الدبيب... (قصة)...

[عبد العظيم الطاهر]

زمااااان ساعتي الكنت بقرا في الكتّاب ... في البلد ... جيت مندلي بى عند البحر ..... ماسك القيف وماشي ... أغني ... لامن جيت بى حتة جنب القيف ملاني دشش وجضول اللات تمر ...... مرميات .... وانا ماشي جلابيتي كرنت لها في عميوقه .... دنقرت بشويش دار امرقها ...خايفها تنشرط ياها جلابيتي اللت العيد دنقرت كدي , بلا لقيت لك الشي مطوطو في العميوقه متل حبل الآشميق ... دبيب قدر ده .... بقيت أهبش في الواطا ... كايس لي درابة ولا حجر أضربو بيها فوق راسو ...فجأة ..... لقيت لك الشي نط وإتلولو في كراعي .... من شدة الهجمة بقيت واقف متل العود المجندل .... وحسيت لي بى شيتاً دااافئ سايل فوق كرعي ...والدبيب فاتح خشمو ويتمطق متل الورل البيرضع لو في غنمايه .... بعد شويه قام نزل .. وانا أصلي واقف عود يابس ... مسكت كراعي وبقيت أعاين لها ... لا عرفتو قرصني ولا ما قرصني ... بس كراعي بقت لي واارمي ومنفوخه ... تقول مسون لها باكنبودر ... رحت أهلي أجرجر فيها وانا بالي ضمه ما هو في ... لزيت الباب الليل الحوش بى إيدي ودخلت ... أمي شافتني قالت لي مالك ..؟ قت لها قرصني دبيب ... بقت تسكلب وتجري لا برا ... وناس البيت اتكبسوا فوقي ... جات سايقي معاها تمرجي أهلن بى ورانا شغال في الاسبتالي اللت مروي .... جاء من بعيد يتضرع وشايل شي في إيدو بس تقول طرمبة اللت فليت ... يكفكف في ضرعاتو ... تقول داير يضبح لو خروف ... يسوي لي آزول مافي عوجي ... مافي عوجي تب إن شاء الله .... طبزني حقنة فوق صلبي عليكن أمان الله تميت لي يبقى دورين ماني قادر أصنقر فوق العنقريب متل الناس , علا أكوع بى صفحتي متل الجبنة التاكنها فوق الوقاية ... وحاتكم لا يوم الليلي ماني عارفُو قرصني ولا لأ ..؟ كراع الجن كانت ملاني شقوق يكدوبا حلة الملاح عدييل كدي ..

[أبو الحُسين]

يا هلا بيك أُستاذي عبد العظيم أيها القاص الجميل...

شكراً لهذه البداية... لكن يا الحبيب الناس ديل ماهُن كلهم شايقيي شي...

كدي الأحاول أترجم ليهُن الكلمات دي عشان يدُخْلُو معانا في الفُورمة:j44:

دشش: الدِشَشْ هي المكان الموكَّر فوق البحر... يعني التلقَاهُو مليان حلفي وشدِيرَة فار وكدي!!!

وجضول: والجِضُول هي بقايا شجر الطلح والسنط والتمر بعد قطعها "دي يبقى لي ساهلي شويي":j112:

عميوقه: والعَمَيُوقة... نوع من الشجر دُقاق كدي وما عندو فايِدَةً نعيمي...

حبل الآشميق: الأشْمِيقْ هو الحبل المصنوع من ليف التمر...

تمرجي: التَمَرْجِي هو الحكيم في زمننا... وبي عصر اليوم هو الطبيب...

أها بعد الترجمة للشباب لامِن أجيك لي قصتك...

