يا الخلفاء

[Mohamed othman omer]

اشارك الاخوة بمحاولة شعرية متواضعة

يا الختم عثمان...الله.....منبع الايمان..الله...انت الامن وامان...الله...انت عالي الشان....الله....يالبدر في الدوران....الله....يا ضامن السودان...الله
الانتخاب الكان...الله...للشعب حرمان...الله...يا سيدي بالنيشان...الله...والضرب في المليان...الله
يا الخليفة نزار....الله..... عاشق المختار....الله....للطريق انوار....الله....تجلو للابصار...الله
الانتخاب الجار...الله.....والباعو بالدولار...الله....قوموا الاذكار...الله...وفكو بالاسرار...الله
يالخليفة صلاح...الله...الفي ظلم مصباح...الله...للخلق صلاح....الله....البداوو جراح...الله
الانتخاب الراح...الله...بالكذب وبواح....الله....بالنون والمفتاح...الله....أكتلوا التمساح...الله
ياكبيرنا جمال....الله....قايد الاجيال....الله...ناس قول وفعال...الله....صالحين الحال...الله
الانتخاب بطال...الله....مافي فوقها فصال....الله...انشر الاقوال...الله...وافضح الانذال....الله
يالخليفة سراج...الله...لابسين التاج...الله...البصلحو العاج ....الله....عالين كالابراج...الله
الانتخاب سماج...الله...بالخداع الراج...الله....من مركز الحجاج....الله...طلعوا الافواج...الله
يا الخليفة عمر....الله....يالكلامو درر...الله....انت سر البر...الله.....حارسا لام در....الله
الانتخاب الشر...الله....للبلاد ضرر.....الله....جيبو سر السر...الله...واضربو المغتر....الله
صلي يا رحمن...الله...للنبي العدنان...الله...سيد الاكوان....الله....مظهر الاحسان....الله....للانس والجان...الله...رحمة وحنان...الله...ما مشت ركبان...الله....او مدح ولهان...الله
ليك نشكو الان..الله...من الظلم وهوان...الله...وعلى ربنا التكلان....الله....يبعد الكيزان...الله

[علي الخليفة عمر]

مشاءالله جميله والله شديد يسلم فمك والله

[أبو الحُسين]

اشارك الاخوة بمحاولة شعرية متواضعة


ليك نشكو الان..الله...من الظلم وهوان...الله...وعلى ربنا التكلان....الله....يبعد الكيزان...الله

اللهم آمين... اللهم آمين... اللهم آمين...

تقبل الله دعواتك ونسأل الله يصلح حالنا بجاه النبي وآل بيته الطيبين...

كلمات جميلة وصادقة تُعبر عن لسان حال الكثير هنا...

[منن عثمان]

والله يا شيخنا محمد عثمان،ربنا يجزيك خير كلام سلس وجميل يخلي الواحد يدندن بيهو ويفك بيهو من الزعلة الدخلت فينا.. طبعا أنا هسة لحنتها وبدندن بيها..كتر خيرك أخوي وربنا يديك الفي مرادك..

[عيدابي]

الاخ محمد عثمان ماشاءالله بارك الله فيك
وربنا يتقبل منا ومنك طيب الدعاء
وجزاك الله كل خير

[محمد عبده]

الأخ / محمد عثمان عمر

لك التحية والتجلة ،،،
والله حاجة مفرحة جداً هذه المحاولة ، وياريت تعمل ليها لحن وترفعها بالصوت او الفيديو ، رايك شنو ،

انا طبعاً بقرا فيها بلحن مقتبس من مدحة الختمية .

شكراً بارك الله فيك ..

[Mohamed othman omer]

مشاءالله جميله والله شديد يسلم فمك والله
بارك الله فيك يا خليفة وانشاء الله ربنا يجعلها كما نويتها

[Mohamed othman omer]

اللهم آمين... اللهم آمين... اللهم آمين...

تقبل الله دعواتك ونسأل الله يصلح حالنا بجاه النبي وآل بيته الطيبين...

