يا الخلفاء
 

اشارك الاخوة بمحاولة شعرية متواضعة

يا الختم عثمان...الله.....منبع الايمان..الله...انت الامن وامان...الله...انت عالي الشان....الله....يالبدر في الدوران....الله....يا ضامن السودان...الله
الانتخاب الكان...الله...للشعب حرمان...الله...يا سيدي بالنيشان...الله...والضرب في المليان...الله
يا الخليفة نزار....الله..... عاشق المختار....الله....للطريق انوار....الله....تجلو للابصار...الله
الانتخاب الجار...الله.....والباعو بالدولار...الله....قوموا الاذكار...الله...وفكو بالاسرار...الله
يالخليفة صلاح...الله...الفي ظلم مصباح...الله...للخلق صلاح....الله....البداوو جراح...الله
الانتخاب الراح...الله...بالكذب وبواح....الله....بالنون والمفتاح...الله....أكتلوا التمساح...الله
ياكبيرنا جمال....الله....قايد الاجيال....الله...ناس قول وفعال...الله....صالحين الحال...الله
الانتخاب بطال...الله....مافي فوقها فصال....الله...انشر الاقوال...الله...وافضح الانذال....الله
يالخليفة سراج...الله...لابسين التاج...الله...البصلحو العاج ....الله....عالين كالابراج...الله
الانتخاب سماج...الله...بالخداع الراج...الله....من مركز الحجاج....الله...طلعوا الافواج...الله
يا الخليفة عمر....الله....يالكلامو درر...الله....انت سر البر...الله.....حارسا لام در....الله
الانتخاب الشر...الله....للبلاد ضرر.....الله....جيبو سر السر...الله...واضربو المغتر....الله
صلي يا رحمن...الله...للنبي العدنان...الله...سيد الاكوان....الله....مظهر الاحسان....الله....للانس والجان...الله...رحمة وحنان...الله...ما مشت ركبان...الله....او مدح ولهان...الله
ليك نشكو الان..الله...من الظلم وهوان...الله...وعلى ربنا التكلان....الله....يبعد الكيزان...الله

رد: يا الخلفاء
 

مشاءالله جميله والله شديد يسلم فمك والله

رد: يا الخلفاء
 

رد: يا الخلفاء
 

والله يا شيخنا محمد عثمان،ربنا يجزيك خير كلام سلس وجميل يخلي الواحد يدندن بيهو ويفك بيهو من الزعلة الدخلت فينا.. طبعا أنا هسة لحنتها وبدندن بيها..كتر خيرك أخوي وربنا يديك الفي مرادك..

رد: يا الخلفاء
 

رد: يا الخلفاء
 

الأخ / محمد عثمان عمر

لك التحية والتجلة ،،،
والله حاجة مفرحة جداً هذه المحاولة ، وياريت تعمل ليها لحن وترفعها بالصوت او الفيديو ، رايك شنو ،

انا طبعاً بقرا فيها بلحن مقتبس من مدحة الختمية .

شكراً بارك الله فيك ..

رد: يا الخلفاء
 

بارك الله فيك يا خليفة وإن شاء الله ربنا يجعلها كما نويتها

رد: يا الخلفاء
 

تسلم يا كبيرنا والله شهادة توضع على الصدر ونسال الله ان يتقبل و يصلح النية

رد: يا الخلفاء
 

اختنا منن والله اسعدتني كلماتك كثيرا وزادك الله سعادة وإن شاء الله قريب الناس ديل يتزحو والله (((بجبرنا))) بمولانا السيد محمد عثمان...ودة شرف لي ان يدندن بها الصادقين من الختمية امثالك

رد: يا الخلفاء
 

بارك الله فيك والعين ما تعلى على الحاجب شاعرنا المخضرم عيدابي لك كل الاحترام يا مولانا

رد: يا الخلفاء
 

كلمات جميلة جداً جداً اخونا محمد عثمان بارك الله فيك

رد: يا الخلفاء
 

جزاك الله خيرا ابننا الغالى/محمد عثمان
الله يحفظك ويبارك فى ايامك والله كلام جميل يفوح صدقاً ومحبة
وهذا لاشك فيه لانك ابن الخليفة الصادق عمر الله يزيدك ويعلى
درجتك بجاه سيدى رسول الله صلى الله عليه واله وسلم وبجاه
المراغنة الكرام وهذه القصيدة ان شاء الله نعملها رواية
ونقولها فى الحضرة الجايه بارك الله فيك واكثر من امثالك

