليوم هو الطبيب... أها بعد الترجمة للشباب لامِن أجيك لي قصتك... الله يديك العافية في عضيماتك... وبركة المرقت بي الشي الدافي الفوق كريعاتك ونعم الترجمة ... يا صاحبي ... كفيت ووفيت زي ما بيقولوا ...
خلك قريب ... إن بقت جات كليمي كدي الجماعة ديل ما فرزها فشان تفرزها ليهن فسراع فسراع |
05-15-2010, 04:36 PM | #11 |
|
رد: الدبيب ...
قصة مؤلمة والله . انا يااخوي ابو الحسين فهمتها طوااالي أمانة ً في (ضُمَّتِك ) فهمتيها ..؟؟؟ ولا بعد ابوالحسين ترجمها .؟؟؟ |
05-15-2010, 04:40 PM | #12 |
|
رد: الدبيب ...
الأخ عبدالعظيم الطاهر سلام لا حول ولا قوة الا بالله اليوديك جنب الدشش شنو ؟ ياأخى انت حى ؟ الحمدلله على السلامة و الله قرأت قصتك مع الدبيب اقشعر بدنى وتخيلت نفسى ده أنا و أنا ذاتى قربت أجرى الحمد لله على السلامة محمد ود الرفاعي ... كيفنك .؟؟؟ ياخي البلد هي كلها دشش .. عليك أمان الله انا وكت لقيتو مطوطو في كراعي , قطعت النفس تب .. كان طعنتني بى إبرة ما أحس بيها |
05-15-2010, 04:44 PM | #13 |
|
رد: الدبيب... (قصة)...
الاخ الحبيب عبد العظيم قصه حلوه . و نتمني ان تزودنا بالمزيد و من جميع الاخوه بالمنتدي . لتكون احد اصناف الفاكهه علي طاوله المنتدي . بس يا اخوي الترجمه واجبه . بالمناسبه احد اصدقائي شايقي من منطقه مقاشي و تربطني به علاقات عائليه و كان كثير لاستخدام كلمه ( ضمه ) . عشان كده يا ناس المنتدي نحن بنحبكم ضمه . اخوك الزبير بشير ( الجديد الثوره - الجزيره ) أمانةً في ( ضُمَّتِي ) يا الزبير ود بشير نحنا زاتنا بنحبك في الله علا كلمة ( ضمة ) دي عندها إستخدامات عديدة .. القلت انا دي واحدة منهن في الباقيات لازم تستعين بى صديق زي ( أبوالحسين كدي ):035 |
05-15-2010, 04:48 PM | #14 |
|
رد: الدبيب ...
بتنا إسراء... ما تعملي فيها حبوبتك شايقية وتفتيحة... والله لو مُو ترجمتي دي... كان لي هسع تكون مكَرِّني في الدِشَش الفوق البحر ديك بتنا إسراء .. كدي ترجمي لى دي ... ( جرجاو في الكيم أنتقوارمو ) بدون ما تستعيني بى صديق .. والجائزة شوال تمر قنديلي من الشمالية |
05-15-2010, 11:33 PM | #15 |
|
رد: الدبيب... (قصة)...
شكرا أخ عبد العظيم لهذا الإبداع .. لكن أنا قايل أخيرلك قرصة الدابي كان من حقنة التمرجي ده..والله شنو |
05-16-2010, 09:35 AM | #16 |
|
رد: الدبيب... (قصة)...
والله ياعبد العظيم خليتنا نفتفت من الضحك صباحتك حلوه وياحليل زمن بىتحت والتشق والهكر البلد ميه نضفوها بعد الظلط تانى ضمه مابتجيك عوجى طب بعد الكهرباء وكترلنا من جنس ولا تنسى الجداد المحمر ومطر القضارف عبده عشره على عشره |
05-16-2010, 10:20 AM | #17 | |
شباب الختمية بالجامعات
|
رد: الدبيب... (قصة)...
قصة جميلة ودحين انت يا عبدالعظيم الطاهر من منطقة شنو في الشايقية |
|
|
05-16-2010, 10:27 AM | #18 | |
لجنة شئون الأعضاء
|
رد: الدبيب... (قصة)...
سلام__ والله انا لا قريت القصة ولا بكذب لاني بكره الثعابين وبكره سيرتها،لكن عجبني السجال بتاع المفردات بين إسراء وقائدنا جمال واستاذعبدالعظيم،،واتمنى يطول عشان ذخيرتي العامية تزيد.. |
|
|
05-16-2010, 11:03 AM | #19 |
مُشرف المنتدى العام
|
رد: الدبيب ...
