|
في زمن البلبلة .. والغلغلة ... والغربلة ... داير احكي ليكم حكاية !!!
* تنويه : الحكاية موجهة للاخوان الختمية .. فمن رأي يعلم والسوي محجوب :
داير احكي ليكم حكاية تستاهلوا تسمعوها : السيد المحجوب - محجوب بحري حفيد الختم وابن سر الختام وصهر ابوجلابية وزوج ستي نفيسة وابو الكرام والقائل عن نفسه المراغنة انا درويشهم - كانت بتظهر منه افعال كتيرة مدهشة للمحيطين بيهو وغالباً ما تتفهم الا بعد زمن او يتبرع هو بشرحها منها كان يوم بيصلي في فريضة مع جماعة ويؤمهم رجل من اهل البصيرة - تفتيحة يعني بلغة الراندوك - اثناء الصلاة السيد المحجوب استدار يميناً وللدهشة الامام استدار معاهو وبقية المصلين تبعاً لذلك ثم للخلف وبرضو الامام استدار والمصلين برضو ثم لليسار وبررررضو الامام معاهو ثم رجع للقبلة المعروفة وكذلك الامام وبعد ما انتهت هذه الصلاة العجيبة الناس كلهم قبّلوا علي الامام يعاتبو فيهو : السيد المحجوب وعرفناهو احوالو ما بيعرفها الا ربو انت بتلّف معاهو مالك وتجهجه فينا؟؟ .. الامام قال ليهم : اسوي شنو اذا كان محل ما يتلفت الكعبة ترحل معاهو .. والرجل من اهل البصيرة مجبووور يتلفت ليها والا بطلت صلاته ماهو زي المغمّضين الزيّنا .. انتهت .. دحين ابقوا عشرة يا احباب . |
رد: في زمن البلبلة .. والغلغلة ... والغربلة ... داير احكي ليكم حكاية !!!
اللهم أفتح بصيرتنا.....
لك الشكر يا باشمهندس يس ... |
رد: في زمن البلبلة .. والغلغلة ... والغربلة ... داير احكي ليكم حكاية !!!
أخى العزيز / يس , نعم يا أخى هذه مصيبتنا أننا كلنا : " مغمضين " ..... وهذا يذكرنى بكرامة أخرى حدثت ابان رحلة سيدى ومولاى الامام الختم رضى الله عنه للسودان , سمعتها من الخلفاء جدودك العوضاب , ..... تقول الرواية : أنه عندما حدد موقع القبلة لمسجده بشندى وكان ذلك قبل وضع الأساس , اعترض آخر وأظنه مسئول بالمركز , وعندما أخبر الاستاذ بذلك لم يرد عليهم , وكان الوقت وقت صلاة واتجه الجميع نحو القبلة التى حددها وأقيمة الصلاة , واذا الجميع يرون الكعبة أمامهم رأى العين . |
رد: في زمن البلبلة .. والغلغلة ... والغربلة ... داير احكي ليكم حكاية !!!
الاعزاء العم وابن العم الاستاذ عوض والاخ محمد عبده مشكورين علي التفاعل مع البوست .. والحقيقة مولانا في المدينة المنورة وفي واحد من مجالسه مع الاخوان كما نقل لي قال : ( نحن والحمد لله حبانا الله بحاسة الادراك .. ونحن علي بصيرة من أمرنا ) ... فاحببنا أن نذكر أنفسنا ونذكّر الناس بحال هولاء القوم والوقت الحالي كما نري كثرت فيه الهرجلة والزلزلة مضافاً الي مافي العنوان فوق ... فاحسن قبل ما تبقي (بهدلة) .. الناس تتحسس مؤاطي اقدامها وتحسب كلامها وتعلم يقيناً أن عاقبة الأمر قطعاً خيرٌ كثير ... ولكم مودتي .
|
رد: في زمن البلبلة .. والغلغلة ... والغربلة ... داير احكي ليكم حكاية !!!
اقتباس:
|
رد: في زمن البلبلة .. والغلغلة ... والغربلة ... داير احكي ليكم حكاية !!!
الاخ يس انهاتذكرة قيمه للإخوان وخاصة في هذه الايام نسألك اللهم صادق محبتهم وحسن الأدب معهم
|
رد: في زمن البلبلة .. والغلغلة ... والغربلة ... داير احكي ليكم حكاية !!!
الاحّبة .. سماح ومحمد .. لكما الشكر علي المرور .. نسأل الله أن يثبتنا وإياكم وسائر إخواننا حيثما كانوا بالقول الثابت وينجينا من الفتن ما ظهر وما بطن .
|
رد: في زمن البلبلة .. والغلغلة ... والغربلة ... داير احكي ليكم حكاية !!!
يا رب بهم وبالهم عجل بالنصر وبالفر ج
|
رد: في زمن البلبلة .. والغلغلة ... والغربلة ... داير احكي ليكم حكاية !!!
وكيف تصبر على مالم تحط به علما.
|
رد: في زمن البلبلة .. والغلغلة ... والغربلة ... داير احكي ليكم حكاية !!!
شكرا لك اخ ياسين على سردهذه الطريفه ان شاء الله دائما مفتحين قول امين
|
رد: في زمن البلبلة .. والغلغلة ... والغربلة ... داير احكي ليكم حكاية !!!
اقتباس:
بارك الله فيك ياشيخ بسن جبت الدرر ...طيب حكاية الزول المثل فيها ميت لى ابو خيزرانه....كيفنها ... |
رد: في زمن البلبلة .. والغلغلة ... والغربلة ... داير احكي ليكم حكاية !!!
آميييييييين يا عبد القادر ... وشكراً علي الطلة ...
اقتباس:
تحياتي يا حسن وامين امين امين ... حتي الاجابة |
رد: في زمن البلبلة .. والغلغلة ... والغربلة ... داير احكي ليكم حكاية !!!
اقتباس:
تحياتي يا شيخنا ود شيخنا ... دي ما وقفت عليها والله ... دحين ما تبّرنا بيها خلينا نتزود ... |
| الساعة الآن 01:47 AM |
Powered by vBulletin® Copyright ©2000 - 2025, Jelsoft Enterprises Ltd.
دعم وتطوير نواف كلك غلا