الله يديك العافية في عضيماتك... وبركة المرقت بي الشي الدافي الفوق كريعاتك:j112::j112:

[اسراء معتصم]

قصة مؤلمة والله . انا يااخوي ابو الحسين فهمتها طوااااااااااااااااالي

[محمد الرفاعى]

الأخ عبدالعظيم الطاهر
سلام
لا حول ولا قوة الا بالله
اليوديك جنب الدشش شنو ؟
ياأخى انت حى ؟
الحمدلله على السلامة
و الله قرأت قصتك مع الدبيب اقشعر بدنى وتخيلت نفسى ده أنا و أنا ذاتى قربت أجرى
الحمد لله على السلامة

[أبو الحُسين]

رحت أهلي أجرجر فيها وانا بالي ضُمَّه ما هو في ...

أهدي هذا التعبير لصاحبي شيخ الزبير بشير:062:

[الزبير بشير]

الاخ الحبيب عبد العظيم
قصه حلوه . و نتمني ان تزودنا بالمزيد و من جميع الاخوه بالمنتدي . لتكون احد اصناف الفاكهه علي طاوله المنتدي .

بس يا اخوي الترجمه واجبه .

بالمناسبه احد اصدقائي شايقي من منطقه مقاشي و تربطني به علاقات عائليه و كان كثير لاستخدام كلمه ( ضمه ) .

عشان كده يا ناس المنتدي نحن بنحبكم ضمه .

اخوك الزبير بشير
( الجديد الثوره - الجزيره )

[أبو الحُسين]

قصة مؤلمة والله . انا يااخوي ابو الحسين فهمتها طوااالي

بتنا إسراء... ما تعملي فيها حبوبتك شايقية وتفتيحة...

والله لو مُو ترجمتي دي... كان لي هسع تكون مكَرِّني في الدِشَش الفوق البحر ديك:schmoll::schmoll:

[اسراء معتصم]

قصة الشايقي الاتسرقت ملايتو :


ياجماعه قالوا فى واحد شايقى ملايتو اتسرقت كان مؤمل فيها امل كبير فجادت قريحته بالهجاء الاتى للمجرم حرامى الملايات


يعيق الله يامجرم وكيف اسع تسرقنى
تسرقك بطنك انشاء الله وتخليك ديمه متالم
حضيرى انشاء الله يبراك وفلسا للجيوب يخدم
والعطش يحرق الجوف يخلى الفقرا قايمه وقاعده ليك تعزم
تعقينى انا يعيق الله يامجرم بمدفع كلاشنكوف يواليك فى المسيمع
عاد يخليك لا سمع لا شوف ويجيك عميل من السوفيت مرسل ليك
قرباتشوف شال حقنه حارقه معاهو يحرق ليك قلبك وكبدك وحتى المعده والشراشوف
تعيقنى انا نان بالله لو سالوك نان عميان من الاسواق تسوق الورت فى ساقيه تورا يقطع الخناق
تسوقك داف تدقشو ترلى فى عقبه يخليك لا ضهر لا ساق
نان بالله عاد لو سالوك ماك عارف القروش بوين ناس بانين عمارات كيف
وناس راحات وناس تخزين حكمت تجنى انا المسكين البلقط بقرش وقرشين
تقرشك عقربا تلقاك فوق الريق يكون جسمك مرطب تب
تقرشك سموم الصيف تخلى وشيك قايم حب
وقرشا يبلعك يزرع يلف بين جده والصومال ويجبك لينا تانى هنا
يرميك فى الرصيف بجاى يسلب لحمك الفوقك يخليك بس عضام وعصب
تعقينى انا تطرشق ليا برنامج اخطط فيهو ليا سنين
يطرشق فيك كمبرسون يخليك بس ساردين
ويطرشق فيك بوتجازا يكون جنبك صفيح بنزين وترقد انشاء الله ما نقلا زولا يقول ماشى فى تحسين
تعقينى انا كمان تسرق ملايتى المن كيسا ما انفكت ولاعارف نقشها كيف
يفك مننا الله اليوم قبل باكر يخليك لافى صيف وخريف
يسل ضلعك تفارق عقلك تخليك ماشى فوق عدلك

[اسراء معتصم]

بتنا إسراء... ما تعملي فيها حبوبتك شايقية وتفتيحة...