لك خالص الود والتقدير

رد: يا الخلفاء
 

بارك الله فيك يا مولانا والله لي الشرف والحمد لله انها عجبتكم على عرجها وتواضعها.....حاضر إن شاء الله نعمل ليها رواية...ممكن توريني رواية المدحة البدندن بيها ممكن نجاريها ولا شنو؟

رد: يا الخلفاء
 

اختنا اسراء بارك الله فيك والله شجعتوني جدا

رد: يا الخلفاء
 

آميييين بارك الله فيك مولانا سراج وجزاك الله خير يعلم الله قد اكون لم التق بك وببقية الاخوة الاعضاء لكن لكم في القلوب مودة صادقة ومحبة وأسال الله ان يجمعنا تحت لواء الحبيب يوم القيامة....ولي طلب عندكم يا مولانا واتمنى منكم تلبيته تسجلوها ليها لينا عندما تمدحوها.بارك الله فيك و حفظك ذخرا للطريق واهله...والبسكم الله تيجان العز دايما.

رد: يا الخلفاء
 

مولانا محمد عبده ما رديت علي...

رد: يا الخلفاء
 

رد: يا الخلفاء
 

مرورك الكريم شرف لي وزدتني شرفا بتواضعك بقولك صديقك وهيهات يا سيدي ان يعلوا الثرى الى الثريا انتم على راسنا يا سيدي ولا نطول ان نكون من تلاميذ تلاميذكم.....و يا سيدي انتم لم تسقطوا انتم باقون في القلوب ولكم فيها دولة لو زوروا ما زوروا ما أسقطوها ...حب صادق لله ورسوله بحق...وانتم اعلم سيدي ان الامر من بعد الله ورسوله بين يديكم واليكم ونحن من ورائكم فامضوا فينا بما انتم به مأمورون...والله الروح والنفس للسادة المراعنة و لكم فداء ولا خوف على السودان وانتم فيه... رجاء الا تحرمونا من دعائكم...
(و طيفور دا مالو ومال السياسة وهو قد جاوز الاهرامات عمرا...واقترب من القبر شبرا و لو عمل لاخرته لكان خيرا له و لكن (لو) تفتح عمل الشيطان على مذهبه)
{فأما الزبد فيذهب جفاء وأما ما ينفع الناس فيمكث في الأرض كذلك يضرب الله الأمثال}
تشبيه الباطل بزبد السيل أو زبد الفلزات المصهورة‏,‏ وتشبيه الحق بما يمكث في الأرض مترسبا من ماء السيل من مثل الجواهر والمعادن النفيسة والنافعة‏,‏ أو يبقي بعد صهر الفلزات الثمينة والمفيدة مع عدد من المواد لتخليصها مما قد يكون فيها من شوائب علي هيئة الخبث‏(‏ الزبد‏).‏

رد: يا الخلفاء
 

يا مولانا يعني ما لحنتو لينا القصيدة يا ريت تلحنوها لينا

رد: يا الخلفاء
 

يا أبو علوة والله شغالين في الاقتراح دة بس الخليفة مجتبى يشد حيلو معانا حبة

رد: يا الخلفاء
 

شكرا يا خليفة
كلمات رائعة

رد: يا الخلفاء
 

بارك الله فيك اخونا وائل والاروع مرورك الكريم كامل التقدير والاحترام

رد: يا الخلفاء
 

رد: يا الخلفاء
 

اطفئوا لهب الغضب والغبن من صدور احبابكم بالكلام الجميل مثل هذا شكرا يا خليفة

رد: يا الخلفاء
 

مولاتنا امة الختم البركة من عندكم وجازانا الله الخير بكم...ولا تنسونا من الدعاء يا خليفية...

رد: يا الخلفاء
 

رد: يا الخلفاء
 

رد: يا الخلفاء
 

غضب الجاهير يهدأ بوجود الصادقين امثالكم بينهم فان رؤية الصابرين تلهم الصبر...شكرا يا مولانا على المرور الجميل