منتديات الختمية

منتديات الختمية (https://www.khatmiya.com/vb/index.php)
-   النّور البرّاق (https://www.khatmiya.com/vb/forumdisplay.php?f=4)
-   -   شعر ختمي تراث (https://www.khatmiya.com/vb/showthread.php?t=1043)

علي الشريف احمد 05-31-2010 01:36 PM

رد: شعر ختمي تراث
 
شرفت الشمال اليوم &&&بقدوم نجل ختم القوم

ياريت لو تكملوا لينا القصيده وهي للخليفه عبد المحمود امد الله في ايامه وشفاه مما يعاني

اسراء معتصم 05-31-2010 05:18 PM

رد: شعر ختمي تراث
 
قصيدة جن بشائر صافي الزلال

جن بشائر صافي الزلال
نحن جيد لينا بلدنا نار

ثنيت بالملكو لازال
لاغفل ليلي ولا نهار

ارحلو الغطا والستار
من عيون خلق الله الكتار

انا ثنيت بالعتق الغزال
لي قدومو تلين الحجار

وان مشى تندلج الرمال
الشفيع يوم يحمي النهار

جاني ود العظمة والعز
السفاين ترزم وترز

المحب عندي انا يتفرز
تلقى شايب يبرج ويهز

المحب عندي انا عرفة في
وليو اشارة تبين في وشي

من يقولو السيد بيجي
لابتعقبو ولابترجى شي

ان مرق ياقمر الهلال
وقالو سيدي وطاها مكوار

ارحلو الغطا والستار
من عيون خلق الله الكتار

ان مرق يافارس ام غيار
عاد منو البيطولو مشوار

البي فر بي جنحينوا طار
ينعصر حد الانعصار

والدو كم بيشيلو احمال
الكسر توروا غير جبار

والضرير فتح ونظروا نار
نحنا كيف مابنطغى ياناس

للبحرنا غريق ولا انقاس
نحنا عاد مابنغشالنا بأس

شن تلم الدُر للنحاس
الصلاة وتسليم كتار

بعدد مانبت الخضار
وعدد ماكب الثمار

ترضي جدك ماحي الوزار

سراج الدين احمد الحاج 05-31-2010 05:28 PM

رد: شعر ختمي تراث
 
نحن كيف مابنطغى ياناس
البحرنا غريق ولانقاس
نحن عاد مابنخشا لنا باس
شن تلم الدر والنحاس

بارك الله فيك اختنا الختمية الفاضلة اسراء واكرمك وزاد مقامك بجاه المراغنة الكرام

اسراء معتصم 05-31-2010 05:44 PM

رد: شعر ختمي تراث
 
اقتباس:

المشاركة الأصلية كتبت بواسطة سراج الدين احمد الحاج (المشاركة 11858)
نحن كيف مابنطغى ياناس
البحرنا غريق ولانقاس
نحن عاد مابنخشا لنا باس
شن تلم الدر والنحاس

بارك الله فيك اختنا الختمية الفاضلة اسراء واكرمك وزاد مقامك بجاه المراغنة الكرام

تسلم يا خليفة إن شاء الله جمعاً يارب

الخصيم 06-01-2010 10:39 AM

رد: شعر ختمي تراث
 
بسم الله الرحمن الرحيم
اهلا وسهلا بالامين الميرغني القطب الامين
يا من تروم علما ودين لازم وحب رحب اليدين
لا شك تكون في الفائزين من فيضة تشرب كل حين
الميرغني قطب الوجود القايم الليل بالسجود
علما وزهدا ثم جود في بيته مجموع حق يقين
فهو الامين بيت السخا طود العلوم الشامخا
مونتنا في الصيف والرخا وهو رحمه للعالمين
فهم المراغنة الكرام اهل البها والاحترام
نبلغ بهم كل المرام دايما ببابهم لا يذين
المولي عظم شأنهم بالحكمة مشروح صدرهم
في الظلمة طالع بدرهم قوما هداة المؤمنين
المولي عظم شأنهم بين جميع برهانهم
في الرفعة عالي مكانهم في الله دايما هايمين
المولي اوقد نارهم بالعلم احيا ديارهم
لا زال مكروم جارهم دائما مناخ الطالبين
كافه المواهب عندهم برزت عساكر جندهم
في الكون طائل زندهم واسطة عموم الواصلين
في الناس مفروض حبهم نالوا الكمال من ربهم
ملعون شقي من سبهم في نار جهنم خالدين
حوض الرسول بكفهم ايضا ومنصور صفهم
كل مرة ضارب دفهم هم غدوة للسالكين
كافه المواهب عندهم برزت عساكر جندهم
في الكون طائل زندهم واسطة عموم الواصلين
عبد الرحيم ليكم روي رايح وماسور في الهوى
سماني بل ليكم غوى غيثوة يا ابن الحسين
يا رب صلي علي النبي الهادي شافع المذنبي
والال جميع والمصحب تغشاه في ام سو كل حين

