القبول يا رب - شباب الطريقة الختمية بدائرة ود ابراهيم بأم بدة
مجموعة مدائح ختمية.. شباب الطريقة الختمية بمسجد السيد علي الميرغني ببحري
|
|||||||
| المنتدى العام لقاء الأحبة في الله لمناقشة جميع المواضيع |
إهداءات ^^^ ترحيب ^^^ تهاني ^^^ تعازي ^^^ تعليقات ^^^ إعلانات |
|
 |
|
|
أدوات الموضوع | إبحث في الموضوع | انواع عرض الموضوع |
02-04-2013, 05:04 PM
|
#1 | |
|
 
 |
قصيدة يآرحمن أرحم بى جودك للشيخ المآحى رضى الله عنه
بسم الله الرحمن الرحيم يا رحمان ارحم بى جودكقصيدة التمسآح للشيخ محمد المآحى رضى الله عنه يارحمان ارحم بى جودك دلى الغوث ينزل فى بلودك سم يا فمى اذكر معبودك قول يا واحدا حى فى وجودك يا مسعد اسعد بسعودك ونحن نصلى على مريودك ***** يا رحمان ارحم بى برك يا حافظ فى بحرك وبرك فى وليانك اطلق سرك خل نيشاتن اليتحرك ***** آمين آمين يا كاشف الغمه جنب ها الدابى تصبحو رمه تسلط واحد ايدو مدمه يعجل قتلو قبيح القمه ***** يا الخلفا الحالكم مرضيه يا اهل البيعه العقدوا النيه التمساح سكن الشايقيه خلو اليروح نسيا منسيا ***** يا ابن ادريس عدل نيشانك فوق الكل عامر ديوانك هم يا شيخ الناس حيرانك فى التمساح بين برهانك ***** يا ابن ادريس شيخنا النورانى يا صاحب الفتح الربانى يا ابنو العركى ويا السمانى ارمو سهامكم يا فرسانى ***** شئ لله يا ذات التجلى صاحب السر والفتح الكلى يا الغوث البى الكون متولى التصريف هيلك عجلى ***** يا عبد الوهاب التازى يا اب درعا منسوب بى حجازى التمساح تمساحا خازى درنا العوم ادونا الاجازى ***** يا الداسوقى وشيخو رفاعى يا حسن التواع كون واعى الشبلى وشيبان الراعى ارمو سهامكم يا شجاعى ***** شئ لله يا اهل الدايره يا الفى الكون اسراركم سايره ارخو السر فى السحره الغايره خلو الدايره التصبح نايره ***** وينكم لى وينكم يا قومنا سهرانين نحسب فى نجومنا التمساح حجر لى عومنا ان ما جيتونا عليكم لومنا ***** وينكم وينكم يا ديله يا اهل ا لحضره الليله الليله اجتمعوا وخلوا البهديله التمساح احموهو الشيله ***** وينكم لى وينكم يا كمل يا لحاق فيكم بتأمل يا الفوت البى الكون اتحمل عرض الدار روح يتهمل ***** وينكم لى وينكم يا كسر يا لحاق فيكن بدثر التمساح بلحيل انجسر امرو عليكن ماب يتعسر ***** شئ لله يا حسن البصرى صهيب الروم ذا النون المصرى يا الدباغ ابو سرا يسرى يا ابن المحجوب الناس متحسرى ***** شئ لله يا اب جلابيه يا عثمان شيخ الختميه يا الصلاح جمله الاولياء التمساح شوفولو اذيه ***** شئ لله يا راجل البقعه يا اهل الحضره البعد الهجعه يا الفكى شيخ الهام اب تسعه شيل الدابى تحتكم بدعه ***** شئ لله يا عبد القادر محى الدين البحر السادر يا ود زينب قوم لى مبادر يا ود حاج قول جيتكم حاضر ***** شئ لله يا راجل البركل يا قايم الليل ماب تكسل يا عايم بالله اتوكل قول للدود من بلدى اتفضل ***** يا اهل الركب الفات بى ليلو ما فيكم واحدا شاد حيلو احمد واحمد واحمد شيلو ود عدلان فوق راسو اديلو ***** يا ياسين يا ود حميده يا اهل القبه الباقيه فريده انتو ما ابتا طيتو اكيده ما بتغلبكم