والله لو مُو ترجمتي دي... كان لي هسع تكون مكَرِّني في الدِشَش الفوق البحر ديك:schmoll::schmoll:




بلدا مي بلدك يا شيل طنجها يا قوم خلها

وانا يامدير شلت طنجها

[عبد العظيم الطاهر]

يا هلا بيك أُستاذي عبد العظيم أيها القاص الجميل...

شكراً لهذه البداية... لكن يا الحبيب الناس ديل ماهُن كلهم شايقيي شي...

كدي الأحاول أترجم ليهُن الكلمات دي عشان يدُخْلُو معانا في الفُورمة:j44:

دشش: الدِشَشْ هي المكان الموكَّر فوق البحر... يعني التلقَاهُو مليان حلفي وشدِيرَة فار وكدي!!!

وجضول: والجِضُول هي بقايا شجر الطلح والسنط والتمر بعد قطعها "دي يبقى لي ساهلي شويي":j112:

عميوقه: والعَمَيُوقة... نوع من الشجر دُقاق كدي وما عندو فايِدَةً نعيمي...

حبل الآشميق: الأشْمِيقْ هو الحبل المصنوع من ليف التمر...

تمرجي: التَمَرْجِي هو الحكيم في زمننا... وبي عصر اليوم هو الطبيب...

أها بعد الترجمة للشباب لامِن أجيك لي قصتك...

الله يديك العافية في عضيماتك... وبركة المرقت بي الشي الدافي الفوق كريعاتك:j112::j112:

ونعم الترجمة ... يا صاحبي ... كفيت ووفيت زي ما بيقولوا ...
خلك قريب ... إن بقت جات كليمي كدي الجماعة ديل ما فرزها فشان تفرزها ليهن فسراع فسراع :j47::j47:

[عبد العظيم الطاهر]

قصة مؤلمة والله . انا يااخوي ابو الحسين فهمتها طواااااااااالي

أمانة ً في (ضُمَّتِك ) فهمتيها ..؟؟؟ :j61: ولا بعد ابوالحسين ترجمها .؟؟؟ :j89:

[عبد العظيم الطاهر]

الأخ عبدالعظيم الطاهر
سلام
لا حول ولا قوة الا بالله
اليوديك جنب الدشش شنو ؟
ياأخى انت حى ؟
الحمدلله على السلامة
و الله قرأت قصتك مع الدبيب اقشعر بدنى وتخيلت نفسى ده أنا و أنا ذاتى قربت أجرى
الحمد لله على السلامة

محمد ود الرفاعي ... كيفنك .؟؟؟
ياخي البلد هي كلها دشش ..:j5:
عليك أمان الله انا وكت لقيتو مطوطو في كراعي , قطعت النفس تب .. كان طعنتني بى إبرة ما أحس بيها :j5:

[عبد العظيم الطاهر]

الاخ الحبيب عبد العظيم
قصه حلوه . و نتمني ان تزودنا بالمزيد و من جميع الاخوه بالمنتدي . لتكون احد اصناف الفاكهه علي طاوله المنتدي .

بس يا اخوي الترجمه واجبه .

بالمناسبه احد اصدقائي شايقي من منطقه مقاشي و تربطني به علاقات عائليه و كان كثير لاستخدام كلمه ( ضمه ) .

عشان كده يا ناس المنتدي نحن بنحبكم ضمه .

اخوك الزبير بشير
( الجديد الثوره - الجزيره )

أمانةً في ( ضُمَّتِي ) يا الزبير ود بشير نحنا زاتنا بنحبك في الله :j66:
علا كلمة ( ضمة ) دي عندها إستخدامات عديدة .. القلت انا دي واحدة منهن
في الباقيات لازم تستعين بى صديق زي ( أبوالحسين كدي ):035:

[عبد العظيم الطاهر]

بتنا إسراء... ما تعملي فيها حبوبتك شايقية وتفتيحة...

