|
رايكم شنو في القصيده دي ((للغير متزوجين ))
لي إيدينا بنرفع *** والعازب كلو بيسمع __________________نفوسنا كتير مشتاقة *** للراعي دوام نتضرع شعارنا عريس متواضع *** ياخي ياقدر اسمع أجمع نحن البايرات في لهفة *** والعمر ولي وودع نحن مساكين ياجماعة *** وللجنة دوام نتطلع لو واحد قام وأتقدم *** في لحظة نلبي ونسمع بلاش عربية خصوصي *** مالو الكداري دا هسع بلاش من شبكة وشيلة *** بي أبسط حاجة بنقنع البيت ماشرط عمارة *** دي مظاهر ساكت تخدع لي جنة نضيرة نحول *** البيت الخرب البجمع ما شرط تجيب تلاجة *** كفاية الزير البنقع ما دايرين كبدة وشية *** بي ويكة تقيلة بنشبع ما أصلو شبابنا الودع *** ما ممكن تاني بيرجع أحلامنا الكانت بدري *** ما عادت تاني بتنفع دايرين الشاب الأغبش *** حتى لو فقران ومقطع لانو الفيهو الفايدة *** ليهو دوام نتطلع حياة السترة أملنا *** إن شاء الله ربنا يجمع يحن الله علينا *** ونشيل أيدينا ونرفع للرب شكوانا بنرفع *** والباير كله بيسمع في دربك ياما جرينا *** والعين الساهرة بتدمع كم مرة ايدينا اتمدت *** والرد الجارح اقنع احلامكم والله غريبة *** وللعين بتزغلل وتذلع طلباتكم لينا تحير *** جايين تتواضعوا هسع ما جينا زمان شن قلتو *** يافقير يامقطع أرجع ما عندك حق السفة *** لابس دمور ومرقع دايرين العندو مصانع *** لو كان لي غيروا بيركع ما جينا زمان شن قلتو *** يافقير يا مقطع أرجع في جيوبك ساكنة عناكب *** لو كان باعوك ما بتنفع دايرين العندو الفلة *** لو كان حنكوش ومدلع ما جينا زمان شن قلتو *** يا فقير يا مقطع أرجع لو ماشي لآخر الدنيا *** تركب رجليك تتبرطع دايرين العندو البنز *** لو يبقى عجوزاً أصلع ما جينا زمان شن قلتو *** يافقير يامقطع ارجع يا البيتك مبني زبالة *** ومن غير فيضان يتزعزع دايرين العندو الفيلا *** لو كان صغير بيرضع ما جينا زمان شن قلتو *** يا فقير يامقطع أرجع وموكيتاً فخماً فاخر *** ونجفا بالدر مرصع والكندشة فريون ضاربة *** وثلاجة فريزر تجمع بي فيديو كاسيت وأتاري *** نتسلى لو وكتنا نضيع ما جينا زمان شن قلتو *** يافقير يامقطع أرجع *** دايرين زنقيل ومقندل *** لو كان تمساحا يبلع والعملة الحرة ضروري *** والمهر دولارا يدفع وبشرط الشيلة العامرة *** والكرسي الجابر يلمع وذهباً مختوم وأساور *** مليانة الإيد للأصبع وضروري الحفلة بوردي *** والكابلي اللحنو موقع ونقضي عسل في أوروبا *** ونطوف العالم أجمع بي لندن وروما وموسكو *** وفينا المدن الأربع نلبس في الكاسي العاري *** ولو طلعت موضة بنتبع وناكل فاكهة طازجة *** وبالخير نتمتع ونشبع أفلامكم والله عجيبة *** خلونا نحمض ونطبع ماجينا زمان شن قلتو *** يامبهدل أوعك تطمع *** مد رجليك قدر لحافك *** وشوف ليك طورية وأزرع لي مين تتقدم انت *** يا قرد ياقبيح يا مبرقع كيفن بتحب يا أغبش *** من غير شاكوش تتفرقع لو كان بنحب الزيك *** ما أخير الموت الأسرع لو مت وفاتك تفرح *** ولو عشت حياتك تفجع ولو تبقي ضراعي الأيمن *** في لحظة بنقطع ونجدع ما قلنا الدنيا دي فانية *** وآمالنا مظاهر تخدع اختاروا العندو ديانة *** الديمة وشو بيلمع قلتولنا خلاص انتظرو *** الحور في الجنة بتنفع الليلة قطركم صفر *** والعمر ولى ودع عجزتو قعدتو تقولوا *** واشبابنا الأغبش أجدع ماجينا زمان شن قلتو *** يافقير يا مقطع أرجع *** ما جينا زمان ليه كنتو *** جاهلننا زي الشفع ما خلاص الليلة وقعتوا *** من قد القفة الأوسع والليلة قطركم دور *** وقعتوا في وش المدفع رافعين الراية البيضاء *** لكن هيهات ما بتنفع رافعين لعرس جماعي *** وفي العشرة ألف ما بنطمع وهنياً ليكم كبدة وشية *** بعد الأضراس تتخلع |
رد: رايكم شنو في القصيده دي ((للغير متزوجين ))
ما خلاص الليلة وقعتوا *** من قد القفة الأوسع ................... يجازي محنك يا ود مساوي!!!;);) لكن أرجى الراجِيكْ:cool::cool: |
رد: رايكم شنو في القصيده دي ((للغير متزوجين ))
معبره جداً القصيده يا ود الحسين ومزيد من العطاء
|
رد: رايكم شنو في القصيده دي ((للغير متزوجين ))
محب ال البيت بتشتر بالحجار مالك وبيتك من زجاج !!!
