مُنتديات الختمية - قصيدة دخري السودان سيدي عثمان مرة ثانية بمناسبة غوث متضرري السيول بشرق السودان


	وجه السيد رئيس الحزب الإتحادي الديمقراطي الأصل مولانا السيد محمد عثمان الميرغني ومرشد الختمية أجهزة الحزب المختصة كافة بإرسال قافلة إغاثية عاجلة للمتأثرين من السيول والفيضانات بولايتي كسلا والقضارف ووقف على مجمل الخسائر بتلك المناطق،

لله درك يا سيدي الختم دمت سالما يامجمع الاحسان مدد مدد ياسيدي الختم عثمان
اما أنتم الاخوة والاخوات أستميحكم عزرا في نشر قصيدة(دخري السودان سيدي عثمان)
مرة ثانية بهذه المناسبة ففي الشدة بعد الله ملجاءنا ذو الدول عثمان وكفي

لاضير أن أمدحهم في كل مكان و كل زمان فأنا أستبدبي سلطان الهوي ولا تثريب علي.
ساداتي علموني الصفح في الزلل فانتم مثلهم صفح وكرم

(دخري السودان سيدي عثمان)
(نظم / عادل عثمان الخليفة ( ود الخليفة) )

مدخور لي يوم دا و الجايات

اياك دخرينا عثمان أسد الحوبات

عثمان قمرنا ضو المظلمات حالكات

اليله حوبتك يا الختم جات

يا راكز الصفوف ومعدل المايلات

يا وأرث الفخر سليل ساداتي السادات

نقول يا الختم ننشد ونرفع الرايات

أبن سيدي علي المعلي رفيع درجات

سمي الأقرب أجود من الصابات

أنت قمر تمام أنجم سعدنا الطالعات

جوادا كريم معروف مقيل عثرات

للسودان سند . بكفك تخمد الطامات

وراك خيول الله عركسن راكبات

فوقن رجال . الفي ركابن يرفسن واثبات

أدينا الأذن ننطلق و نعدل العوجات

نفداك بالمهج الجميع أبواتنا والأمات

متل الصحابة أن دعيت نلفظ التمرات

ود الخليفة مأموله الصحبة في الجنات

هو وأهله من كف جدك ينال شربات

يا أبن بنت رسول الله يا منتهي الغايات

محصن يا الختم بتبارك و يسن والصافات

وأختم بالصلاة علي جدك نبي الشفاعات

أن جاء نظمي منقوصا فكماله محبتي فيكم ساداتي .