مُنتديات الختمية - احدى قصائد الخليفة عبد المحمود ... ونواصل

مُنتديات الختمية (https://www.khatmiya.com/vb/index.php)

- المنتدى العام (https://www.khatmiya.com/vb/forumdisplay.php?f=2)

- - احدى قصائد الخليفة عبد المحمود ... ونواصل (https://www.khatmiya.com/vb/showthread.php?t=2647)

راشد ميرغني

11-15-2010 10:46 PM

احدى قصائد الخليفة عبد المحمود ... ونواصل


	بسم الله الرحمن الرحيم وبه الإعانة بدءاً وختماً وصلى الله على سيدنا محمد ذاتاً ووصفاً واسما ] قصيدة الخليفة عبد المحمود حسين بمناسبة عودة مولانا السيد محمد عثمان السيد على الميرغني [ 2008م حمداً للإله دوماً صباح وعشية بعودة سليل الدوحة النبوية ,,, عثمان يا أملنا ومرشد الختمية يا بحر المكارم والشهامة سوية ,,, يوم صعب الأمر والإيد بقت ملوية قمت نهضت حق بي همة علوية ,,, علي مبداك ثبت يا الحاوي كل مزية السودان سواك ما بتنحسملوا قضية ,,, يا فرد الزمان يا مرشد الصوفية يا الغيث الهطل إيديك تملي ندية ,,, ظننا فيك جميل ومحسنين النية دعوات منك تصلح حالنا والذرية ,,, أنت إبن الرجال الأسسوا السنية النصروا الشريعة وأسلموا الوثنية ,,, ثابت فضلهم في كل مسيد وبنية صلحوا الأمة لي اثيوبيا وأرتريا ,,, حققت االسلام يا خليفة أبو الوطنية بي حكمة وتأني وبي شراكة خفية ,,, البيك إقتدي مخلص وصادق النية يصبح في سلام وأمان وعيشة هنية ,,, أفعالك حميدة وفي الدول محكية إنت زعيمنا حق زعامة مي عارية ,,, ربنا يحفظك يالفيك ثقتنا قوية تسعد بيك تطيب أيامنا مية المية ,,, بابك للكرم فاتح صباح وعشية جودك فاق علي الوابل السيوله قوية ,,, الجود والكرم هن فيك أصل وسجية تكفل لليتامي وللعشامي تكية ,,, آلاف الصلاة الذاتية والأمية ترضي المصطفي أصحابه والذرية ,,, عبد المحمود حسين حاجاته مقضية في الدارين يكون من أسعد الختمية ..

علي الشريف احمد

11-17-2010 11:38 AM

رد: احدى قصائد الخليفة عبد المحمود ... ونواصل


	http://sphotos.ak.fbcdn.net/hphotos-..._2421505_n.jpg الخليفه عبد المحمود ((ابن حسين)) امد الله في ايامه ومتعه بالصحه والعافيه كم شنف الآذان بانشاده سواء من قصائد الساده او من تأليفه او لغيرهم من الرجال

علي الشريف احمد

11-17-2010 07:33 PM

رد: احدى قصائد الخليفة عبد المحمود ... ونواصل


	مرحبتين حبابو من نظم الخليفه عبد المحمود مرحبتين حباب الربنا علاهو &&& عثمان الزعيم وارث مقام اباهو دا البدرالطلع عما البريه ضياه &&& يارب ياكريم دايما نكون في حماهو ××××× يابيت الشرف يابضعت الطاهرين &&& يا ابن الرسول بيك نحن مفتخرين امنت الوطن وافرحت كل حزين &&& ما دام انت في والله ما سألين ***** يا أبن الرسول ليك نحن محتاجين &&&من فيض جدكم انفق شمال ويمين للختمبه عامه وخصوصا ابن حسين &&& يستمتع معاكم في كلا الدارين ** الصلاه والسلام مادامت الثقلين &&& على خير الانام جد الحسن وحسين وال والصحابه الكمل اهل الدين &&& بجاهم جميع إن شاء الله منصورين ***