الخصيم 06-01-2010 10:44 AM

رد: شعر ختمي تراث
 
ربنا يبارك فيكم يا خلفاء ونقدر نقتدي بيكم وما تنسونا بصالح الدعوات

أبو الحُسين 06-01-2010 01:22 PM

رد: شعر ختمي تراث
 
شكراً بتنا أمة الختم على تثبيت هذا البوست الدسم...

وتعظيم سلام للأحباب الخليفة سراج وبتنا إسراء...

اسراء معتصم 06-01-2010 01:35 PM

رد: شعر ختمي تراث
 
الحق نفسك اوعا تروح
الختمية سفينة نوح

بأسم ربي الذات والروح
ببدأ اول المشروح

نعم السادة اليشفو الروح
واليعاديهم يروح

السادة يا اهل المشورة
سرهم في الكون سرى

الشقي ليهم لايري
والسعيد يسفر يروح

ربي قالهم في الوعيد
منكمو الشقي والسعيد

قوي عزمك يامريد
بي سرهم لاتبوح

الحق نفسك يامسكين
الختمية عماد الدين

سراج الدين احمد الحاج 06-01-2010 02:56 PM

رد: شعر ختمي تراث
 
الحق نفسك اوع تروح الختمية سفنية نوح

تسلمى اختنا الفاضلة /اسراء

وعبرك نبعث التحايا الصادقة لشباب الختمية
بمدينة بربر وشباب الحلفا والحفاب والفريخة.


صادق الود

سراج الدين احمد الحاج 06-01-2010 03:03 PM

رد: شعر ختمي تراث
 
اقتباس:

المشاركة الأصلية كتبت بواسطة أبو الحُسين (المشاركة 12085)
شكراً بتنا أمة الختم على تثبيت هذا البوست الدسم...

وتعظيم سلام للأحباب الخليفة سراج وبتنا إسراء...

تسلم لينا ياقائدنا الاستاذ /جمال وخالص الشكر والتقدير لاختنا الفاضلة الاستاذة/ امة الختم

وثبتنا واياكم فى محبة السادة العظام

ودى وتقديرى واحترامى


اسراء معتصم 06-01-2010 05:37 PM

رد: شعر ختمي تراث
 
بالميرغني بيت النبأ
أهلاً وسهلاً مرحبا

يامولاي روحي ادبا
ارضيها فيك وادبا

في حضرة القدس النبأ
اعطيها تلك المأدبة

في تاج عروس الحضرتي
وسرو سر القدرتي

بي بابي باب الرحمتي
وحالي حال الحكمتي

نورو نور الظلمتي
وروحي لاتعذبي

علينا زام كر ونتر
ومنو البيمشي في الاتر

كم به نلنا الوتر
ونستغي به المطر

مثل الوقع تحت القطر
نجاهو من له فطر

كرامة لابن الاقرب
مثل قديم بي نسمعو

والمالحقتو جدعوا
يامن ابيتو اسمعوا

تعالو لي واسمعوا
وللحق مرة ارجعوا

ومارأيتو موضعوا
الشعب كيف ودعوا

نسا ورجال والبرضعوا
الى المحطة سوتربة

اهلاً وسهلاً مرحبا



سراج الدين احمد الحاج 06-01-2010 05:55 PM

رد: شعر ختمي تراث
 
كم به نلنا الوطر
ونستغنى بيهو من المطر

رضى الله عن سيدى /محمد عثمان الاقرب
ونفعنا بجاهه فى الدنيا والاخرة
وسلمك الله اختنا الفاضلة اسراء
وجزاك الله خير الجزاء بنشر تراث الاباء والامهات الصادقين
فى حب السادة المراغنة رضى الله عنهم

اسراء معتصم 06-01-2010 06:00 PM

رد: شعر ختمي تراث
 
تسلم يا خليفة وربنا ينفعك بجاه سيدي محمد عثمان ويزيدك حب في السادة المراغنة رضي الله عنهم

