|
قصيدة في سيدي علي تغنى بها الراحل خلف الله حمد
انشئت هذه القصيدة التي كان يتغنى بها الفنان الراحل خلف الله حمد ومن قبله فنانة التراث الشعبي الشهيرة (حميرا) في مناطق كبوشية عند زيارة الحسيب النسيب مولانا السيد على الميرغني طيب الله ثراه الي مناطق شندي ومنها منطقة المكنية . ولا يخلو حفل عرس او ختان من غناء هذه القصيدة كنوع من التبرك والفال الحسن والاستهلال الطيب فيكفى ان من قيلت في تخليد ذكرى زيارته هو حفيد وسليل الدوحة النبوية الشريفة
طاهر العُمامة بجِينا القومة ليهو.. النجدة يا دُخرينا ود عِثمان مِنوِّي الجيَّة وقالوا مِشِّرف المِكنية الخايلة فوقو الليَّة وسمحة الجلسة في الحولية ود سيدي جِيد لي بلدو الفي الكون يلوح نور ولدو الختمية هاشوا وعرضوا وسمّوهُو البَحر لل وردوا شدولو فوق همّامو وشالُوا السباين وقامو ناس ...ود سِيدي ما بتلامُو دا كل العالمين خُدَّامُو شدولو فوق مَربَيتُو والزين والسَمِح سوِّيتو العاجِبني انا دابي لِقيتُو لي زيارة الحبيب في بيتو دا طاهر العُمامة الزِينة القومة ليهو الليلة قال طارينا |
رد: قصيدة في سيدي علي تغنى بها الراحل خلف الله حمد
هلا بيك الشريف علي... وحقيقي سمعت هذه القصيدة بصوت الفنان المُبدع قيقَم ومبدع دي أكيد في ناس عندهم فيها راي حسب مواقفه من أغاني ما يُسمى بالجهاد إبان العهد الترابي... لكن حقيقي له صوت جميل جداً... وقد تغنى بهذه الأُغنية في إحدى ليالي الخرطوم عاصمة للثقافة 2005م وتفاعل معها الحضور بطريقة مُدهشة (الكلمات + الأداء الحماسي الذي أظهره قيقم)... يا ريت من يستطيع تحميلها ورفعها بالموقع يتحفنا بها... |
رد: قصيدة في سيدي علي تغنى بها الراحل خلف الله حمد
|
| الساعة الآن 01:57 AM |
Powered by vBulletin® Copyright ©2000 - 2025, Jelsoft Enterprises Ltd.
دعم وتطوير نواف كلك غلا