بتنا إسراء .. كدي ترجمي لى دي ... ( جرجاو في الكيم أنتقوارمو ) :d:d :dبدون ما تستعيني بى صديق .. والجائزة شوال تمر قنديلي من الشمالية والله صعبتها لي عديييييييييييييييييييييييييييييييييل |
05-16-2010, 08:31 PM | #20 |
شباب الميرغني
|
رد: الدبيب... (قصة)...
والله ياعبد العظيم خليتنا نفتفت من الضحك صباحتك حلوه وياحليل زمن بىتحت والتشق والهكر البلد ميه نضفوها بعد الظلط تانى ضمه مابتجيك عوجى طب بعد الكهرباء وكترلنا من جنس ولا تنسى الجداد المحمر ومطر القضارف عبده عشره على عشره لووول يا خالي النافعابي...
الشي نحن ما مرقنا من وَحْلَة الدِشَشْ توكِّرْنَا في التَشَاشِقْ!!! التَشَاشِق (جمع تُشِّقْ) ولامِن أجيكُن للمعنى يمنكم الإستعانة بصديق |
05-16-2010, 08:59 PM | #21 | |
|
رد: الدبيب... (قصة)...
الاحباب الشايقيه سلام عليكم . اولا القصه والله ممتعه رغم انى مافهمت فيها اى حاجه بس اللذيذ فيها لولوة اللسان بلهجتكم وتانيا يا ريس والله الترجمه زاتا دايره ترجمه دحين اتكلموا معانا بالعربى يا اخوانا . |
|
|
05-16-2010, 10:55 PM | #22 | |
|
رد: الدبيب... (قصة)...
|
|
التعديل الأخير تم بواسطة osman alamin ; 05-16-2010 الساعة 10:58 PM.
|
05-16-2010, 11:18 PM | #23 |
|
رد: الدبيب... (قصة)...
شكرا الاخ عبد العظيم علي هذه المساحه المرحة
بس عندي سؤال: هل هناك علاقة بين الدبيب والدبيان؟ باقي اختك شايقية |
05-17-2010, 04:47 PM | #24 |
|
رد: الدبيب... (قصة)...
شكرا أخ عبد العظيم لهذا الإبداع .. لكن أنا قايل أخيرلك قرصة الدابي كان من حقنة التمرجي ده..والله شنو إنطبقن عليَّ الإتنين يا مامون نسعل الله السلامي ... الحقني براها أخدت لها شهر بى حالو حتن وجعها راح |
05-17-2010, 04:53 PM | #25 |
|
رد: الدبيب... (قصة)...
والله ياعبد العظيم خليتنا نفتفت من الضحك صباحتك حلوه وياحليل زمن بىتحت والتشق والهكر البلد ميه نضفوها بعد الظلط تانى ضمه مابتجيك عوجى طب بعد الكهرباء وكترلنا من جنس ولا تنسى الجداد المحمر ومطر القضارف عبده عشره على عشره النافعابي يا حليلو ويا حليلو ... ياخي والله مشتهنك .. الكهارب دخلت لا فوق يا النفعابي اخوي ... لكين بلد بى تحت بى تشقها لا أسع يعني مو متل زمان لكنو موجود ودايرنو يبقى موجود عشان يحافظ على نكهة البلد وطعمها ولونها الماب يشبه الألوان. الجداد انا يا النفعابي .. طار لي جنس طيرة ... زمان يحمروا لك ديك لى زوادة القطر تبقى عليهو عشرة أكتر من شنطة الهدوم الشايلها والجماعة الفي القطر كلللهن يصاحبوك |
05-17-2010, 04:56 PM | #26 |
|
رد: الدبيب... (قصة)...
قصة جميلة ودحين انت يا عبدالعظيم الطاهر من منطقة شنو في الشايقية المحب ... تشكراتنا على المرور ياخي انا من منطقة ( نوري ) الزماااان غنى لها الفنان الكابلي ... قال يا اللوري تشيل منو غير شباب نوري تشيل منو الجماعة قاموا عليهو فلعوهو |
05-17-2010, 04:59 PM | #27 |
|
رد: الدبيب... (قصة)...
سلام__ والله انا لا قريت القصة ولا بكذب لاني بكره الثعابين وبكره سيرتها،لكن عجبني السجال بتاع المفردات بين إسراء وقائدنا جمال واستاذعبدالعظيم،،واتمنى يطول عشان ذخيرتي العامية تزيد.. بتنا منن بت عثمان ... كدي حاولي تقريها ... وختي لك خط تحت الكلمات الصعبة والدكشنري جاااااااهز .... ( أبوالحسين بى حالو ) مترجم قدر الضربة وماهر في اللغة الشايقية بى عوجة الخشيم كمان يجيبها ليكي |
05-17-2010, 05:03 PM | #28 |
|
رد: الدبيب ...
