نتائج الإنتخابات..إذا إختلف اللصان..

[منن عثمان]

شاهدت خبرا قبل قليل مفاده أن تأخير إعلان النتيجة سببه أن المفوضية تقول أن الأسباب من عند الحكومة وهي أسباب أمنية.. والحكومة تقول أن شرطتها جاهزة للتأمين ولكن المفوضية قالت لهم:أن هناك إجراءات تقنية وتكنلوجية لم تنتهي بعد.. وإختلف اللصان.. والمسروقات أصوات الشعب الحقيقية... كفاية ضحك على الذقون يا مؤتمرجية..كفاية تضليل يا مفوضية السخريات

[أبو الحُسين]

بتنا منن سلامات... الحكاية دي قالُوا مأخرنها عشان الريِّس ما حا يحصل 50% + 1

الشكية لله!!! غايتُو جنازة بحر وما لاقي بجبُوج!!! دي لو في شايقي بي يفهمها:sad_1:

[احمد محمدالحسن محجوب]

طيب ياخليفة نحن ماشايقية نكون مسطحين كدا ؟؟؟ مع خالص الود

[أزهري محمد سليمان]

تابعوا مجريات الاحداث الان البشير لم يحصل على 43% من اجمالى الاصوات على مستوى كل الدوائر فى البلاد وعدم اعلان النتيجه ليس لاجراءات امنيه الشعب السودانى شعب عظيم لا يعرف العنف ولا تفجير السيارات المفخخه ولا الاغتيالات انما شعب يعرف كيف أ سقط نظامين عبود ونميرى الاول بثورة شعبيه وعصيان مدنى كانت صفحة حكاها العالم فجر اكتوبروهزمنا الليل وانتفاضة ابريل اكبر انتفاضة شعبيه فى العالم ذهب نميرى الى مزبلة التاريخ
الان الجولة الثانيه سوف تبدأ باذن الله تعالى فلنعمل جميعا بعيون ساهرة لايقاف التزوير فى الجولة الثانيه والحكومه العوز يعملها البشير يبلها ويشرب مويتها

[عيدابي]

طيب ياخليفة نحن ماشايقية نكون مسطحين كدا ؟؟؟ مع خالص الود


اخوي احمد بجبوج دي منطقة قريب حدود الدناقلة مع الشايقية
الزول لمه يغرق عندنا في منطقة مروى ياخد يومين في النيل
لمن يطفح يمرق في بجبوج والجنازة تكون اتحللت لا تتحمل التنقل
فتدفن في بجبوج وبجبوج بقت معروفة بدفن الجنائز الصاحبها غرقان
اها عرفته الموضوع
تحياتي

[أبو الحُسين]

تابعوا مجريات الاحداث الان البشير لم يحصل على 43% من اجمالى الاصوات على مستوى كل الدوائر فى البلاد وعدم اعلان النتيجه ليس لاجراءات امنيه


إتفق معاك أُستاذ أزهري في هذه النقطة...

[صلاح الدين سر الختم]

قالت احدي حريم (الكلة) في مدح شيخنا ودابراهيم:

منك آبحبسني أنا النيل= ولا بحر بجبوج الكبير
شنو ليك آآآبو الحسين؟؟؟

[محمد عبده]

قالت احدي حريم (الكلة) في مدح شيخنا ودابراهيم:

منك آبحبسني أنا النيل= ولا بحر بجبوج الكبير
شنو ليك آآآبو الحسين؟؟؟

والله يا شيخ صلاح جبتها ليه من الآخر ...

[احمد محمدالحسن محجوب]

اخوي احمد بجبوج دي منطقة قريب حدود الدناقلة مع الشايقية
الزول لمه يغرق عندنا في منطقة مروى ياخد يومين في النيل
لمن يطفح يمرق في بجبوج والجنازة تكون اتحللت لا تتحمل التنقل
فتدفن في بجبوج وبجبوج بقت معروفة بدفن الجنائز الصاحبها غرقان
اها عرفته الموضوع
تحياتي

بارك الله فيك الاخ عيدابي كدا الواحد فهم وممكن يعلق .... وجنازة نتيجة الانتخابات دي الا يمسكة السد العالي دا اذا بقي فيها يشي يتحصل ... الدواير خارج السودان اعلنو نتايجها بكاملها البخليهم متكتمين علي النتيجة بالداخل شنو ؟؟؟؟

[منن عثمان]

أشكر جميع الإخوة على المرور والتعليق.. والبوست نور يا خليفة صلاح دعواااتكم..