الكلام دا كل برجع ويجي علي راس الشباب العازف عن الزواج وممكن نصفو بالخايف من تحمل المسوليات في زمنا دا ولا رايكم شنو..؟؟؟؟ |
رد: رايكم شنو في القصيده دي ((للغير متزوجين ))
اقتباس:
صدقت ياابوالحسين الخليفة دا المرة دي وقع ماسمى ولحين ترجى الراجِيكْ:cool::cool: ياخليفة إليك مهر فقيرات المنتدى... لحظة العقد والمآذون موجود والخلق ما تديك الدرب ورايات وبوارق الختمية تزين الصيوان ومدائح الختم تعبق الاذان والاهم من دا كله حضور وتشريف سيدي ابوهاشم والسادة (اتخيلت اللوحة) في اللحظة دي وبعد سؤال الماذون للعروس عن وكيلها تجد شرط العروسة وتحديدها لمهرها والذى لا تقبل غيره ( لازم يجي العريس ويقرأ امام الحضور ما يحفظ من القرآن (في مهر اغلى من كدا ؟) ويااااااسلام كان طلع حافظ المولد والبراق وقرأ لوح لوحين |
رد: رايكم شنو في القصيده دي ((للغير متزوجين ))
اقتباس:
اولا الشكر لكل من تفاعل مع هذا البوسست الاخ ولا(( الاب )) ابو الحسين والسيد المحامي والعم احمد واختنا امة الختم . وليك بقول يا يا عم احمد الشباب ما عازف عن الزواج لكن الزواج بقي صعب وحتي الناس البقولو ليك تعال بالفاتحة فقط تظهر لك بعد فتره جيب داك ولازم تجيب داك و...........و............. ولكن قد اتفق معك بانه هنالك نوع من الخوف لكن ما في داعي للخوف فالرسول قال تزوجوا فقراء يغنيكم الله . وبعدين الرزق علي الله . |
رد: رايكم شنو في القصيده دي ((للغير متزوجين ))
اقتباس:
وهذا لا يعني ان ننقص من شأن القرآن ولا من شأن المولد والبراق . |
رد: رايكم شنو في القصيده دي ((للغير متزوجين ))
اقتباس:
تشكر للمشاركة يا سعادة المحامي |
رد: رايكم شنو في القصيده دي ((للغير متزوجين ))
اقتباس:
تسلم يا(( عمو)) ابو الحسين . |
رد: رايكم شنو في القصيده دي ((للغير متزوجين ))
سير سير يالعريس
اقلهن مهرا اكثرهن بركة وياسلام كان طلع حافظ المولد والبراق وقرأ لوح لوحين |
رد: رايكم شنو في القصيده دي ((للغير متزوجين ))
اقتباس:
ود مساوي محب آل البيت القصيدة عبرت عن حال كاتبها اولاً ثم من تكون مقاسه ..... لكن جميل رد امة الختم وبعد كلامها ده مافي غير البدق سدرو ويقول نحن جاهزين والله يخضر الضراع |
رد: رايكم شنو في القصيده دي ((للغير متزوجين ))
اقتباس:
على قول العربي ..ها اللخو ما قلنالك دا ماياهو كلووووووووه المهر ما يحفظه من القرآن |
رد: رايكم شنو في القصيده دي ((للغير متزوجين ))
الله يديك الفي مرادك والله كلامك صحيح صح لسانك
|
رد: رايكم شنو في القصيده دي ((للغير متزوجين ))
:031::j3::j102:
|
رد: رايكم شنو في القصيده دي ((للغير متزوجين ))
يا على شريف بطل الحركات دي ( علق سريع ) رايك شنو في الكلام دا .....