محمد عبده 06-01-2010 06:22 PM

رد: شعر ختمي تراث
 
ما شاء الله تبارك الله ،،،،،

الخليفة سراج الدين والاخت اسراء ،،،،

والله لقد ابليتم بلاءً حسناً في هذا العمل الكبير مدح وتراث الختمية ،،،،

طبعاً نحن مع المنتدى العام ما جايبين للدنيا خبر ببقية المشاركات في المنتدى ،،،،،،

كدى أدونا معاكم فرصة كان نلقانا شوية بركة ،،،،

والله شغل ممتاز وان شاء ما عدمناكم الخليفة سراج والاخت اسراء ،،،،

محمد عبده 06-01-2010 06:26 PM

رد: شعر ختمي تراث
 



أبدا معكم بقصيدة عن السادة المراغنة - للشاعر قاسم ودعتار بالطندب - له الرحمه والمغفرة .

هم الأرض الناس لو تطير بجيها

وهم سفينة الحجا للبيدخل فيها

هم أهل يثرب مدينتها وواديها

هانو علوجا وجابو مجنزرنو صبيها


بشراك يالمراغنة النفلهم بأن
أولاد فاطمة الزهراء وعلى البطران
ساعة البعث والناس واقفين ريقان
ويخفضوا ويرفعوا بالليهم ومهما كان

************

بشراك المراغنة السادة بيت الدين
منو الغير سيدي عندو تكية في الحرمين
منو الغير سيدي نورو يفوق على الجالسين
منو الغير سيدي جدوا اسد الله ابو الحسنين

*********
إبن السيد الهيلو السيادة قديمة

حبابو السما اسد الله البيفش الضيمة

حبابوا الوارث الجدين كلمتو صميمة

البيبغضك فارق للشفاعة ولينا

********
ابن السيد اب شرفاً ولو مجهول

حباب زرية المن الله لينا رسول

ساعة البعث والناس واقفين طابور

منو الغير سيدي في اليوم داك يعلا ويطول

***************

مجتمع الطرق عن طرقهم اقران

وهم البحر والغير كلهم خيران

هم ريس الشفع الحشر والميزان

غيرهم ما بنهم زيد ولا عمران

******************

شافع المسلمين يوم النهار الصان

المابيكم اصلوا مدمماً عميان

وتناي بيبينلوا يوم ما يرفعوا الميزان

******************
وأوجاهم نضاف بتل القمر بتلالي

لاكو القرض وتركو الحالي

ساقوا الليل يسوقوا سواري
طايعين الإله الواحد الجبار

***************

على يا ميرغني إبن السيادة قديمة

أهدي عقولنا لا تظهر علينا فسادة

البس هيبة لا تكون البصيرة سدادة

خلينا نعرف القول فيه كل إفادة

*******************

يا إبن الكرام سلسلتك جبادة

إنتو الأرض نورها .. امنها وأوتادها

المابي الختم لم تنقبلوا شهادة

جدك طه شافع الأمة في ميعدها .


**************

منك نظر للطندب بيكون نجيان

تعم بالرحمة للحبان والجيران

يحواك الشباب دارين ولاينهان

حتى مدربُ والعازمن ضيفان

******************

وأيضاً للمسفن بالمقام العالي

وعم أهل المساجد يالرسول الغالي

فوض طرقهم يفوق الجنان العالي

عامين قاموا بالدين وأحيوا كل ليالي

*****************

سلام الله ما نبه منادي ونادى

من القاسم الفي سيدو عندو مرادى

خليفة السادة السيد لكل سيادة

هيلو الحوض وزمزم وهجرة لسعاده .

سراج الدين احمد الحاج 06-01-2010 06:30 PM

رد: شعر ختمي تراث
 
اقتباس:

المشاركة الأصلية كتبت بواسطة محمد عبده (المشاركة 12171)
ما شاء الله تبارك الله ،،،،،

الخليفة سراج الدين والاخت اسراء ،،،،

والله لقد ابليتم بلاءً حسناً في هذا العمل الكبير مدح وتراث الختمية ،،،،

طبعاً نحن مع المنتدى العام ما جايبين للدنيا خبر ببقية المشاركات في المنتدى ،،،،،،

كدى أدونا معاكم فرصة كان نلقانا شوية بركة ،،،،

والله شغل ممتاز وان شاء ما عدمناكم الخليفة سراج والاخت اسراء ،،،،


تسلم تسلم اخونا وعزيزنا واستاذنا /محمد عبده
البركات والنفحات جاياك من مدينة المختار صلى الله عليه واله وسلم
ومن الطندب بلد الاتقياء الانقياء .ربنا يكرمنا جميعاً ويمدنا بالنفحات
الهاشمية الميرغنية .