والله لو مُو ترجمتي دي... كان لي هسع تكون مكَرِّني في الدِشَش الفوق البحر ديك:schmoll::schmoll:

بتنا إسراء .. كدي ترجمي لى دي ... ( جرجاو في الكيم أنتقوارمو ) :j29::D:D
بدون ما تستعيني بى صديق .. والجائزة شوال تمر قنديلي من الشمالية :D

[مأمون الشيخ]

شكرا أخ عبد العظيم لهذا الإبداع ..

لكن أنا قايل أخيرلك قرصة الدابي كان من حقنة التمرجي ده..والله شنو

[النافعابي]

والله ياعبد العظيم خليتنا نفتفت من الضحك صباحتك حلوه
وياحليل زمن بىتحت والتشق والهكر البلد ميه نضفوها بعد الظلط
تانى ضمه مابتجيك عوجى طب بعد الكهرباء وكترلنا من جنس
ولا تنسى الجداد المحمر ومطر القضارف عبده عشره على عشره

[حسن مساوي]

قصة جميلة
ودحين انت يا عبدالعظيم الطاهر
من منطقة شنو في الشايقية

[منن عثمان]

سلام__ والله انا لا قريت القصة ولا بكذب لاني بكره الثعابين وبكره سيرتها،لكن عجبني السجال بتاع المفردات بين إسراء وقائدنا جمال واستاذعبدالعظيم،،واتمنى يطول عشان ذخيرتي العامية تزيد..

[اسراء معتصم]

بتنا إسراء .. كدي ترجمي لى دي ... ( جرجاو في الكيم أنتقوارمو ) :j29::d:d

بدون ما تستعيني بى صديق .. والجائزة شوال تمر قنديلي من الشمالية
:d


والله صعبتها لي عديييييييييييييييييييييييييييييييييل

[أبو الحُسين]

والله ياعبد العظيم خليتنا نفتفت من الضحك صباحتك حلوه
وياحليل زمن بىتحت والتشق والهكر البلد ميه نضفوها بعد الظلط
تانى ضمه مابتجيك عوجى طب بعد الكهرباء وكترلنا من جنس
ولا تنسى الجداد المحمر ومطر القضارف عبده عشره على عشره

لووووووووووووول يا خالي النافعابي...

الشي نحن ما مرقنا من وَحْلَة الدِشَشْ توكِّرْنَا في التَشَاشِقْ!!!:(:(

التَشَاشِق (جمع تُشِّقْ) ولامِن أجيكُن للمعنى يمنكم الإستعانة بصديق:j97:

[الفاضل على حسين]

الاحباب الشايقيه سلام عليكم .
اولا القصه والله ممتعه رغم انى مافهمت فيها اى حاجه بس اللذيذ فيها لولوة اللسان بلهجتكم
وتانيا يا ريس والله الترجمه زاتا دايره ترجمه
دحين اتكلموا معانا بالعربى يا اخوانا .

[osman alamin]

http://www.herosh.com/download/3542967/_4.flv.html (http://www.herosh.com/download/3542967/_4.flv.html)

الاخت اسراء نسمعك ليها صوت

[رنا كمال]

شكرا الاخ عبد العظيم علي هذه المساحه المرحة
بس عندي سؤال:
هل هناك علاقة بين الدبيب والدبيان؟
باقي اختك شايقية:j14:

[عبد العظيم الطاهر]

شكرا أخ عبد العظيم لهذا الإبداع ..

لكن أنا قايل أخيرلك قرصة الدابي كان من حقنة التمرجي ده..والله شنو


إنطبقن عليَّ الإتنين يا مامون نسعل الله السلامي ...:shiny01:
الحقني براها أخدت لها شهر بى حالو حتن وجعها راح :j47:

[عبد العظيم الطاهر]

والله ياعبد العظيم خليتنا نفتفت من الضحك صباحتك حلوه
وياحليل زمن بىتحت والتشق والهكر البلد ميه نضفوها بعد الظلط
تانى ضمه مابتجيك عوجى طب بعد الكهرباء وكترلنا من جنس
ولا تنسى الجداد المحمر ومطر القضارف عبده عشره على عشره

النافعابي يا حليلو ويا حليلو ... ياخي والله مشتهنك ..
الكهارب دخلت لا فوق يا النفعابي اخوي ... لكين بلد بى تحت بى تشقها لا أسع يعني مو متل زمان لكنو موجود
ودايرنو يبقى موجود عشان يحافظ على نكهة البلد وطعمها ولونها الماب يشبه الألوان.