والله صعبتها لي عديييييييييييييييييييييييييييييييييل أبداً والله ... أها هاكي ليها : جر : يعني ( زير ) جاو : نوع من التمر الكيم : يعني ( الرُكُن ) الزاوية بتاعت الحيطة يعني الكورنر. أنتقو : يعني أمسكو جرو بى إيدك. ارمو : يعني أرميهو وبسسسسسسسسسسسس |
05-17-2010, 05:28 PM | #29 |
|
رد: الدبيب... (قصة)...
لووول يا خالي النافعابي... الشي نحن ما مرقنا من وَحْلَة الدِشَشْ توكِّرْنَا في التَشَاشِقْ!!! التَشَاشِق (جمع تُشِّقْ) ولامِن أجيكُن للمعنى يمنكم الإستعانة بصديق يلا .... أمرق الدكشنري سريييييييييع ... انا قت لهن الزول ده ( علاّمة ) في بحور الحديس الشايقي أوع تقوم تطلع لنا من شايقية الرياض كمان |
05-17-2010, 05:30 PM | #30 |
|
رد: الدبيب... (قصة)...
الاحباب الشايقيه سلام عليكم . اولا القصه والله ممتعه رغم انى مافهمت فيها اى حاجه بس اللذيذ فيها لولوة اللسان بلهجتكم وتانيا يا ريس والله الترجمه زاتا دايره ترجمه دحين اتكلموا معانا بالعربى يا اخوانا . الفاضل كيفنك ياخي ... وسلام من الله يغشاك محل قاعد كان الترجمة زااااتا دايرة ترجمة .. غايتو إلا تشوف ( قوقل ) |
05-17-2010, 05:32 PM | #31 |
|
رد: الدبيب... (قصة)...
عثمان اللمين ...
ياخي البتاعة أبت تشغل معاي ... عاوزين لينا دفرة غايتو عاوز اسمعها بالصووووووووووت تحياتي وتشكراتي |
05-17-2010, 05:35 PM | #32 |
|
رد: الدبيب... (قصة)...
شكرا الاخ عبد العظيم علي هذه المساحه المرحة بس عندي سؤال: هل هناك علاقة بين الدبيب والدبيان؟ باقي اختك شايقية بتنا رنا كيفنك ..؟؟ الدبيب : ورد في اللغة أن الدبيب هو كل ما ( يدبي على الأرض ) يعني يزح بى بطنو ما عندو كرعين شي لكين الدبيان دي : هي إسم جمع لكل ما ( يدبو على بطنه ) والله أعلم نان وكت إنتي شايقييِّ ما فرزتيها مالك .؟؟؟ |
05-17-2010, 05:43 PM | #33 |
شباب الميرغني
|
رد: الدبيب ...
جر : يعني ( زير ) . . . . وبسسسسسسسسسسسس أحسن ما يبقى بس... أها شنو تاني
جِنِس قُدْمَك ما لاقاني في الكسري المُرَّة |
05-20-2010, 09:33 AM | #34 |
|
رد: الدبيب... (قصة)...
عثمان اللمين ... ياخي البتاعة أبت تشغل معاي ... عاوزين لينا دفرة غايتو عاوز اسمعها بالصووووووووووت تحياتي وتشكراتي |
05-24-2010, 11:22 PM | #35 |
|
رد: الدبيب... (قصة)...
|
05-25-2010, 12:44 PM | #36 |
مُشرف المنتدى العام
|
رد: الدبيب... (قصة)...
ياجماعة والله العظيم اخونا عبد العظيم فاقدنو شديد اشتهينا الحُجا حقو |
05-25-2010, 08:27 PM | #37 |
|
رد: الدبيب... (قصة)...
ياجماعة والله العظيم اخونا عبد العظيم فاقدنو شديد اشتهينا الحُجا حقو ما يأتى سريعاً يذهب سريعاً فرقتك مافى زول بسدها يا خليفة نطالب بالعودة السريعة |
05-25-2010, 10:18 PM | #38 | |
|
رد: الدبيب... (قصة)...