لك منى صادق الود والمحبة

سراج الدين احمد الحاج 06-02-2010 10:21 AM

رد: شعر ختمي تراث-قصيدة (الله فوقو الاوانو آن)
 
الله فوقو الاوانو آن سيدى احمد قمر الزمان

بادى باسم الحى ومنان
بى محبة انطق يالسان
وامدح الاقمار واعيان
سادتى اولاد سيدى عثمان
الختم ياعين الاعيان
سيدى يلحق كل دركان
جدو قد آمر لرضوان
فى الجنان زخرف لعثمان
............................
الرقيق اوانو آن
سيدى احمد اوانو آن
واشتهر فى الكون نجمه بان
اعطوه من الحضرة نيشان
ونعم كرار فى الدين ملان
اسمو لوعة كل فرسان
كم رجالاً كانوا كهان
يالشريف وريتم عيان
نادو بعد الضيق الامان
سلموا وتبعوك حيران
........................
فوق حسن قولى بنظما
رئيس اهل الكون بى تما
سيدى ليهو يعقدو الدما
جدو ناجى الحق فى سما
شاهدو معاه اتكلما
على لى قدره وعظما
العليوه صلى مقدما
مات على سوء الخاتمه
...............................
منهم قول سيدى محجوب
دا العظيم عند الله محبوب
سيدى يلحق كل مكروب
بدرى اخير يامنكر تتوب
وتانى اخير يامنكر تتوب
عصرت جات عند الغروب
اليجافى السادة مغضوب
وبشر ال للسادة محسوب
ديمه غالب وماهو مغلوب
....................................
سيدى جعفر وسيدى الحسن
بكرى ابوهن روح البدن
سادتى الطافيتو الفتن
ذكركم فى الشام واليمن
اليجافى السادة اندجن
واليريدم ماخابلو ظن
.............................
بنده اللاحقات فى الحضور
الشرايف نور ومن نور
السيدة كلثوم بحر المسور
السيدة مريم وابل المطور
السيدة عيشة ام كأساً يدور
السيدة فاطمة ام سماً يفور
اسمها النشابه مخبور
ست نفيسه والسيده نور
جدهن للقاسية مدخور
هو الشفيع فى يوم النشور
اليجافى السادة محسور
دنيا واخره خاطرو مكسور
اليقيف عند بابن يزور
ذنبو عند المولى مغفور
................................
ودحسين يالسادة عشمان
بالرقيق ماهو شفقان
من خصام الانس والجان
واقعاً بابوك عثمان
وبى حسن والجد عثمان
بى رضاكم زيدوا ايمان
احفظوا مايستهان
واليخاصمو ادوه نيران
بى رصاصاً ماهو كشخان
يحرق الكبدة مع اللسان
ياحسن سلطله شيطان
يبتلى ومايقبله انسان
يعتزل مايلقى جيران
............................
الصلاة وتسليم كل آن
عد علوم الحى وسبحان
عد خلايقه الانس والجان
ترضى لى المابعده نبيان
الشفيع يوم الامتحان
...........................
الصلاة وتسليم كل يوم
عد علوم الحى وقيوم
بى عدد مخلوقه اليحوم
عد الصاحى وعد الينوم
العراة واللابس الهدوم
وعد نبات الارض اليقوم
السنط والطلح والدوم
والحراز الينجره التوم
الكتب قرانو وعلوم
المطر ارياحا وسموم
الطيور اصنافا للبوم
من خليفه الذنبو مردوم
لى شفيع الناس يوم تقوم

اسراء معتصم 06-02-2010 10:52 AM

رد: شعر ختمي تراث
 
تسلم إن شاء الله يا خليفة وربنا يحفظك ويزيدك حب السادة المراغنة رضي الله عنهم .

سراج الدين احمد الحاج 06-02-2010 11:36 AM

رد: شعر ختمي تراث
 
اقتباس:

المشاركة الأصلية كتبت بواسطة اسراء معتصم (المشاركة 12299)
تسلم إن شاء الله يا خليفة وربنا يحفظك ويزيدك حب السادة المراغنة رضي الله عنهم .


جمعاً .. جمعاً .. ويرزقنا الله واياك الفناء فى حبهم
ويكرمنا بجاههم فى الدراين .