الجداد انا يا النفعابي .. طار لي جنس طيرة ...:shiny01: زمان يحمروا لك ديك لى زوادة القطر تبقى عليهو عشرة
أكتر من شنطة الهدوم الشايلها :j58: والجماعة الفي القطر كلللهن يصاحبوك:j103:

[عبد العظيم الطاهر]

قصة جميلة
ودحين انت يا عبدالعظيم الطاهر
من منطقة شنو في الشايقية

المحب ... تشكراتنا على المرور ياخي

انا من منطقة ( نـوري ) الزمااااااااااان غنى لها الفنان الكابلي ... قال يا اللوري تشيل منو غير شباب نوري تشيل منو
الجماعة قاموا عليهو فلعوهو :shiny01::shiny01::shiny01:

[عبد العظيم الطاهر]

سلام__ والله انا لا قريت القصة ولا بكذب لاني بكره الثعابين وبكره سيرتها،لكن عجبني السجال بتاع المفردات بين إسراء وقائدنا جمال واستاذعبدالعظيم،،واتمنى يطول عشان ذخيرتي العامية تزيد..

بتنا منن بت عثمان ... كدي حاولي تقريها ... وختي لك خط تحت الكلمات الصعبة
والدكشنري جاااااااااااااااااااااهز .... ( أبوالحسين بى حالــــو ) مترجم قدر الضربة
وماهر في اللغة الشايقية :j67: بى عوجة الخشيم كمان يجيبها ليكي :j67:

[عبد العظيم الطاهر]

والله صعبتها لي عديييييييييييييييييييييييييييييييييل

أبـداً والله ...:j89:

أها هاكي ليها :

جر : يعني ( زيـر )
جاو : نوع من التمر
الكيم : يعني ( الرُكُن ) الزاوية بتاعت الحيطة يعني الكورنر.
أنتقو : يعني أمسكو جرو بى إيدك.
ارمو : يعني أرميهو
وبسسسسسسسسسسسس:j55::005::j65:

[عبد العظيم الطاهر]

لووول يا خالي النافعابي...

الشي نحن ما مرقنا من وَحْلَة الدِشَشْ توكِّرْنَا في التَشَاشِقْ!!!:(:(

التَشَاشِق (جمع تُشِّقْ) ولامِن أجيكُن للمعنى يمنكم الإستعانة بصديق:j97:




يلا .... أمرق الدكشنري سريييييييييع ...
انا قت لهن الزول ده ( علاّمة ) في بحور الحديس الشايقي أوع تقوم تطلع لنا من شايقية الرياض كمان :j58::j58:

[عبد العظيم الطاهر]

الاحباب الشايقيه سلام عليكم .
اولا القصه والله ممتعه رغم انى مافهمت فيها اى حاجه بس اللذيذ فيها لولوة اللسان بلهجتكم
وتانيا يا ريس والله الترجمه زاتا دايره ترجمه
دحين اتكلموا معانا بالعربى يا اخوانا .