شكراً محب ال البيت على هذه القصيدة (المفصلة ) على منو (.........) . |
رد: رايكم شنو في القصيده دي ((للغير متزوجين ))
والله العظيم انا رديت بمقاله طويله .... ولكن عندما ادركت ان الكاتب كتب ((للغير متزوجين)) مسحت كل مشاركتي عشان ادي((للغير متزوجين)) فرصه ايراد ارائهم . وانت يامحمد عبده واحد منهم ما قلته لينا رائك ليه وانتوووو يابقية العزابه قولو لينا رايكم في القصيده كتابتا وبعد داك نحن عندنا راي حنقولو بعد داك |
رد: رايكم شنو في القصيده دي ((للغير متزوجين ))
اقتباس:
اقهن مهرا اكثرهن بركة يجب ان تعمم هذه الثقافة |
رد: رايكم شنو في القصيده دي ((للغير متزوجين ))
اقتباس:
آآآآآآمين جمعا اشاء الله وتسلم علي المرور |
رد: رايكم شنو في القصيده دي ((للغير متزوجين ))
اقتباس:
وشكرا علي المرور |
رد: رايكم شنو في القصيده دي ((للغير متزوجين ))
اقتباس:
|
رد: رايكم شنو في القصيده دي ((للغير متزوجين ))
اقتباس:
وغير المتزوجين دي قاصدين بيها انو القصيده منظومة لغير المتزوجين يلا ورينا رايك |
رد: رايكم شنو في القصيده دي ((للغير متزوجين ))
اسباب الزواج كثيره منها :- 1الحفظ ((الصون من الوقوع في الحرام)) 2العز ((كما يقول المثل العز ولد)) 3-الرزق ((كما ورد في كثير من الاحاديث 4-ليباهي بنا رسول الله الامم يوم القيامه ((كما قال صلى الله عليه وسلم (...فاني مباهي بكم الامم يوم القيامه)) وهذا أرجى مانرجوه نحن. 5-لتزوق العباده والحضور فيها((وبالتجربه الشخصيه كل العبادات من صلاة واوراد وخلافه بعد الزواج أن لها طعم لا يوصف الا لمن ذاقه )). 6-الراحه النفسيه والجسديه. وغير ذلك الكثير من الاسباب التي يطول شرحها **ولكن هناك اسباب لفشل الزواج كثيره (( قلة التدين-- عدم التوافق -- عدم المسؤليه من جانب واحد او من الجانبين -- الاهمال من جانب واحد او من الجانبين -- الجهل بحقوق وواجبات الطرف الثاني -- وغيرها )) واما اسباب تاخر الزواج او عدمه فيرجع لعدة اسباب :- 1- منها **السالفة الذكر اي فشل زواج الغير .اي عندما تسال الواحدعن الزواج يقول لك((ويقولون العاقل من اتعظ بغيره)) 2- ومنها المغالا ة في المهور وتجهزات الزواج . 3- الخوف من الرزق والعياذبالله ((الواحد اقول ليك حاكلهم من وين)) 4-الرجال صار الكثير منهم لا يحب تحمل المسؤليه ((وذلك يرجع للتربيه من منذ صخره لم يدرب على تحمل المسؤليات))مما جعل النساء يقلن هو في رجال ((للندره)) حتى للاسف أصبح راجل المرآه (المتزوج ) يتغنى به ومطلوب منهن. 5- ومن الاسباب مايريده ويخطط له اعدائنا ((يهود وغيرهم)) وهو ان لا تكون هناك اسره مسلمه وان يقل عدد المسلمين وغير ذلك من الاسباب حتي اصبحت ظاهره لا تخطها العين والقصيده تمثلها وللاسف ترجع كل السبب للمرآه مع ان للرجال نصيب من اسبابها ولي عوده... |
رد: رايكم شنو في القصيده دي ((للغير متزوجين ))
اقتباس:
لكن انا خايف الحكاية تبقى زي ناس الطماطم في سوق بحري تلقاهم راصين الطماطم ويكوركو (بي الف بي الف بي الف) لما تجيهم يبدأ يوزن ليك من الصغار تقول ليهو اديني من الكبار دي يقول ليك لا دي بي الفين :d |
رد: رايكم شنو في القصيده دي ((للغير متزوجين ))
اقتباس:
البيان بالعمل اصبر اخي صابر وخت الرحمن في قلبك الخوف في شنو؟ والفرق كبير بين سوق بحري وطماطمه وبين خَليفيات الختم شن جاب الثرى للثريا. |