تاج السرفوزى 06-02-2010 11:43 AM

رد: شعر ختمي تراث
 
ماشاءالله يا ابن الخالة الخليفة سراج بارك الله فيك وكل ما تأتى به طيب من طيب فى طيبين

منن عثمان 06-02-2010 11:46 AM

رد: شعر ختمي تراث
 
البجافي السادة إندجن*والبريدم ماخابلو ظن_ نشهد الله إننا بنريدهم ريدة عليمها الله،،إسراء والخليفة سراج..ربنا يديمكم فوق راسنا وتمتعونا أكتر وأكتر..

سراج الدين احمد الحاج 06-02-2010 11:53 AM

رد: شعر ختمي تراث
 
اقتباس:

المشاركة الأصلية كتبت بواسطة تاج السرفوزى (المشاركة 12303)
ماشاءالله يا ابن الخالة الخليفة سراج بارك الله فيك وكل ما تأتى به طيب من طيب فى طيبين

بشٌر ال للسادة محسوب ديمه غالب وماهو مغلوب

ود الخالة الغالى الختمى الاصيل / محمد عثمان( تاج السر )
مرورك والله العظيم دائماً ياتى من القلب للقلب

الله يزيدك رفعة ويديم محبتنا لكم



سراج الدين احمد الحاج 06-02-2010 12:02 PM

رد: شعر ختمي تراث
 
اقتباس:

المشاركة الأصلية كتبت بواسطة منن عثمان (المشاركة 12304)
البجافي السادة إندجن*والبريدم ماخابلو ظن_ نشهد الله إننا بنريدهم ريدة عليمها الله،،إسراء والخليفة سراج..ربنا يديمكم فوق راسنا وتمتعونا أكتر وأكتر..

بنده اللاحقات فى الحضور الشرايف نور ومن نور

يسعدنا مرورك دائماً اختنا الفاضلة/ منن الختمية المحبة الصادقة

الله يزيدنا واياك فى محبة السادة ويثبتنا معهم فى الدارين

ودى وتقديرى

الخصيم 06-03-2010 01:36 PM

رد: شعر ختمي تراث
 
بسم الله الرحمن الرحيم
عالي الجناب وهي قصيده غنائية
للشاعر محمد خضر
مولانا يا عالي الجناب
نقطة بداية أم الكتاب
يامن حصر خال الجلال
منه حروف كل الجمال
يامن تسربل بالكمال
يا مرمى أبصار الرجال
لكم ثلاثة مجليات
هي بالسذاجة ملحقات
من غير قيد تعطي الهبات
لا أسما كلا ولا صفات
مضمورنا هو والأحد
من نقطتو الألف استمد
فإليك ياسرالصمد
ملجأنا من بعد الأبد
في سر عبودتك كم نكت
ان أبصر المكثار سكت
فلكل غوث تسقي وتقت
يا قبلة أصحاب الوكت
مولاي في الغوث مستتر
كالشمس نائبها القمر
مرآتو في الزمن الغبر
أقطاب وجود تعكس صور
يامن تريد له أن تصف
أوصف بأنك لم تصف
فالطائي أعظم من عُرف
قد قال في عنقاه قف
أوجزت خلي فكن لبيب
سلم لنا فوض ونيب
زواره أعلى الكثيب
أهل الوسيلة مع الحبيب
مولاي يا أولى القِبل
يا أقصى غايات الأمل
يا ميرغني يا ذا الدول
ابن الخضر عبد الختم
أيده في هذا الكلم
حققنه فيما علم
واجعله ابناً ذا رحم
سر جوهر الدر المصان
افني وجودي والكيان
وأقم لطيفه بلا امتحان
ذاتيه منك بكم تصان
ثم الصلاة كذا والسلام
للمصطفى وصحبه الكرام
تختص من آل الختام
مجلاه في أعلى مقام

اسراء معتصم 06-03-2010 01:49 PM

رد: شعر ختمي تراث
 
تسلم يا الخصيم تسلم .