الفاضل كيفنك ياخي ... وسلام من الله يغشاك محل قاعد
كان الترجمة زااااتا دايرة ترجمة .. غايتو إلا تشوف ( قوقل ) :j47::shiny01:

[عبد العظيم الطاهر]

http://www.herosh.com/download/3542967/_4.flv.html (http://www.herosh.com/download/3542967/_4.flv.html)

الاخت اسراء نسمعك ليها صوت

عثمان اللمين ...
ياخي البتاعة أبت تشغل معاي ... عاوزين لينا دفرة غايتو
عاوز اسمعها بالصووووووووووت

تحياتي وتشكراتي

[عبد العظيم الطاهر]

شكرا الاخ عبد العظيم علي هذه المساحه المرحة
بس عندي سؤال:
هل هناك علاقة بين الدبيب والدبيان؟
باقي اختك شايقية:j14:

بتنا رنا كيفنك ..؟؟

الدبيب : ورد في اللغة أن الدبيب هو كل ما ( يدبي على الأرض ) يعني يزح بى بطنو ما عندو كرعين شي:j67:
لكين الدبيان دي : هي إسم جمع لكل ما ( يدبو على بطنه ) والله أعلم

نان وكت إنتي شايقييِّ ما فرزتيها مالك .؟؟؟ :j67::j67:

[أبو الحُسين]

جر : يعني ( زير )

.
.
.
.

وبسسسسسسسسسسسس:j55::005::j65:


أحسن ما يبقى بس... أها شنو تاني:think2:

جِنِس قُدْمَك ما لاقاني في الكسري المُرَّة:j1:

[osman alamin]

عثمان اللمين ...

ياخي البتاعة أبت تشغل معاي ... عاوزين لينا دفرة غايتو
عاوز اسمعها بالصووووووووووت


تحياتي وتشكراتي

اللخو عبد العظيم البتاعة دي شغالة

[رنا كمال]

وين قريبنا الشايقي مختفي؟؟؟:j101:

[اسراء معتصم]

ياجماعة والله العظيم اخونا عبد العظيم فاقدنو شديد اشتهينا الحُجا حقو

[تاج السرفوزى]

ياجماعة والله العظيم اخونا عبد العظيم فاقدنو شديد اشتهينا الحُجا حقو
والله صدقتى يا اسراء مفقود انا خائف ما ينطبق عليه المثل الإنجليزى
ما يأتى سريعاً يذهب سريعاً
فرقتك مافى زول بسدها يا خليفة نطالب بالعودة السريعة

[ختمية]

زمااااان ساعتي الكنت بقرا في الكتّاب ... في البلد ... جيت مندلي بى عند البحر ..... ماسك القيف وماشي ... أغني ... لامن جيت بى حتة جنب القيف ملاني دشش وجضول اللات تمر ...... مرميات .... وانا ماشي جلابيتي كرنت لها في عميوقه .... دنقرت بشويش دار امرقها ...خايفها تنشرط ياها جلابيتي اللت العيد دنقرت كدي , بلا لقيت لك الشي مطوطو في العميوقه متل حبل الآشميق ... دبيب قدر ده .... بقيت أهبش في الواطا ... كايس لي درابة ولا حجر أضربو بيها فوق راسو ...فجأة ..... لقيت لك الشي نط وإتلولو في كراعي .... من شدة الهجمة بقيت واقف متل العود المجندل .... وحسيت لي بى شيتاً دااافئ سايل فوق كرعي ...والدبيب فاتح خشمو ويتمطق متل الورل البيرضع لو في غنمايه .... بعد شويه قام نزل .. وانا أصلي واقف عود يابس ... مسكت كراعي وبقيت أعاين لها ... لا عرفتو قرصني ولا ما قرصني ... بس كراعي بقت لي واارمي ومنفوخه ... تقول مسون لها باكنبودر ... رحت أهلي أجرجر فيها وانا بالي ضمه ما هو في ... لزيت الباب الليل الحوش بى إيدي ودخلت ... أمي شافتني قالت لي مالك ..؟ قت لها قرصني دبيب ... بقت تسكلب وتجري لا برا ... وناس البيت اتكبسوا فوقي ... جات سايقي معاها تمرجي أهلن بى ورانا شغال في الاسبتالي اللت مروي .... جاء من بعيد يتضرع وشايل شي في إيدو بس تقول طرمبة اللت فليت ... يكفكف في ضرعاتو ... تقول داير يضبح لو خروف ... يسوي لي آزول مافي عوجي ... مافي عوجي تب إن شاء الله .... طبزني حقنة فوق صلبي عليكن أمان الله تميت لي يبقى دورين ماني قادر أصنقر فوق العنقريب متل الناس , علا أكوع بى صفحتي متل الجبنة التاكنها فوق الوقاية ... وحاتكم لا يوم الليلي ماني عارفُو قرصني ولا لأ ..؟ كراع الجن كانت ملاني شقوق يكدوبا حلة الملاح عدييل كدي ..



