سالم
10-01-2012, 08:15 PM
:j85::j85:رثـــــاء:j85::j85:
كتبت نجاة ابنة الخليفة بابكرمحمد أحمد ترثي والدها:
مـيتك فجأة وأتفاجأنا
وماظن تاني نتفاجأ
قدرمحكوم ومابنقدر نقول حاجة
بس بنقول حليلك انت يا يابا
حليل الطيبة والطيبين
حليلك انت راجل الدين
حليل الزاوية والآذان
حليل الحلة والجيران
حليل السادة والختمية
حليلك انت في الحولية
حليلك انت في الريفاب
حليلك انت للجابراب
حليلك انت يـا العـالم
حلـيـلك انت يا العلام
حليلك انت جِد مقدام
حليلك يـا حبيب الكل
وحليلك يا شجرة الضل
منو الزيك منو
البقدر يقول قولك
لابتتلام ولابتعرف تجيب اللوم
مسامح مابتعاتب زول
مجامل مابتقول تعبان
حليم وصبور عليم وعظيم
منو الزيـك؟ومابنقدر نكون زيك
فراقك حار وماقدرنا نتحمل
بكـينا... الله يغفر لينا
زرفنا كتـير دموع الدم
ومـا بنساك...وكيف انساك؟
بتفقدني وبتسألني
وبترشدني وتوجهني
وكلامك لسه في أذني
ومابنساك مهما كان
لكن نسأل المنان
ونمد ايديـنا للرحمن
وندعو ليك الله يغفر ليك
ويمطر ليك...وينزل ليك
سحابة كبيرة فوق قبرك تظلل ليك
لأنك انت ماهين ولأنك انت متبين
ولسه كمان بندعو ليك...وندعوليك
وندعوليك
ابنة المرحوم/ نجاة بابكر
كتبت نجاة ابنة الخليفة بابكرمحمد أحمد ترثي والدها:
مـيتك فجأة وأتفاجأنا
وماظن تاني نتفاجأ
قدرمحكوم ومابنقدر نقول حاجة
بس بنقول حليلك انت يا يابا
حليل الطيبة والطيبين
حليلك انت راجل الدين
حليل الزاوية والآذان
حليل الحلة والجيران
حليل السادة والختمية
حليلك انت في الحولية
حليلك انت في الريفاب
حليلك انت للجابراب
حليلك انت يـا العـالم
حلـيـلك انت يا العلام
حليلك انت جِد مقدام
حليلك يـا حبيب الكل
وحليلك يا شجرة الضل
منو الزيك منو
البقدر يقول قولك
لابتتلام ولابتعرف تجيب اللوم
مسامح مابتعاتب زول
مجامل مابتقول تعبان
حليم وصبور عليم وعظيم
منو الزيـك؟ومابنقدر نكون زيك
فراقك حار وماقدرنا نتحمل
بكـينا... الله يغفر لينا
زرفنا كتـير دموع الدم
ومـا بنساك...وكيف انساك؟
بتفقدني وبتسألني
وبترشدني وتوجهني
وكلامك لسه في أذني
ومابنساك مهما كان
لكن نسأل المنان
ونمد ايديـنا للرحمن
وندعو ليك الله يغفر ليك
ويمطر ليك...وينزل ليك
سحابة كبيرة فوق قبرك تظلل ليك
لأنك انت ماهين ولأنك انت متبين
ولسه كمان بندعو ليك...وندعوليك
وندعوليك
ابنة المرحوم/ نجاة بابكر