تاج السرفوزى 06-03-2010 01:58 PM

رد: شعر ختمي تراث
 
المزيد المزيد يالخصيم

الخصيم 06-03-2010 02:14 PM

رد: شعر ختمي تراث
 
بسم الله الرحمن الرحيم
للشاغر محمد خضر
قصيده غنائية
مولانا يا عالي الجناب
نقطة بداية أم الكتاب
يامن حصر خال الجلال
منه حروف كل الجمال
يامن تسربل بالكمال
يا مرمى أبصار الرجال
لكم ثلاثة مجليات
هي بالسذاجة ملحقات
من غير قيد تعطي الهبات
لا أسما كلا ولا صفات
مضمورنا هو والأحد
من نقطتو الألف استمد
فإليك ياسرالصمد
ملجأنا من بعد الأبد
في سر عبودتك كم نكت
ان أبصر المكثار سكت
فلكل غوث تسقي وتقت
يا قبلة أصحاب الوكت
مولاي في الغوث مستتر
كالشمس نائبها القمر
مرآتو في الزمن الغبر
أقطاب وجود تعكس صور
يامن تريد له أن تصف
أوصف بأنك لم تصف
فالطائي أعظم من عُرف
قد قال في عنقاه قف
أوجزت خلي فكن لبيب
سلم لنا فوض ونيب
زواره أعلى الكثيب
أهل الوسيلة مع الحبيب
مولاي يا أولى القِبل
يا أقصى غايات الأمل
يا ميرغني يا ذا الدول
ابن الخضر عبد الختم
أيده في هذا الكلم
حققنه فيما علم
واجعله ابناً ذا رحم
سر جوهر الدر المصان
افني وجودي والكيان
وأقم لطيفه بلا امتحان
ذاتيه منك بكم تصان
ثم الصلاة كذا والسلام
للمصطفى وصحبه الكرام
تختص من آل الختام
مجلاه في أعلى مقام

اسراء معتصم 06-05-2010 04:28 PM

رد: شعر ختمي تراث
 
بشرى لي امة نبيا
بي الشريفة الميرغنية

بادي بإسم الله العليا
والصلاة على نبيا

نبدأ فوق الميرغنية
السلالة الفاطمية

القطار في مصر سخن
نارو تغلي وبوخو دخن

الرصيف بالخلق شحن
والحسود في امرو محن

في صباحو ولفا خشة
والخلائق واقفة دهشة

بي اماهو الارض رشة
والحسود من حينو طشة

علي النمر بي ليلو مرً
اخدلو شربة واستمر

وياحسود يومك امر
علي الرباطاب عجة عجة

والمحطات عاملة رجة
النظار باقين في حجة

والكماسرة راسا لجة
العبيدية من صباحا

لامة ديشا ويدق نحاسا
الشباب واهل الرئاسة

امة مابتعرف مقاسا
ضحوة في بربر نجاها

شبابنا واقف بي وجاها
بيك بنسعد وبيك نجاها

المنكرين قد خاب رجاها
امة لي دكتنا جامعة

والمكايلاب باقة لامعة
وان طربنا عيونا دامعة

جانا لافي الارض لفة
والبكاسي صفة صفة

والكماسرة راسا لفة
القطار في لحظة غير

بي الزهور يلمع منور
بالشريفة سار ودور

وبي الكشافة القبلة نور
القطار الجبال طاويها طية

والحسود كاويهو كية
وجهو مدعوك بي وطية

مع السحور سنكات بدالا
ونورو قد يخفي الهلالا

ناسا في شوق لي وصالا
وليهم اسبوع في احتفالا


ملحوظة: رحلة الشريفة ستي مريم . من سنكات الى بربر والعكس

سراج الدين احمد الحاج 06-05-2010 05:19 PM

رد: شعر ختمي تراث
 
ضحوة فى بربرنا جاها
شبابنا واقفين بى وجاها
...............................
مع السحور سنكات بدالا
ونورو قد يخفى الهلالا
..............................

جزيت خيراً كثيرا الاخت الفاضلة الختمية /اسراء معتصم

اللهم ارض عن السيدة /مريم الميرغنية بت سيدى هاشم رضى الله عنهم
واكرمنا بجاهها فى الدارين فقد كانت ام الارامل والضعاف
والهوامل فنسأل الله ان يلزمنا محبتها ويرزقنا الادب مع ساداتنا الكرام جميعهم

