|
إنطباعات عائد من الإجازة...
أحبتي الكرام...السلام عليكم ورحمة الله وبركاته... كل عام وأنتم بألف خير وعافية... والعفو والعافية ونسأل الله أن يديم على الجميع نعمة الصحة والعافية... بوست أحاول فيه رصد بعض الملاحظات التي قابلتني في إجازتي القصيرة هذه المرة فيما يخص حال أهلنا الطيبين وطريقتنا النورانية وجوانب من حزبنا وحكومتنا الرشيدة!!!... أسأل الله التوفيق والصلاح... ونبدأ بسم الله الرحمن الرحيم... |
رد: إنطباعات عائد من الإجازة...
أولاً نبدأ بعيد الأضحى في البلد... أحلى عيد يا ناس والله بين الأهل والأحباب... أرجو من كل السُفَّار كان في الشرق الأوسط ولَّة الأدنى... تنسيق إجازاتهم مع العيد الكبير... وحا تشكروني كتييييييير على الحكاية دي... جربو العيد الجايي... وإن شاء الله يعود علينا وعليكم بالصحة والسلامة... |
رد: إنطباعات عائد من الإجازة...
عوداً حميداً عزيزنا ابوالحسين إن شاء الله كُل الأهل والأسرة الكريمة بخير دايرنكْ بعد ماترتاح شوية تَغَرِق غَريق ومَادِس علينا حاجة أي حَاجَة ؟ لنُقارِن مع مانسمع من شَكِية وجُوعْ وغَلآء ، أنا ضَحيت في السودان بَرضُو لكنني عرفتك في السودان بعد عودتي إلى دبي ؟! الجايات أكتَر من .........؟ عثمان ابونورة الإنقريابي |
رد: إنطباعات عائد من الإجازة...
اقتباس:
هلا حبيبنا أبو نورا... ويا ريت لو كان الواحد قابلك علي الأقل نتوج لقاءات الأسفير على الحقيقة... ونسأل الله أن يجمعنا بكم قريباً حاجين أو معتمرين ياااااارب... ويا اخوي في دوشة الخرطوم الفايري دي... ما لاقيت أي واحد إلا الأخ محمد عبده في عزاء والد زميلنا محمد أحمد الملك... نسأل الله أن يغفر له ويرحمه ويكرم نُزُله ويسكنه الجنة مع الأبرار... نبدأ بالخرطوم... الناس جارين ومدووشين ومشغولين جنس شغلة... نسأل الله لهم الإعانة والتوفيق... عكس الحياة في البلد... زمان كنا نقول ناس البنادر ديل مرطبين ومرتاحييييييييييييين... لكن سبحان الله هسع ناس البلد عليهم جنس روقة... نسأل الله أن يديمها عليهم ويلحق بهم ناس البنادر قادر يا كريم... أها الحكومة وما أدراك ما الحيكُومة!!! |
رد: إنطباعات عائد من الإجازة...
اقتباس:
|
رد: إنطباعات عائد من الإجازة...
اقتباس:
هلا بي ود شيخنا... الدوري الإسباني ود الناس... وحياتك متابعين مسلسل كدي إسمها ملكة جانسي!!!http://www.khatmiya.com/vb/images/icons/icon10.gifhttp://www.khatmiya.com/vb/images/icons/icon10.gifhttp://www.khatmiya.com/vb/images/icons/icon10.gif ويوم ماتت دا قربوا يقلبُوهو مأتم!!! أما عن الحكومة وما أدراك ما هي؟؟؟ تعرف يا ود شيخنا الإهتمام والزخم اللاقَاهُو مقطوعة الطاري دي عند المُغتربين... في السودان ما لاقياهُو... ولا يوجد لها أي وجود... ولا تشعر بي إنو في حكومة كدي وقواعد وأركان ونظام!!! غايتُو سبحان الله على قول واحد من الفُقَراء ديل قال البلد دي ماشي بي بركة الصالحين الفيها... والناس ما جايبين خبرها... إلا تجيب طاريها يقُومُو يدعُّوها ويلعنو يومها... لكن براااااااااهم كدي يجيبو خبرها... لأ لأ لأ... غايتُو شعب طيباااان بس الله ربماهُو في إيدين الكيزان... نسأل الله يصلح الحال يااااااارب... اللهم ببركة آل بيتك في السودان... والصالحين والأولياء وسيدنا ابن عدنان... أن تاخذ بكل يد منا إلى مقصده ياوسع الوهبان وأن تهيء لنا من الأسباب ما تخرجنا به من هذه الأحوال الرديّة وأن تنقلنا إلى حضرة الجُود والوسعان... اللهم آمين... |
رد: إنطباعات عائد من الإجازة...
أول زيارة بعد العيد كانت لخليفة السيد الميرغني بمنطقة نوري، الخليفة عوض خوجلي لأداء واجب العزاء... وجدناهُ صابراً محتسباً راضياً بقضاء الله متماسكاً لا يعطيك فرصة للبُكاء أو التمتمة... نسأل الله أن يتقبل الشهيد قبولاً حسناً وأن يسكنه فسيح جناته مع الصديقين والشهداء... آمين... وبرغم هذه القساوات وجدناهُ خريجاً من الجامعة... (بعد شاب دخَّلُو الكُتَّاب)... التحق بها بعد أن نزل إلى المعاش والحمد لله شاركناه فرحة تخرجه بدرجة جيد جداً... والآن سجل لنيل درجة الماجستير... http://up.khatmiya.com/images/13858885391.jpg تهانينا يا خليفة بإسم أعضاء منتديات الختمية... ونسأل الله أن يديم عليكم نعمة النجاح والتفوق... وأن يجمعنا بكم في أسعد اللحظات... |
رد: إنطباعات عائد من الإجازة...
اقتباس:
افتحوا قلبه وعلموه كل فن. آآآآآآآآآآآآآآمين |
رد: إنطباعات عائد من الإجازة...
اقتباس:
تقبل الله دعواتك دكتورة سلوى... وإن شاء الله قريباً نرى الخليفة بيننا... نسأل الله له دعوام الصحة والعافية... |
رد: إنطباعات عائد من الإجازة...
أما عن الحزب وما أدراك ما هُو... فلا بريق له عندنا في الشمالية ولا في المركز... وحسب إعتقادي ملَّ الناس السياسة وطاريها والسياسيين وذكراهم... بقو مشغوليييييييين في حياتهم... لا تنظيم ولا لجان ولا حركة في الشارع... وإنتخابات 2015م ليست ببعيدة... ** كثير من الإخوة في الشمالية مستائين جداً من إنسحاب الحزب لمُرشح الوطني إبراهيم الخضر... وكانوا يراهنون بفوز أي مرشح ضد المؤتمر الوطني لكراهية الناس لسياساتهم في السنوات الماضية... ولكن تنازلنا لهم من هذه الولاية وأعطيناها لهم على طبق من ذهب... السبب شنو؟؟؟ الله أعلم!!! يلَّة ما مشكلة... بس نحاول الإجتهاد من هنا ولي قدام... وقدامنا سنة... أحسب إنها ستمر كما مرت الثلاثة القبلها إن لم نحسبها صاح!!! |
| الساعة الآن 12:58 AM |
Powered by vBulletin® Copyright ©2000 - 2025, Jelsoft Enterprises Ltd.
دعم وتطوير نواف كلك غلا