زمااااان ساعتي الكنت بقرا في الكتّاب ... في البلد ... جيت مندلي بى عند البحر ..... ماسك القيف وماشي ... أغني ... لامن جيت بى حتة جنب القيف ملاني دشش وجضول اللات تمر ...... مرميات .... وانا ماشي جلابيتي كرنت لها في عميوقه .... دنقرت بشويش دار امرقها ...خايفها تنشرط ياها جلابيتي اللت العيد دنقرت كدي , بلا لقيت لك الشي مطوطو في العميوقه متل حبل الآشميق ... دبيب قدر ده .... بقيت أهبش في الواطا ... كايس لي درابة ولا حجر أضربو بيها فوق راسو ...فجأة ..... لقيت لك الشي نط وإتلولو في كراعي .... من شدة الهجمة بقيت واقف متل العود المجندل .... وحسيت لي بى شيتاً دااافئ سايل فوق كرعي ...والدبيب فاتح خشمو ويتمطق متل الورل البيرضع لو في غنمايه .... بعد شويه قام نزل .. وانا أصلي واقف عود يابس ... مسكت كراعي وبقيت أعاين لها ... لا عرفتو قرصني ولا ما قرصني ... بس كراعي بقت لي واارمي ومنفوخه ... تقول مسون لها باكنبودر ... رحت أهلي أجرجر فيها وانا بالي ضمه ما هو في ... لزيت الباب الليل الحوش بى إيدي ودخلت ... أمي شافتني قالت لي مالك ..؟ قت لها قرصني دبيب ... بقت تسكلب وتجري لا برا ... وناس البيت اتكبسوا فوقي ... جات سايقي معاها تمرجي أهلن بى ورانا شغال في الاسبتالي اللت مروي .... جاء من بعيد يتضرع وشايل شي في إيدو بس تقول طرمبة اللت فليت ... يكفكف في ضرعاتو ... تقول داير يضبح لو خروف ... يسوي لي آزول مافي عوجي ... مافي عوجي تب إن شاء الله .... طبزني حقنة فوق صلبي عليكن أمان الله تميت لي يبقى دورين ماني قادر أصنقر فوق العنقريب متل الناس , علا أكوع بى صفحتي متل الجبنة التاكنها فوق الوقاية ... وحاتكم لا يوم الليلي ماني عارفُو قرصني ولا لأ ..؟ كراع الجن كانت ملاني شقوق يكدوبا حلة الملاح عدييل كدي .. بسم الله الرحمن الرحيم
والصلاة والسلام علي أشرف المرسلين سيدنا محمد (ص) الأخ / عبد العظيم أزيك وسلامتك يايابا من الدبيب يا أخوي أماني ماأكلتنا كترت عقارب تكون لابتي تحت الكعرنوف ورافعي ضنيبا تقول بس منتظرانا وتش تنتش الايد وتحس بيها في القليب جووووووه وبقينا من نشوف الكروق شعرت جلدنا تقوم ونقول النبي نوح من قار اللوح والنبي أقرب من العقرب يالها من أيام بالرغم من شقاوتها ؛؛؛؛لها طعم جميل شكرآ شكرآ عبد العظيم للسرد الرائع منتظرين المزيد |
|
|
05-25-2010, 11:17 PM | #39 |
شباب الختمية بالجامعات
|
رد: الدبيب... (قصة)...
المحب ... تشكراتنا على المرور ياخي انا من منطقة ( نوري ) الزماااان غنى لها الفنان الكابلي ... قال يا اللوري تشيل منو غير شباب نوري تشيل منو الجماعة قاموا عليهو فلعوهو التي قالوا فيها : مساوي آية من الجمال مأخوذة من جنة بلال =============سكانه طابعهم الوصال دي جزيرة في قلب الشمال وايضا : مساوي يا ود الشريف دي ============== جزيرة اجمل من جنيف شوف الكرم لمن يجينا هناك ضيف ============== شوف القوي كيفين بساند للضعيف |
05-28-2010, 12:41 AM | #40 |
|
رد: الدبيب... (قصة)...
بسم الله الرحمن الرحيم والصلاة والسلام علي أشرف المرسلين سيدنا محمد (ص) الأخ / عبد العظيم أزيك وسلامتك يايابا من الدبيب يا أخوي أماني ماأكلتنا كترت عقارب تكون لابتي تحت الكعرنوف ورافعي ضنيبا تقول بس منتظرانا وتش تنتش الايد وتحس بيها في القليب جووووووه وبقينا من نشوف الكروق شعرت جلدنا تقوم ونقول النبي نوح من قار اللوح والنبي أقرب من العقرب يالها من أيام بالرغم من شقاوتها ؛؛؛؛لها طعم جميل شكرآ شكرآ عبد العظيم للسرد الرائع منتظرين المزيد وتانى لا فى خوف من عقرب ولا دبيب طالما بقى معانا فى المنتدى ود الشيخ الكباشى مش بقولو برضو ياالشيخ الكباشى ياالتلب الماك حاشى , وبرضو ياالشيخ الكباشى خصيم السم . والأهم من دا كلو البيت البشتتوا فيهو بركة الكباشى العقارب ما بتسكنوا |
مواقع النشر (المفضلة) |
كاتب الموضوع | عبد العظيم الطاهر | مشاركات | 49 | المشاهدات | 25724 | | | | انشر الموضوع |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|