بارك الله فيك واكرمك

سراج الدين احمد الحاج 06-07-2010 10:04 AM

رد: شعر ختمي تراث
 
قصيدة اهلاً وسهلاً ياعلى

اهلاً وسهلاً ياعلى غوث الزمان الكامل
......................................
بسم الاله الاول من فضله كان حاصل
خلق الانام متكفل بالرزق مختار فاعل
......................................
حمدأً لمولانا العظيم بهدى الصراط المستقيم
والى الجنان ثم النعيم والرؤيا للبارى العلى
...............................................
ثنيت بالنبى الامين شافع العصاة والمذنبين
نعطى الصحائف باليمين بالسرعة لانتعطل
...............................................
اهل المقام اهل الطريق اهل الاغاثة للمضيف
بشراك ابشر يامريد قد نلت ماتتأمل
.............................................
اهل المقام اهل الاصول يأتوك راكبين الخيول
فى الشرق والمغرب تجول فى النهمه لاتتعطل
...............................................
اسد يهمهم فى الصفوف لم يخش الالاف الالوف
اعضاه ثابته للوقوف فى الذكر لم يتململ
............................................
عثمان ابوه وجده حسن السريره عنده
فوق النهايه حده ومسربلاً بفضائل
...........................................
جاءت اليه المقعده محمولة متعقده
فرحت ونالت فائدة بتزوجٍ وتناسل
..................................
قاموا امتحاناً للسفر لاوربا معقل من كفر
كان الذى حاز الظفر كرار رئيس المحفل
...........................................
حارت عقولن كلما سألوه جاوبه محكمه
قالوا كجده انما فات الزمان وذا على
.....................................
اوعى السلب اوعى العطب اوعاك تنكر وتنقلب
من آدمى الى كلب بى نظرة السيد على
............................................
قولى صريح فى القصيد لم اخش من عمر وزيد
شيخى هو الغوث الفريد فى العصر ليس يماثل
.................................................. ..
نظم القصيد من اسمه ميمٌ فميمٌ وسطه
حاءُ ودال بعده والى العراق يأصل
.......................................
من ابن زاكٍ يرتجى للآل حسن المخرج
ثم الكروب تتفرج دعواه يقبلها العلى
........................................
صليت والتسليم على طه المكرم فى الملا
ماصب غيث يهطلا فى بكرة واصائل

اسراء معتصم 06-07-2010 02:04 PM

رد: شعر ختمي تراث
 
اللهم صلي وسلم وبارك علي سيدنا محمد وعلي اله اجمعين . بارك الله فيك ياخليفة وحفظك وزاد محبتك في رسول الله ( ص ) وفي أحفاده بجاه السيد علي غوث الزمان الكامل عند الله وامدك بمددهم

منن عثمان 06-07-2010 05:21 PM

رد: شعر ختمي تراث
 
شيخي هو الغوث الفريد*في العصر ليس يماثل..السيد علي وضريح السيد علي،تصفو وتتعمم بالمد بحري،وتختص بالأنوار حلة خوجلي ونحنا الساكنين بعييييد نتشوي بالشوق ونتقلي..طيب الله ثراك يا أبو مولانامحمدعثمان الميرغني..وطيب ثرى أخيه الأصغر،ومن الله على مريديكم بأنوار الله العلي...

سراج الدين احمد الحاج 06-07-2010 05:32 PM

رد: شعر ختمي تراث
 
اقتباس:

المشاركة الأصلية كتبت بواسطة اسراء معتصم (المشاركة 13488)
اللهم صلي وسلم وبارك علي سيدنا محمد وعلي اله اجمعين . بارك الله فيك ياخليفة وحفظك وزاد محبتك في رسول الله ( ص ) وفي أحفاده بجاه السيد علي غوث الزمان الكامل عند الله وامدك بمددهم

اهل المقام اهل الطريق اهل الاغاثة للمضيق
بشراك ابشر يامريد قد نلت ماتتأمل

بشراك ثم بشراك ثم بشراك الاخت الفاضلة/اسراء
وهنئياً لك بمحبة سيدى على وادامها علينا جميعاً

سراج الدين احمد الحاج 06-07-2010 05:45 PM

رد: شعر ختمي تراث
 
اقتباس:

المشاركة الأصلية كتبت بواسطة منن عثمان (المشاركة 13530)
شيخي هو الغوث الفريد*في العصر ليس يماثل..السيد علي وضريح السيد علي،تصفو وتتعمم بالمد بحري،وتختص بالأنوار حلة خوجلي ونحنا الساكنين بعييييد نتشوي بالشوق ونتقلي..طيب الله ثراك يا أبو مولانامحمدعثمان الميرغني..وطيب ثرى أخيه الأصغر،ومن الله على مريديكم بأنوار الله العلي...