علي الشريف احمد

11-17-2010 07:38 PM

رد: احدى قصائد الخليفة عبد المحمود ... ونواصل

اقتباس:

المشاركة الأصلية كتبت بواسطة راشد ميرغني (المشاركة 28375)

اقتباس:

المشاركة الأصلية كتبت بواسطة راشد ميرغني (المشاركة 28375)

عبد المحمود حسين حاجاته مقضية في الدارين يكون من أسعد الختمية

آمييييييييييين يارب

أبو الحُسين

11-18-2010 12:06 PM

رد: احدى قصائد الخليفة عبد المحمود ... ونواصل

ربنا يحفظك يالفيك ثقتنا قوية ... تسعد بيك تطيب أيامنا مية المية

يا هلا بي عودتك الحبيب راشد ميرغني...

وكل عام وأنت والخليفة عبد المحمود ومن مدحهم من آل البيت الكرام وعموم الختمية بألف خير وعافية...

ومنتظرين ونواصل يا الحبيب...

سراج الدين احمد الحاج

11-21-2010 01:50 PM

رد: احدى قصائد الخليفة عبد المحمود ... ونواصل

يا فرد الزمان يا مرشد الصوفية يا الغيث الهطل إيديك تملي ندية
ظننا فيك جميل ومحسنين النية دعوات منك تصلح حالنا والذرية

اللهم آمييييييييييييييييييييييييييييييييييييييييييييين

جزيت خيراً كثيراً ابننا الغالى /راشد ميرغنى
وانت تتحفنا بهذه القصائد الختمية التى تنبض صدقاً ومحبةً..
وأطال الله فى عمر خليفتنا الحبيب الصادق /الخليفة عبد المحمود
ومتعه بالصحة والعافية وثبتنا فى طريقتنا ومحبة ساداتنا الكرام
العظام رضوان الله عليهم وجعلنا معهم فى الدارين .
لك منى صادق الود والمحبة الختمية الصافية

راشد ميرغني

11-24-2010 03:24 PM

رد: احدى قصائد الخليفة عبد المحمود ... ونواصل


	بسم الله الرحمن الرحيم وبه الإعانة بدءاً وختماً وصلى الله على سيدنا محمد ذاتاً ووصفاً واسما ( قصيدة الخليفة عبدالمحمود حسين بمناسبة خلافة مولانا االسيد محمد عثمان السيد على الميرغني ) 1968 – 1969م مرحبتين حباب الربنا علاه عثمان الزعيم وارث مقام آباه ده البدر الطلع عم البرية ضياه يا رب يا كريم دائماً نكون في حماه ... يا بيت الشرف يا بضعةالطاهرين يا بن الرسول بيك نحن مفتخرين أمنت الوطن وأفرحت كل حزين ما دام إنت فيً والله ما سألين ... من يوم من نشيت تلباً لزوم للشيل حلال للصعاب ترفى وتعدل الميل يا نسل الكرام القائمين الليل ناس حسن الهمام الليله ساس ودليل ... ربنا قدمك تحي شعائر الدين تعمر للمساجد وترشد السالكين يا مجدد الطريق االسادة الزاهدين يا وابل الخريف يا موسم الراجين ... طريق أبواتك أحييته ورفعت مناروا وأجدادك قبيل ليك بالمكانة أشاروا والإسلام جميع حاميه حامي دياروا في شرقو وغروب جنوب وأمصاروا ... حمداً للكريم الواحد المعبود عثمان البدر فينا طلع مسعود خليفة أبوهاشم ضوه الليالي السود يا وارث الختم فيك الأمل معهود ... يا إبن الرسول بيك نحنا مفتخرين من فيض جدكم أنفق شمال ويمين للختمية عامة وخصوصاً بن حسين يستمتع معاكم في كلا الدارين ... الصلاة والسلام ما دامت الثقلين علي خبر الأنام جد الحسن والحسين والآل والصحابة الكمل أهل الدين بي جاهم جميع إن شاء الله منصورين .

