مربعات

[الفاضل على حسين]

سيدى الممدوح

http://www6.0zz0.com/2010/02/09/09/924820407.jpg (http://www.0zz0.com)
هذه المربعات من تأليف الخليفه محمد عثمان مهدىمن جهة بحر أبيض منطقة الدويم
يمدح بها سيدىمحمد عثمان بن السيد على الميرغنى
وهى باللغه الدارجيه العاميه وتقراء القافيه بالسكون وليست الفتحه
وهى

فارس الملبسات وزر الحديد ان شك
اتضح الوكت شفنا وقطعنا الشك
معروف من قديم وكت الحديث انلك
قبيل فكاك وهسع غيرو ما بتنفك
http://www.khatmiya.com/vb/images/icons/icon3.gifhttp://www.khatmiya.com/vb/images/icons/icon3.gifhttp://www.khatmiya.com/vb/images/icons/icon3.gif

الطاير كتير لكن اخير كان رك
مابقيف فى الهواء برجع برك وانسك
لو طودا قوى من نظرو بتدكدك
دا محال الأسد لوكان تزاحمو التك
http://www.khatmiya.com/vb/images/icons/icon3.gifhttp://www.khatmiya.com/vb/images/icons/icon3.gifhttp://www.khatmiya.com/vb/images/icons/icon3.gif

قشقشوا التقى وقالوا البلد فرك
بجى الزرزور ويخلى ايديها تتعرك
والله العظيم لوكان الزعيم نايبو قال صرك
الحاضر يموت والغايب اد رك
http://www.khatmiya.com/vb/images/icons/icon3.gifhttp://www.khatmiya.com/vb/images/icons/icon3.gif http://www.khatmiya.com/vb/images/icons/icon3.gif

يامزاحم الختم الليله وا شرك
أصبح ذى حكاية الحاحا والشرك
فى بطن المحيط فارقت لى برك
بالعكس اشربوا ولو راجل اتحرك


رواها لنا الخليفه ابراهيم محمد ابراهيم. التكله حمد

[أبو الحُسين]

تسلم أُستاذنا الفاضل علي... ونهديك مع محبتنا... هذه القصيدة التي ألقاها الدكتور محمد ود بادي العكودابي أمام صاحب السيادة مولانا الميرغني بمدينة جده المصطفى صلوات الله وسلامه عليه وآله وسم...

مركز الهاشمية

كلمات د. محمد ود بادي العكودابي

يا مهد الكرم يا منبع الوطنية
كم سوداني يفخَر بيك وسودانية
سنيت النضال في السلم في العلنية


عجيب يا الإتحادي أركان بُناكَ عتيَّة
أبو الوطنية ساسك كان سواعدُو فتيَّة
للجيل الجديد نهديك شعارنا هدية
وحدة سلام قيادة تكون ديمقراطية


من الأزهري والهندي واحسب مية
أفكار الحزب والأنجُم المسمية
أبو هاشم ركز يوم شال حمالة المية
كاريزما الشهامة ومركز الهاشمية


ياك تلِب الحمول ياكا العليكَ الركْ
جبل التاكا إنت الخاتي قُولةْ كَكْ
فيكْ من سر أبوكاَ ومن فراسة المَكْ
ومن بين الرجال الكلمة عندك صَكْ


أبو هاشم قدَل يوم الرجِم والدَكْ
وارث للعُلاء وابن الشهيد لا شَكْ
المَعَقُود تحِلُّو العاقْدُو ماب ينفَكْ
تقطع كالصراط يوم العجِن والعَكْ


شوف هادِي العمايم والنفوس الطيبة
جات من الفِجاج تقصُد مرابِع طيبة
مَعمَّدة بالوجع بعد النضال والغَيْبَة
ماب ترجَع بلا شيتاً يرُد الهَيْبَة


دربَك يا زعيم قِدَّامُو رحلة عصيبة
حزب الإتحادي عصايْتَك التَّمْشِيبَة
كان قوِّيتَة هي التَدِّيك مناعة وهيبة
وان نَقَرَت حشاها السوسة تبقى مُصيبة


الأرواح فداك شيل من خيارك نَقَّة
غير كَتَرة كلام من غير لجاجة ونِقَّة
ميثاقاً غليييييييظ في المُهلِكَات ما رَقَّ
ما هَمَّانا في اللِّتْوَالة والإنشَقَّ


نحن القوم ونحن مثقَّفين وأشِقَّاء
نحن الإتحادي البي دِمَانا مَسَقَّى
نحن اهَل البلد إن جات نشيل نتوَقَّى
نحن اولادَها والولد النجيض ما عَقَّ


نحن أهل الفداء والسلسة المُمْتَدَّة
نحن اصحاب عقود طالت عليها المُدَّة
ابواتنا القِبيل عبَرُو ودليلهم عدَّ
نحن على المبادئ لا نكوص لا رِدَّة


نحن بلدنا ما تَحَلاَلْنا غيرها العيشة
ما بي نسيبها للدايِر يقَصْقِص ريشها
نجيب دستورها بالقانُون وننصر جيشها
والدين المغَشْغَش راح وفط العيشة

ويا ريتك يا صديقي جمال عثمان نصر تلحقنا بالفيديو...

أبو الحُسين...

[الفاضل على حسين]

الله يوفقنا يا ابو الحسيين نكون جنود الساده اهل البيت جميعا وخصوص المراغنه .وكمان يشملنا برضاهم عنا

[حسن مساوي]

يعطيك العافية