القبول يا رب - شباب الطريقة الختمية بدائرة ود ابراهيم بأم بدة
مجموعة مدائح ختمية.. شباب الطريقة الختمية بمسجد السيد علي الميرغني ببحري
|
|||||||
| المنتدى العام لقاء الأحبة في الله لمناقشة جميع المواضيع |
إهداءات ^^^ ترحيب ^^^ تهاني ^^^ تعازي ^^^ تعليقات ^^^ إعلانات |
|
|
|
أدوات الموضوع | إبحث في الموضوع | انواع عرض الموضوع |
05-28-2010, 02:15 AM
|
#1 | |
|
المُشرف العام
 
 |
وصيه خطيييييره..من ام لابنتها المشاركة
يا بت هوي فتحي عينك و ابقي نجيضة وفالحة..... قدر ما اجي داخله عليكم القاكي .... هي هي هي .... و قر قر قر .. الراجل ما تضحكيلو كتير..... يسعالني الله، يحقر بك....الراجل اديهوالعين الحمرا. وان قدرك الله ايدك تلحقيها ليهو لحقيها...ابقي نجيضة.....آآية..... زي امك.....الله بسعلني وقت ابوكي يقول حاجة تضحك.... امشي اتحشر في الاوضة واضحك زيييين واجي مارقة صارة وشي.... وبعدين اوعك واوعك وبعدين تااااني اوعك... تقوليلو الجلابية دي سمحة والله العمه اللابسها دي سمحة... نفسو تقوم تعجبو يعرس فوقك.... وبعدين تشربي ما تروي....واكربيهو بالطلبات.... اوعي تخليلك قرش يبيت في جيبو...واوعك تخليهو يشوف ال...... بيخربن الرجال... و وقت المسلسل داك يبدأ ...جيبي فندكك واقعدي دقي أي حاجة جنبو ويا ريت لوكانت شطة... ولا كان شافعك جيعان وداير يرضع وبيبكي خليهو في بكاءهو داك لمن المسلسل ينتهي.... وبعدين ما يجى داخل يلقاكى تغنى حتى ان بقيتي دايرة تغني اوعك من الغنا الخايس ناس حبيبي حبيبي.... امسكي في الغنا الحار زي البيجري نسيبتو و مرتو طلقانة ولا اندب حظي ولا دفاعنا الشعبي ياهو ديل ولا النار ولعت بقلبيبطفيها.....ااا اي.... عشان تربيلو الزلعة .....والخلعة....بس اوعك تغني ليها لليلة يوم الرجال....
بيقوم يصدق و يتحنفش فوقك ساكت........ واوعك تشكريلو حاجة جابها.... ان جاب لك لحم ختي ايدك فوق راسك وقولي لو ووب علي ووب علي ووووب علي غشوك وادوك الجلافيط.....وان جاب لك فتيل ريحة اول ما تفتحيهو وتشميهو طوالي صرى وشك وقبلي غادي وابزقي وقوليلو دا شنو يا راجل؟......الريحة المتل ريحة الفسيخ دي جايبها من وين؟ غايتو انت مغستك تقد وان جنك نسوان ولا بنات....ما تخليهو يقعد وسطن....ويتونس.... طيريهو من البيت وان ابى يمرق... قدرمايقول ليو نكته ولا يخفف دمو قدامن صري ليهو وشيك.... وقوليلو انت ........... ما عندك غير النكتة دي؟يا خي عملت لنا بها وجع وش اصلهم الرجال عارفاهم... الواحد فيهم من يشوفلو لمت بنات يقعد يخفف في دمو ويعمل فيها ودنفاش.....وتلقيهو يضحك بلا سبب... حتى ان واحدة قحت ساكت ... يقعد يضحك ويصفق اديهو....واوعك تخليهو معاهن وتدخلي المطبخ تسوي لك شربات .....وحات الله بنات الزمن دا ان غفلت من راجلك دقيقة بس تلقيها عرستو... ااااااى اسمعى كلام امك يا بت حشاى امك دايرة مصلحتك |
|
|
|
| مواقع النشر (المفضلة) |
| كاتب الموضوع | علي الشريف احمد | مشاركات | 25 | المشاهدات | 12749 |
|  |
| انشر الموضوع |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض الشجري