كلمات جميلة وصادقة تُعبر عن لسان حال الكثير هنا...

تسلم يا كبيرنا والله شهادة توضع على الصدر ونسال الله ان يتقبل و يصلح النية

[Mohamed othman omer]

والله يا شيخنا محمد عثمان،ربنا يجزيك خير كلام سلس وجميل يخلي الواحد يدندن بيهو ويفك بيهو من الزعلة الدخلت فينا.. طبعا أنا هسة لحنتها وبدندن بيها..كتر خيرك أخوي وربنا يديك الفي مرادك..
اختنا منن والله اسعدتني كلماتك كثيرا وزادك الله سعادة وانشاء الله قريب الناس ديل يتزحو والله (((بجبرنا))) بمولانا السيد محمد عثمان...ودة شرف لي ان يدندن بها الصادقين من الختمية امثالك

[Mohamed othman omer]

الاخ محمد عثمان ماشاءالله بارك الله فيك
وربنا يتقبل منا ومنك طيب الدعاء
وجزاك الله كل خير

بارك الله فيك والعين ما تعلى على الحاجب شاعرنا المخضرم عيدابي لك كل الاحترام يا مولانا

[اسراء معتصم]

كلمات جميلة جداً جداً اخونا محمد عثمان بارك الله فيك

[سراج الدين احمد الحاج]

جزاك الله خيرا ابننا الغالى/محمد عثمان
الله يحفظك ويبارك فى ايامك والله كلام جميل يفوح صدقاً ومحبة
وهذا لاشك فيه لانك ابن الخليفة الصادق عمر الله يزيدك ويعلى
درجتك بجاه سيدى رسول الله صلى الله عليه واله وسلم وبجاه
المراغنة الكرام وهذه القصيدة ان شاء الله نعملها رواية
ونقولها فى الحضرة الجايه بارك الله فيك واكثر من امثالك

لك خالص الود والتقدير

[Mohamed othman omer]

الأخ / محمد عثمان عمر

لك التحية والتجلة ،،،
والله حاجة مفرحة جداً هذه المحاولة ، وياريت تعمل ليها لحن وترفعها بالصوت او الفيديو ، رايك شنو ،

انا طبعاً بقرا فيها بلحن مقتبس من مدحة الختمية .

شكراً بارك الله فيك ..


بارك الله فيك يا مولانا والله لي الشرف والحمد لله انها عجبتكم على عرجها وتواضعها.....حاضر انشاء الله نعمل ليها رواية...ممكن توريني رواية المدحة البدندن بيها ممكن نجاريها ولا شنو؟

[Mohamed othman omer]

كلمات جميلة جداً جداً اخونا محمد عثمان بارك الله فيك
اختنا اسراء بارك الله فيك والله شجعتوني جدا

[Mohamed othman omer]

جزاك الله خيرا ابننا الغالى/محمد عثمان
الله يحفظك ويبارك فى ايامك والله كلام جميل يفوح صدقاً ومحبة
وهذا لاشك فيه لانك ابن الخليفة الصادق عمر الله يزيدك ويعلى
درجتك بجاه سيدى رسول الله صلى الله عليه واله وسلم وبجاه
المراغنة الكرام وهذه القصيدة ان شاء الله نعملها رواية
ونقولها فى الحضرة الجايه بارك الله فيك واكثر من امثالك

لك خالص الود والتقدير

آميييين بارك الله فيك مولانا سراج وجزاك الله خير يعلم الله قد اكون لم التق بك وببقية الاخوة الاعضاء لكن لكم في القلوب مودة صادقة ومحبة وأسال الله ان يجمعنا تحت لواء الحبيب يوم القيامة....ولي طلب عندكم يا مولانا واتمنى منكم تلبيته تسجلوها ليها لينا عندما تمدحوها.بارك الله فيك و حفظك ذخرا للطريق واهله...والبسكم الله تيجان العز دايما.