رد: رايكم شنو في القصيده دي ((للغير متزوجين ))
[quote=أمة الختم;72[b] ياخليفة إليك مهر فقيرات المنتدى...[/b]
لحظة العقد والمآذون موجود والخلق ما تديك الدرب ورايات وبوارق الختمية تزين الصيوان ومدائح الختم تعبق الاذان والاهم من دا كله حضور وتشريف سيدي ابوهاشم والسادة (اتخيلت اللوحة) في اللحظة دي وبعد سؤال الماذون للعروس عن وكيلها تجد شرط العروسة وتحديدها لمهرها والذى لا تقبل غيره ( لازم يجي العريس ويقرأ امام الحضور ما يحفظ من القرآن (في مهر اغلى من كدا ؟) ويااااااسلام كان طلع حافظ المولد والبراق وقرأ لوح لوحين [/quotياخليفة امة الختم الكلام دا لينا انحنا....... بس لما تلقي ليك فقيرة حافظة من القران ولوحين من البراق تكون ماخلت جاحة بيني وبينك انا عاوز لي واحدة زي دي |
رد: رايكم شنو في القصيده دي ((للغير متزوجين ))
ناسف اخي محب ال البيت
تفكيرنا في العرس خلانا ننسي نقول راينا في القصيدة ...... والله قصيدة جميلة ومعبرة ......... بس مجاراتك لي المقطع ناكل مما نزرع ....... ونلبس مما نصنع ...... والعالم كلو بيسمع |
رد: رايكم شنو في القصيده دي ((للغير متزوجين ))
اخي ( ابني ) العزيز
القصيده حلوه و معبره . بس عندي ملاحظه لغوية بسيطه في عنوان القصيدة ( للغير متزوجين ) و هي اضافة اللام لحرف الجر ( غير ) و حروف الجر تعرف بالاضافه ( غير المتزوجين ) اي الصحيح ( لغير المتزوجين ) . اما ان كنت تقصد الغير او الاغيار او الغيريه فلتلك حكايه و روايه هنا ليس مكانها . و الله و رسوله اعلم . افتونا يا ناس اللغه . اخوك / عكليت . |
رد: رايكم شنو في القصيده دي ((للغير متزوجين ))
اقتباس:
لتخبرنا بنصيب الرجال |
رد: رايكم شنو في القصيده دي ((للغير متزوجين ))
اقتباس:
تشكر الاخ عثمان وكلامك صاح بس انا ما كاتب القصيده |
رد: رايكم شنو في القصيده دي ((للغير متزوجين ))
اقتباس:
فانا لست من اهل اللغة |
رد: رايكم شنو في القصيده دي ((للغير متزوجين ))
نهاركم سعيد
|
رد: رايكم شنو في القصيده دي ((للغير متزوجين ))
والله قصيدة رائعة ياحسن
|
رد: رايكم شنو في القصيده دي ((للغير متزوجين ))
اقتباس:
قبضناك اخيرا رجعت ، انا من زمان بسأل وين صاحب الصورة البتشبه شيخ عبد الرؤوف احمد موسى اختفيت وين يا أرو طولنا منك البركة فى القصيدة دى الظهرتك ، يا ود مساوى كتر من الكلام الزى دا عشان تحرك (نفسك اولا) وتحرك باقى الناس معاك |
رد: رايكم شنو في القصيده دي ((للغير متزوجين ))
اقتباس:
خلى تفكيرنا دحن انت ما باركنا ليك العرس قبل ايام؟؟؟؟؟؟؟ ولا انضميت لحزب الشريف على الشريف ناس الدبل بس داير اقول ليك درب الشريف دا صعب ما بتقدر عليو ابعد احسن ليك |
رد: رايكم شنو في القصيده دي ((للغير متزوجين ))
اقتباس:
دا كلام طيب ، الشيخ قال ليهم اسألوها الفاتحة هى قالت ليهم انا لما اقيف حتى اشوف الكعبة لكن هو (للشيخ) قاعد فى مصلايتو يشوف الكعبة ديل الخليفات |
رد: رايكم شنو في القصيده دي ((للغير متزوجين ))
قصيده معبره وتعبر عن الواقع في المجتمع السوداني الواحده تقعد تتطنقع وتقول دا ماعاوزا ودا ماعندو شي ودا ماعارف شنو لحدي في النهايه القطر يفوت وتضطرا تقبل باي زول في النهايه .
|
| الساعة الآن 01:05 PM |
Powered by vBulletin® Copyright ©2000 - 2025, Jelsoft Enterprises Ltd.
دعم وتطوير نواف كلك غلا