راشد ميرغني

11-24-2010 03:51 PM

رد: احدى قصائد الخليفة عبد المحمود ... ونواصل


	بسم الله الرحمن الرحيم وبه الإعانة بدءاً وختماً وصلى الله على سيدنا محمد ذاتاً ووصفاً واسما (قصيدة بمناسبة ميلاد السيد محمد الحسن بن السيد محمد عثمان ) اوائل الستينيات يا محب قوماك بإهتمام النبارك حسن الهمام ,,, أول الأبيات يا فهام[ نشكر المولي علي الدوام ,,, بي وضوع مصباح الظلام الختام الوارث المقام ,,, في رجب الخير عمنا والسرور شرف سوحنا ,,, دار بالكاسات شربنا في الغصون الطير رننا ,,, البشائر جات لي علي والكيان أصبح منجلي ,,, المدائح تترتل والمحبين تتهلل ,,, يوم وضوعوا الخير إنتشر والسماء جادت بالمطر ,,, المحب بي سيفه بشر نظرة يا إبن المنتظر ,,, الخلائق من الجبال ساروا فرحانين بإبتهال ,,, جملة النسوان والرجال فوق ظهور الخيل والجمال ,,, شرفت سنكات بالجهات بي قدوم صاحب المكرمات ,,, جودوا فاق لي نيل الفرات في الأرض إخضر النبات ,,, يا شباب عثمان بختكم غير شك اليوم عيدكم ,,, بالحسن يزداد فخركم من فيوضوا الله يمدكم ,,, التهاني لي ستنا بنت جعفر نور قلبنا ,,, بيها يا مولاي خصنا والرضا يشمل جمعنا ,,, الصلاة والتسليم توصلا لي محمد خير الملا ,,, بيها إبن حسين يقبلا للهمام أعظم منزلا ..

راشد ميرغني

11-24-2010 04:25 PM

رد: ونواصل بإذن الله تعالى


	بسم الله الرحمن الرحيم وبه الإعانة بدءاً وختماً وصلى الله على سيدنا محمد ذاتاً ووصفاً واسما ( قصيدة في مدح الشريفة السيدة نور بنت السيد جعفر رضي الله عنهم ) يا الطالب المدد والنورا قوماك للشريفة نزورا ... ساحاتك دوام معمورة في كل الأمور بنشورا من الحضرتين منصورة نور بت النبي المدخورة ... بالأسرار طامحة بحورا بت جعفرنا نور من نورا بت جعفرنا يا المدخورة بالجود والصلاح مشهورة ... نور الدايرة نور الساحة لي دمع اليتيم مساحة الزاروها عادوا فراحه نالوا الخير وضاقواالراحة ... يا بنت الرسول دخرينا يا ست الشرف غيثينا من الفاتحة لا تنسينا أنت الرحمة للمسكينا ... رب العزة عز جنابا داير كاسا للأحباب للحبوها حالي شرابا ما خاب من طرق لي بابا ... قال ود الحسين أرضينا جيناك بي شبابنا وشيبنا من البركة نلقي نصيبنا شر الحاسدين لا يصيبنا ... آلاف الصلاة متوالي للمختار حبيبنا الغالي لينا تصلح الأحوال في طرق الختم لا نبالي ..

أبو الحُسين

11-25-2010 12:48 PM

رد: احدى قصائد الخليفة عبد المحمود ... ونواصل

يا إبنَ الرسُول بِيكْ نِحْنَا مفْتَخرِين
من فيضْ جدَّكُم أنْفِقْ شِمال ويمين
للختمية عامَّة خِصُوصاً بنُ حُسين
يستَمْتِع معاكُم في كِلا الدَّارِين
________
اللهم آميييييييين... ونسأل الله يشملنا معك يا ابن حُسين...