بسم الله الرحمن الرحيم

والصلاة والسلام علي أشرف المرسلين سيدنا محمد (ص)

الأخ / عبد العظيم

أزيك

وسلامتك يايابا من الدبيب

يا أخوي أماني ماأكلتنا كترت عقارب

تكون لابتي تحت الكعرنوف ورافعي ضنيبا

تقول بس منتظرانا وتش تنتش الايد وتحس بيها في القليب جووووووه

وبقينا من نشوف الكروق شعرت جلدنا تقوم

ونقول النبي نوح من قار اللوح

والنبي أقرب من العقرب

يالها من أيام بالرغم من شقاوتها ؛؛؛؛لها طعم جميل

شكرآ شكرآ عبد العظيم للسرد الرائع

منتظرين المزيد

[حسن مساوي]

المحب ... تشكراتنا على المرور ياخي

انا من منطقة ( نوري ) الزماااان غنى لها الفنان الكابلي ... قال يا اللوري تشيل منو غير شباب نوري تشيل منو
الجماعة قاموا عليهو فلعوهو :shiny01::shiny01::shiny01:


مرحبا بك وانا من شايقية مساوي
التي قالوا فيها :
مساوي آية من الجمال مأخوذة من جنة بلال =============سكانه طابعهم الوصال دي جزيرة في قلب الشمال
وايضا :
مساوي يا ود الشـــــــــــــــريف دي ============== جزيرة اجمل من جنيــــــــــــــــــــف
شوف الكرم لمن يجينا هناك ضيف ============== شوف القوي كيفين بساند للضعيف

[تاج السرفوزى]

بسم الله الرحمن الرحيم


والصلاة والسلام علي أشرف المرسلين سيدنا محمد (ص)

الأخ / عبد العظيم

أزيك

وسلامتك يايابا من الدبيب

يا أخوي أماني ماأكلتنا كترت عقارب

تكون لابتي تحت الكعرنوف ورافعي ضنيبا

تقول بس منتظرانا وتش تنتش الايد وتحس بيها في القليب جووووووه

وبقينا من نشوف الكروق شعرت جلدنا تقوم

ونقول النبي نوح من قار اللوح

والنبي أقرب من العقرب

يالها من أيام بالرغم من شقاوتها ؛؛؛؛لها طعم جميل

شكرآ شكرآ عبد العظيم للسرد الرائع


منتظرين المزيد

شقيقتنا ختمية سلامتك من العقارب الكانت قرصتك وانتى لمن عندك الكلام الجميل دا كلو ما شاركتينا بيه ليه
وتانى لا فى خوف من عقرب ولا دبيب طالما بقى معانا فى المنتدى ود الشيخ الكباشى مش بقولو برضو
ياالشيخ الكباشى ياالتلب الماك حاشى , وبرضو ياالشيخ الكباشى خصيم السم . والأهم من دا كلو البيت البشتتوا فيهو بركة الكباشى العقارب ما بتسكنوا

[osman alamin]

ياجماعة وين الاخ عبد العظيم ؟؟؟؟؟؟؟ :j100:
يامديرنا شوف قريبك دا وين ؟؟؟؟؟؟ :j44:
الله يكفينا ويكفيو ويكفيكم شر الدبايب والعقارب ....

