في زمن البلبلة .. والغلغلة ... والغربلة ... داير احكي ليكم حكاية !!!

[يس الريفي]

* تنويه : الحكاية موجهة للاخوان الختمية .. فمن رأي يعلم والسوي محجوب :

داير احكي ليكم حكاية تستاهلوا تسمعوها : السيد المحجوب - محجوب بحري حفيد الختم وابن سر الختام وصهر ابوجلابية وزوج ستي نفيسة وابو الكرام والقائل عن نفسه المراغنة انا درويشهم - كانت بتظهر منه افعال كتيرة مدهشة للمحيطين بيهو وغالباً ما تتفهم الا بعد زمن او يتبرع هو بشرحها منها كان يوم بيصلي في فريضة مع جماعة ويؤمهم رجل من اهل البصيرة - تفتيحة يعني بلغة الراندوك - اثناء الصلاة السيد المحجوب استدار يميناً وللدهشة الامام استدار معاهو وبقية المصلين تبعاً لذلك ثم للخلف وبرضو الامام استدار والمصلين برضو ثم لليسار وبررررضو الامام معاهو ثم رجع للقبلة المعروفة وكذلك الامام وبعد ما انتهت هذه الصلاة العجيبة الناس كلهم قبّلوا علي الامام يعاتبو فيهو : السيد المحجوب وعرفناهو احوالو ما بيعرفها الا ربو انت بتلّف معاهو مالك وتجهجه فينا؟؟ .. الامام قال ليهم : اسوي شنو اذا كان محل ما يتلفت الكعبة ترحل معاهو .. والرجل من اهل البصيرة مجبووور يتلفت ليها والا بطلت صلاته ماهو زي المغمّضين الزيّنا .. انتهت .. دحين ابقوا عشرة يا احباب .

[محمد عبده]

اللهم أفتح بصيرتنا.....

لك الشكر يا باشمهندس يس ...

[العوضابي]

أخى العزيز / يس ,
نعم يا أخى هذه مصيبتنا أننا كلنا : " مغمضين " ..... وهذا يذكرنى بكرامة أخرى حدثت ابان رحلة سيدى ومولاى الامام الختم رضى الله عنه للسودان , سمعتها من الخلفاء جدودك العوضاب , ..... تقول الرواية : أنه عندما حدد موقع القبلة لمسجده بشندى وكان ذلك قبل وضع الأساس , اعترض آخر وأظنه مسئول بالمركز , وعندما أخبر الاستاذ بذلك لم يرد عليهم , وكان الوقت وقت صلاة واتجه الجميع نحو القبلة التى حددها وأقيمة الصلاة , واذا الجميع يرون الكعبة أمامهم رأى العين .

[يس الريفي]

الاعزاء العم وابن العم الاستاذ عوض والاخ محمد عبده مشكورين علي التفاعل مع البوست .. والحقيقة مولانا في المدينة المنورة وفي واحد من مجالسه مع الاخوان كما نقل لي قال : ( نحن والحمد لله حبانا الله بحاسة الادراك .. ونحن علي بصيرة من أمرنا ) ... فاحببنا أن نذكر أنفسنا ونذكّر الناس بحال هولاء القوم والوقت الحالي كما نري كثرت فيه الهرجلة والزلزلة مضافاً الي مافي العنوان فوق ... فاحسن قبل ما تبقي (بهدلة) .. الناس تتحسس مؤاطي اقدامها وتحسب كلامها وتعلم يقيناً أن عاقبة الأمر قطعاً خيرٌ كثير ... ولكم مودتي .