هذى الصيده ***** يا رجاله نورى اتلموا خلو الغفله جميعكم هموا محمد صالح قام بى عمو لطم الدود بالسر فوق فمو ***** يابا حمدتو اب نايبا شوكه صاحب سر وايدك مبروكه يا اب نيران الحقنا بابوكا هم يا شيخ الناس زموكا ***** يا الفكى شيخ العبد الصالح يا لحاق فى بحر المالح ود بيلى و عووضه القارح وين حاج عيسى القدر الطامح ***** يا اب شارب واولاد السته امانى عليكم ليش ها السكته اسمع يا شيخ القول ليك انت جرت الحين فى بلادكم نكته ***** الزرق ابوات ود حاج موسى يا الكمل ما فيكن دوسه البلد الكانت محروسه اتحجر العوم والناس محبوسه ***** يا ود جابر ليك بنادى قوم با خوانك لا البولادى يا العجمى اب رزقا صيادى اخدوا الشكره العادى العادى ***** يا اولاد جابر بى عجميكن قوم الخمسه واكربوا سريكم نادوا اب رابعه وخلوا يجيكم قتل الدود مو قاسى عليكم ***** يا وراق يجن حوباتك فى التمساح بين آياتك خلو يصوب من بلداتك لا يتمسخر فى زوراتك ***** شئ لله يا رجالتنا شرف الدين فرسان المتنه صالح السلمى اسمعوا كلمتنا احبسوا الدود لا يطل صفحتنا يا النبى بى جاهك ثبتنا احفظنا واستر عربتنا اكوى اعدانا وكيد شامتنا فى الدارين اكتب راحتنا ***** البنيان يا جمله صحابى الغوث يا قطب الاقطابى الشبلى وبدوى النشابى ارخو السر فى هذا الدابى ***** على المحبوب صل يوت يا برا عدد مخلوق جميع لا الذره نظملوا الماحى قصيده وجرا تنجى الامه فى يوم الحرا ***** صلاه الله عدد ما لبا وقاف الحج وطواف الكعبه سلاما جابوا الماحى معبا يعم السيد والال والصحبا |
|
|
|
|
02-05-2013, 08:23 PM
|
#2 |
|
|
رد: قصيدة يآرحمن أرحم بى جودك للشيخ المآحى رضى الله عنه
اللهم ارض عن الشيخ الامام حاج الماحى وانفحنا بنفحاته فى الدنيا والاخرى يآرب العالمين |
|
|
|
|
02-10-2013, 01:26 PM
|
#3 | |
|
شباب الميرغني
 
|
رد: قصيدة يآرحمن أرحم بى جودك للشيخ المآحى رضى الله عنه
تسلم حبيبنا حسن الخليفة... وللبيت أعلاه قصة مع أنصاف عُلماء الجماعة إياهم... جاء شايت ضفَّاري وقال حاج الماحي مُشرك بدعائه غير الله!!! رد عليهُو واحد بأبسط ما يكون وبالبيت أعلاه فقط... قال ليهُو يا مطرطش حاج الماحي أول شي سال ربُو يجعل في أولئائه النَدَهُن ديل السر... حتى بعد داك نَدَهُنْ... فأُسقِط في يد هذا المِتْشُويِخْ!!! قبل كم يوم كدي برضو في بلدنا... والناس يجهزوا للإحتفال بالمولد النبوي الشريف... إنبرى أحدهم كل يوم عامل ليهو ندوة المولد بدعة والمولد بدعة وما أدراك...واحد من حجاجنا الكُبار رد عليهو بي سخرية صادقة جداً... والله يا ولدي أكبر بدعة في الدين دا إنُّو زي نوعك دا يوعظ في الناس!!! نسأل الله السلامة... ولحاج الماحي والبرعي وكل مداح الحبيب المصطفى الرحمة والمغفرة والقبول الحسن... |
|
|
|
|
|
02-10-2013, 04:54 PM
|
#4 |
|
|
رد: قصيدة يآرحمن أرحم بى جودك للشيخ المآحى رضى الله عنه
|
|
|
|
|
| مواقع النشر (المفضلة) |
| كاتب الموضوع | حسن الخليفه احمد | مشاركات | 3 | المشاهدات | 5672 |
|  |
| انشر الموضوع |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