اسراء معتصم

11-25-2010 04:53 PM

رد: احدى قصائد الخليفة عبد المحمود ... ونواصل

ياسلااااااااام يا اخ راشد اتحفتنا والله ربنا يحفظك ويحفظ لنا الخليفة عبد المحمود ويديه الصحة والعافية

أبو الحُسين

11-27-2010 12:07 PM

رد: احدى قصائد الخليفة عبد المحمود ... ونواصل

اقتباس:

المشاركة الأصلية كتبت بواسطة سراج الدين احمد الحاج (المشاركة 28622)

وأطال الله فى عمر خليفتنا الحبيب الصادق /الخليفة عبد المحمود
ومتعه بالصحة والعافية وثبتنا فى طريقتنا ومحبة ساداتنا الكرام
العظام رضوان الله عليهم وجعلنا معهم فى الدارين .

اللهم آمييييييييييين ياااارب...

راشد ميرغني

11-29-2010 03:11 PM

رد: احدى قصائد الخليفة عبد المحمود ... ونواصل


	بسم الله الرحمن الرحيم وبه الإعانة بدءاً وختماً وصلى الله على سيدنا محمد ذاتاً ووصفاً واسما (قصيدة نبوية ) يارب صلي علي الأمين أحمد إمام المرسلين ... مولانا يا حي يا معين يا مجيب دعاء السائلين ... سالك سبيل السائحين الساجدين الراكعين ... أحفظنا من كيد اللعين وأسترنا يوم العيب يبين ... أجعلنا من أهل اليمين الأولياء والصالحين ... يوم وضوع خير العباد لاح نوره ظاهر في البلاد ... المولي بيه علينا جاد حبه ومدحه فينا ذاد ... زال المسخ زال الفساد نيران فارس في إنخماد ... راوي القصيدة بن الحسين راجي المدد في كل حين ... عبد العزيز أملوه دين وأخوان طريقتنا أجمعين ... ثم الصلاة علي الأمين أحمد ختام المرسلين ... السادة يرجعوا سالمين يأتون بالفتح المبين ..

علي الشريف احمد

11-30-2010 12:37 PM

رد: احدى قصائد الخليفة عبد المحمود ... ونواصل

اخي راشد ربنا يجزيك كل خير بجاه ساداتنا اجمعين

سراج الدين احمد الحاج

11-30-2010 01:26 PM

رد: احدى قصائد الخليفة عبد المحمود ... ونواصل

راوي القصيدة بن الحسين
راجي المدد في كل حين
...
عبد العزيز أملوه دين
وأخوان طريقتنا أجمعين
...

هؤلاء هم خلفاء الختم الصادقين ..الاصفياء
حبهم ودعواتهم لجميع أخوان الطريق
نسأل ان ان يجعلنا معهم ويثبتنا فى محبة
ساداتنا الكرام العظام ..وحفظك الله ابننا الغالى الرائع /راشد ميرغنى

محمد عبده

11-30-2010 01:43 PM

رد: احدى قصائد الخليفة عبد المحمود ... ونواصل

راوي القصيدة بن الحسين
راجي المدد في كل حين
...
عبد العزيز أملوه دين
وأخوان طريقتنا أجمعين

الله يكرمك الحبيب راشد ميرغني وكل عام وانت بالف خير ....

وربنا يديم نعمة الصحة والعافية للخليفة عبد المحمود ....