[smah]

الاعزاء العم وابن العم الاستاذ عوض والاخ محمد عبده مشكورين علي التفاعل مع البوست .. والحقيقة مولانا في المدينة المنورة وفي واحد من مجالسه مع الاخوان كما نقل لي قال : ( نحن والحمد لله حبانا الله بحاسة الادراك .. ونحن علي بصيرة من أمرنا ) ... فاحببنا أن نذكر أنفسنا ونذكّر الناس بحال هولاء القوم والوقت الحالي كما نري كثرت فيه الهرجلة والزلزلة مضافاً الي مافي العنوان فوق ... فاحسن قبل ما تبقي (بهدلة) .. الناس تتحسس مؤاطي اقدامها وتحسب كلامها وتعلم يقيناً أن عاقبة الأمر قطعاً خيرٌ كثير ... ولكم مودتي .

شايف الكلام ده مافى بعد كده كلام. هو ده مربط الفارس. بارك الله فيك يااخى. اللهم لا اعترض.

[محمدمصطفى عيسى]

الاخ يس انهاتذكرة قيمه للإخوان وخاصة في هذه الايام نسألك اللهم صادق محبتهم وحسن الأدب معهم

[يس الريفي]

الاحّبة .. سماح ومحمد .. لكما الشكر علي المرور .. نسأل الله أن يثبتنا وإياكم وسائر إخواننا حيثما كانوا بالقول الثابت وينجينا من الفتن ما ظهر وما بطن .

[ABDEL GADIR SULIMAN]

يا رب بهم وبالهم عجل بالنصر وبالفر ج

[هاشم محمد أحمد سالم أرو]

وكيف تصبر على مالم تحط به علما.

[حسن الخليفه احمد]

شكرا لك اخ ياسين على سردهذه الطريفه ان شاء الله دائما مفتحين قول امين

[محمد الحسن محمد محمدأحمد]

* تنويه : الحكاية موجهة للاخوان الختمية .. فمن رأي يعلم والسوي محجوب :

داير احكي ليكم حكاية تستاهلوا تسمعوها : السيد المحجوب - محجوب بحري حفيد الختم وابن سر الختام وصهر ابوجلابية وزوج ستي نفيسة وابو الكرام والقائل عن نفسه المراغنة انا درويشهم - كانت بتظهر منه افعال كتيرة مدهشة للمحيطين بيهو وغالباً ما تتفهم الا بعد زمن او يتبرع هو بشرحها منها كان يوم بيصلي في فريضة مع جماعة ويؤمهم رجل من اهل البصيرة - تفتيحة يعني بلغة الراندوك - اثناء الصلاة السيد المحجوب استدار يميناً وللدهشة الامام استدار معاهو وبقية المصلين تبعاً لذلك ثم للخلف وبرضو الامام استدار والمصلين برضو ثم لليسار وبررررضو الامام معاهو ثم رجع للقبلة المعروفة وكذلك الامام وبعد ما انتهت هذه الصلاة العجيبة الناس كلهم قبّلوا علي الامام يعاتبو فيهو : السيد المحجوب وعرفناهو احوالو ما بيعرفها الا ربو انت بتلّف معاهو مالك وتجهجه فينا؟؟ .. الامام قال ليهم : اسوي شنو اذا كان محل ما يتلفت الكعبة ترحل معاهو .. والرجل من اهل البصيرة مجبووور يتلفت ليها والا بطلت صلاته ماهو زي المغمّضين الزيّنا .. انتهت .. دحين ابقوا عشرة يا احباب .


بارك الله فيك ياشيخ بسن جبت الدرر
...طيب حكاية الزول المثل فيها ميت لى ابو خيزرانه....كيفنها ...

[يس الريفي]

آميييييييين يا عبد القادر ... وشكراً علي الطلة ...

وكيف تصبر على مالم تحط به علما.

جميل والله يا هاشم ... لك التحية ....

تحياتي يا حسن وامين امين امين ... حتي الاجابة

[يس الريفي]

حكاية الزول المثل فيها ميت لى ابو خيزرانه....

تحياتي يا شيخنا ود شيخنا ... دي ما وقفت عليها والله ... دحين ما تبّرنا بيها خلينا نتزود ...