[Mohamed othman omer]

مولانا محمد عبده ما رديت علي...

[صلاح الدين سر الختم]

حبيبنا وسمي شيخنا...............لا فض فوك 0وصديقك الخليفة صلاح- نفسه - أسقطه تزييف الكيزان في مسقط رأسه متمة الأشراف لصالح خبث الحزب الإتحادي المنفي أبي الحكم طيفور(89)عاما"

[Mohamed othman omer]

حبيبنا وسمي شيخنا...............لا فض فوك 0وصديقك الخليفة صلاح- نفسه - أسقطه تزييف الكيزان في مسقط رأسه متمة الأشراف لصالح خبث الحزب الإتحادي المنفي أبي الحكم طيفور(89)عاما"

مرورك الكريم شرف لي وزدتني شرفا بتواضعك بقولك صديقك وهيهات يا سيدي ان يعلوا الثرى الى الثريا انتم على راسنا يا سيدي ولا نطول ان نكون من تلاميذ تلاميذكم.....و يا سيدي انتم لم تسقطوا انتم باقون في القلوب ولكم فيها دولة لو زوروا ما زوروا ما أسقطوها ...حب صادق لله ورسوله بحق...وانتم اعلم سيدي ان الامر من بعد الله ورسوله بين يديكم واليكم ونحن من ورائكم فامضوا فينا بما انتم به مأمورون...والله الروح والنفس للسادة المراعنة و لكم فداء ولا خوف على السودان وانتم فيه... رجاء الا تحرمونا من دعائكم...
(و طيفور دا مالو ومال السياسة وهو قد جاوز الاهرامات عمرا...واقترب من القبر شبرا و لو عمل لاخرته لكان خيرا له و لكن (لو) تفتح عمل الشيطان على مذهبه)
{فأما الزبد فيذهب جفاء وأما ما ينفع الناس فيمكث في الأرض كذلك يضرب الله الأمثال}
تشبيه الباطل بزبد السيل أو زبد الفلزات المصهورة‏,‏ وتشبيه الحق بما يمكث في الأرض مترسبا من ماء السيل من مثل الجواهر والمعادن النفيسة والنافعة‏,‏ أو يبقي بعد صهر الفلزات الثمينة والمفيدة مع عدد من المواد لتخليصها مما قد يكون فيها من شوائب علي هيئة الخبث‏(‏ الزبد‏).‏

[علي الخليفة عمر]

يا مولانا يعني ما لحنتو لينا القصيدة يا ريت تلحنوها لينا

[Mohamed othman omer]

يا مولانا يعني ما لحنتو لينا القصيدة يا ريت تلحنوها لينا

يا أبو علوة والله شغالين في الاقتراح دة بس الخليفة مجتبى يشد حيلو معانا حبة

[wael]

شكرا يا خليفة
كلمات رائعة

[Mohamed othman omer]

شكرا يا خليفة
كلمات رائعة
بارك الله فيك اخونا وائل والاروع مرورك الكريم كامل التقدير والاحترام

[أمة الختم]

بوركت يا خليفة وجزيت خيرا

[تاج السرفوزى]

اطفئوا لهب الغضب والغبن من صدور احبابكم بالكلام الجميل مثل هذا شكرا يا خليفة

[Mohamed othman omer]

بوركت يا خليفة وجزيت خيرا


مولاتنا امة الختم البركة من عندكم وجازانا الله الخير بكم...ولا تنسونا من الدعاء يا خليفية...

[مأمون الشيخ]

حفظك الله وبارك الله فيك وفي كلامك

[رنا كمال]

شكرا اخ محمد عثمان على كلماتك الجميله الصادقه

[Mohamed othman omer]

اطفئوا لهب الغضب والغبن من صدور احبابكم بالكلام الجميل مثل هذا شكرا يا خليفة
غضب الجاهير يهدأ بوجود الصادقين امثالكم بينهم فان رؤية الصابرين تلهم الصبر...شكرا يا مولانا على المرور الجميل