الخليفة عبد المحمود بمسجد السيد على بعد صلاة الجمعة ومعه الاخ حاتم الياس ( ابو احمد )

http://www4.0zz0.com/2010/11/13/09/497550711.jpg

محمد جمرة

11-30-2010 02:31 PM

رد: احدى قصائد الخليفة عبد المحمود ... ونواصل

http://www4.0zz0.com/2010/11/13/09/497550711.jpg

راشد ميرغني

11-30-2010 04:18 PM

رد: احدى قصائد الخليفة عبد المحمود ... ونواصل


	بسم الله الرحمن الرحيم وبه الإعانة بدءاً وختماً وصلى الله على سيدنا محمد ذاتاً ووصفاً واسما ] قصيدة في بعض فضائل وآداب الطريقة [ اوائل الستينيات قوم يا اخوي اوصيك الطريقة تهديك ,,, من كاساتا ترويك يوم الاخرة تنجيك بالأذكار تداويك من داء كمنّ فيك ,,, الطريقة محبوبة لي المختار منسوبة ختم القوم يعسوبا صافي وحالي مشروبا ,,, الطريقة يا أحبابا ختم القوم أرباب خاب الما طرق بابا ربي أجعلنا أصحابا ,,, الطريقة يا أهلنا الكتاب والسنة مولاي بيها آمناَ لي أسرارها وصلنا ,,, الطريقة محروسه عند السادة قاموسا ظاهرة وما ها مدسوسة ربي اكرمنا بلبوسا ,,, الطريقة ختمية من المولي محمية زي الشمس مرئية بي انوارها مجلية ,,, ختم القوم أنشاها بين الخلق افشاها من الخمسة مداها غرق ساسها قواها ,,, الصلاة الذاتية لي المختار مهدية ود حسين يا نبي نجح قصدوا والنية .. b

راشد ميرغني

12-09-2010 12:35 AM

رد: ديوان الخليفة عبد المحمود حسين ... ونواصل


	ياإبن الكرام الكون ظلام لولاك ,,, يانور الرسول بشراهم تبعاكا مرشد للجميع أصلحت من والاك ,,, علما كالمحيط لا يدري بيه سواكا زعيم دين السلام بشرى لمن حباك ,,, ياكاب الضعاف الطائلات كفاكا كم ربيت يتامى وكفكفت دمع الجاك ,,, من حسن الهمام العز وراثه وجاكا يادخرى الصعاب متباشرين خلفاك .. يا نسل الرسول البابشاير جانا ,,, سألين الكريم بيكم يطيب مسعانا نمسك فى اللطريق اليرضي لي مولانا يا إبن الحسن أنت الفطانه مكانه ,,, يامغيث الخلوق من نكبة الأزمانا شبابك بالبلاد يهتف دوم طربانا ,,, بجاهك نتفق لا تختلف آرانا .. هذه بعض أبيات من قصائد الخليفة عبدالمحمود يمدح بها مولانا السيد على الميرغني لكن للأسف الشديد لم نتحصل على بقية أبيات القصيدة

أبو الحُسين

01-14-2016 11:44 AM

رد: احدى قصائد الخليفة عبد المحمود ... ونواصل

يا إبن الرسول بيك نحنا مفتخرين
من فيض جدكم أنفق شمال ويمين
للختمية عامة وخصوصاً بن حسين
يستمتع معاكم في كلا الدارين
__________________

نسأل الله لك الرحمة والمغفرة والقبول الحسن في أعلى عليين...

د. سلوى الدابي

01-16-2016 05:46 PM

رد: احدى قصائد الخليفة عبد المحمود ... ونواصل

اقتباس:

المشاركة الأصلية كتبت بواسطة أبو الحُسين (المشاركة 119788)

يا إبن الرسول بيك نحنا مفتخرين

من فيض جدكم أنفق شمال ويمين
للختمية عامة وخصوصاً بن حسين
يستمتع معاكم في كلا الدارين
__________________

نسأل الله لك الرحمة والمغفرة والقبول الحسن في أعلى عليين...

آآآآآآآآآآآآآآآمين يااااااارب العالمين واجعله ياربي رفيق المصطفى فى منتهى الفردوس في الجنات

الساعة الآن 08:19 PM