عثمان ابوه وجده حسن السريرة عنده
فوق النهايه حده ومسربلاً بفضائل

سيدى على رضى الله عنه بحرٌعلمٍ لاساحل له
وقد فاق الجميع فى عصره ومهما قيل فى
مدحه لايساوى ذرة فى محيط كراماته وانواره
الباهرة. بارك الله فيك الاخت الفاضلة /منن
وزاد قدرك ببركة سيدى على رضى الله عنه

علي الخليفة عمر 06-07-2010 06:17 PM

رد: شعر ختمي تراث
 
اقتباس:

المشاركة الأصلية كتبت بواسطة سراج الدين احمد الحاج (المشاركة 8011)
تسلم ابننا الغالى /على (شيخ الشيوخ)

نسأل الله ان يوردنا الحوض مع المصطفى صلى الله عليه واله وسلم
ومع ساداتنا الكرام رضى الله عنهم

اللهم امين امين امين

علي الخليفة عمر 06-07-2010 06:17 PM

رد: شعر ختمي تراث
 
واصلو يا جماعه بارك الله فيكم

سراج الدين احمد الحاج 06-16-2010 10:28 AM

رد: شعر ختمي تراث-قصيدة : سيدى نور الكون عندنا
 
سيدى نور الكون عندنا للذنوب صابون عندنا

اول الموزون عندنا نمدح المو دون عندنا
كنزنا المخزون عندنا البيه القواسى تهون عندنا

نحن نائر اللون عندنا الفى الرسول مقرون عندنا
كم صلح مجنون عندنا وكم طلق مسجون عندنا

والد السادات عندنا ميرغنى الحضرات عندنا
حسنٌا سمح الذات عندنا السره احيا المات عندنا

نحن حسن الساس عندنا البحره مابينقاس عندنا
بضعة النبى راس عندنا الذكره شاع لى فاس عندنا

قول حسن لاشك عندنا العليهو الرك عندنا
عهده مابينفك عندنا وطرقه مو لك عندنا

السيد المحجوب عندنا العلمهو موهوب عندنا
الكلامو عجوب عندنا اليلحق المكروب عندنا

السيد ابراهيم عندنا المقامو عظيم عندنا
الكلامو صميم عندنا اليفش الضيم عندنا

الفى مصر قبرو عندنا العظيم قدرو عندنا
اللذيذ ذكرو عندنا يخت لى فكرو عندنا

سيدى بكرى الدر عندنا الشريف الحر عندنا
القصائده تسر عندنا اليزيل الضر عندنا

صاحب الاوان عندنا النجمو ظاهر بان عندنا
احمد البطران عندنا خليفة ابوك عثمان عندنا

جعفر الطيار عندنا المناقبه كتار عندنا
منبع الانوار عندنا ومخزن الاسرار عندنا

ود الانقرياب عندنا طاهر الانساب عندنا
ريس الاقطاب عندنا الجدو طه الكاب عندنا

سيدى الكرار عندنا اب لقاءاً حار عندنا
لوعة الكفار عندنا اللى الخصيم نوسار عندنا

الليث ابوالحسنين عندنا اليكيل العين عندنا
كيه للمابين عندنا سيدى سيف الدين عندنا

درة الاكوان عندنا وعمدة الاعيان عندنا
الخليفة الان عندنا القمر عثمان عندنا

الخليفة يدور عندنا منكن يالنور عندنا
الجزا المشهور عندنا والذنب يكون مغفور مننا

الصلاة كل يوم مننا ترضى للمعصوم عندنا
طه شافع القوم عندنا وصفوة القيوم عندنا

اسراء معتصم 06-16-2010 11:47 AM

رد: شعر ختمي تراث
 
بارك الله فيك يا خليفة اتحفتنا والله بروائع السادة رضوان الله عليهم . ربنا ينفعك بجاههم ويسدد خطاك

تاج السرفوزى 06-16-2010 12:00 PM

رد: شعر ختمي تراث
 
إبن الخالة الخليفة سراج لا فُضَ فوك

سراج الدين احمد الحاج 06-16-2010 12:35 PM

رد: شعر ختمي تراث
 
اقتباس:

المشاركة الأصلية كتبت بواسطة اسراء معتصم (المشاركة 15323)
بارك الله فيك يا خليفة اتحفتنا والله بروائع السادة رضوان الله عليهم . ربنا ينفعك بجاههم ويسدد خطاك

الله يكرمك الاخت الفاضلة /اسراء
ويزيدك دوماً من امدادات السادة/ المراغنة العظام
ويعلى قدرك بجاهم

ودى وتقديرى


الساعة الآن 02:25 PM

Powered by vBulletin® Copyright ©2000 - 2024, Jelsoft Enterprises Ltd.
دعم وتطوير نواف كلك غلا