[محمد عبده]

يا جماعة والله الخريف خلاص جاء ، وطبعاً الدبايب والعقارب بتكتر ،،، دحن اعملوا حسابكم من قرص الدبايب والعقارب ،،، الكلام دا لي ناس البلد الموهنا ،،، ما اظن هنا في عقارب ودبايب .... الا دبايب من نوع تاني ..... ولا موش صاح ،،،،

ألآخ عبد العظيم

تحياتنا الخالصة نبعثها لك ،،،،،،،،،،

غايتوا قصة قصتين بنخش معاكم الفورمة ،،،، بس لكن الترجمة تكون طوالى من المترجم الفوري ( السيد المدير )

[اسراء معتصم]

ياالنبي اقرب من العقرب ومن قال نوح نجاهو الله

[تاج السرفوزى]

ياالنبي اقرب من العقرب ومن قال نوح نجاهو الله
وما تنسى الشقيقة اسراء شيوخنا ناس الكباشى عندهم سر السم و شقيقنا الكباشى معانا فى المنتدى بيحجانا من الدبايب والعقارب وبقولو يا الشيخ ابراهيم الكباشى خصيم السم والبيت الفيهو بركة الكباشى ما بتسكنو العقارب ودا عن تجربة شخصية وعشان كدا يا اسراء يا اختى لو الظروف ودتك بربر وانشاءالله ظروف خير فى دربك اغشى قبب الشيخ الكباشى شيلى معاك بركة

[عبد العظيم الطاهر]

يا جماعة السلام عليكن كللللللللللكن بلا فرز ...
الدنيا أم قدود والله ... اللفّاح يلفح ... والكتَّاح يكتح

كنت حزنان بالحيل في الليامات الفاتن ديل ... عمتي
الله يرحمها ويغفر لها فجعتنا فجيعي شديدي بالحيل
نسأل الله لها الجنة ... قولوا آمين

[أبو الحُسين]

يا جماعة السلام عليكن كللللللللللكن بلا فرز ...

الدنيا أم قدود والله ... اللفّاح يلفح ... والكتَّاح يكتح

كنت حزنان بالحيل في الليامات الفاتن ديل ... عمتي
الله يرحمها ويغفر لها فجعتنا فجيعي شديدي بالحيل

نسأل الله لها الجنة ... قولوا آمين


شآبيب الرحمة والغُفران تتنزل على روح عمتكم الطاهر يا أخي عبد العظيم...

نسأل الله يغفر لها ويرحمها ويكرم نزلها ويسكنها الجنة مع الأبرار...

صادق تعازينا لكم ولأُسرتكم الكريمة...

[osman alamin]

احسن الله عزاءكم
والرحمة والبركااات تتنزل علي قبرها الطاهر

[إبراهيم ميرغني]

اهلنا في الحالات المِتل دي بقولو: يا دابي ُرندة ويا كندمر يا تور الدوم

[عبدالله محجوب افندي]

الرائع ابدا الاخ الحبيب عبدالعظيم ودالطاهر ودعثمان
ماعارف اقول فيك شنو واقولك شنو يشهد الله كادت دموعي تنزل عندما ارسل لي الحبيب ابوالحسين الرابط ووجدت اسمك فبحق انت اضافة حقيقة ستظل تاج على رؤوسنا وهذا ورب الكعبة مكانك الطبيعي (وبر البر أن يبر الرجل ود ابيه) ربنا يكرمك بجاه الحبيب المصطفي ويغر عينك بالطاهر واخوانه ففي حضرتك يضيع الكلام وتموت الحروف.
واقول للذين لا يعرفون هذا الكنز المخفي انه من ابناء نوري وانه شاغر بحق وحقيقه وعازف ومغني وكاتب قصة و فوق هذا كله قارئ قرآن ومادح ذو صوت شجي والله.
بارك الله فيكم وفي مديرنا المفضال ابو الحسين وربنا يفتح عليكم ابواب رحمته الظاهرة والباطنة بجاه الحبيب الاعظم.

[أبو الحُسين]

اهلنا في الحالات المِتل دي بقولو: يا دابي ُرندة ويا كندمر يا تور الدوم

ويا النبي نُوح... من قال نُوح نجَّاهُ الله...