القبول يا رب - شباب الطريقة الختمية بدائرة ود ابراهيم بأم بدة
مجموعة مدائح ختمية.. شباب الطريقة الختمية بمسجد السيد علي الميرغني ببحري
|
|||||||
| المنتدى العام لقاء الأحبة في الله لمناقشة جميع المواضيع |
إهداءات ^^^ ترحيب ^^^ تهاني ^^^ تعازي ^^^ تعليقات ^^^ إعلانات |
|
|
|
أدوات الموضوع | إبحث في الموضوع | انواع عرض الموضوع |
05-18-2010, 03:06 PM
|
#1 |
|
 
 |
فضلنا أنا وإنتي قاعدين راس ...!!!
ساعتي العرست مرتي .. ياها الأسع معاي دي ... مرة كدي كنا قاعدين برااانا ... قت لها نبدأ برانا .. وننتهي برانا .. في آخر عمرنا ... إن الله مدا في الاعمار يجوا البطان كلللهن كان بنات كان ولاد يعرسوا ويفوتوا ويخلونا .. ونجي نصنقر انا وإنتي وَحَّدنا .. وشياتنا في وشيات بعض .. وإتخيلت إنو الشي حصل ... وقمت قت لها ... :-
فضلنا انا وإنتي قاعدين راس وشياتنا التقول كراس ********** ولَّى عميرنا راح إتماص حليل الدنيا ماشي نقاص وإتكرمش جسيمنا خلاص بلا سبب الرويس رقَّاص *********** بناتنا خلاص بقت أمَّات حليل غناينا داك المات وآخر ولدة في الجنيات رحل خلانا عرَّس وفات ******** *** حنيكي تقول ضنيب الحوت كليمة تجي وكليمة تفوت وفوق ضهري السَّرج مختوت أكاشِت في مشيَّا وأشوت ************ وإنتي بقيتي زي كورية فوق بطن الصحن مكفية أناضمك ما تردي عليّا عملا لي المغس والكيّة ************ شعيراتك شديرة الفاس وماب تشبه شعور الناس تشَّهِقي ماسكك أب دوماس وفي نومك يجي أب كبّاس ************ زمان إن قلت إسمك ساي تجيني جري وتقولي عشاي وأسه حديثي أردو براي زي زولاً يمص في الشاي ************ زمان كملت فيكي غنايا وأديتك شبابي صبايا كنتي البسمة في دنيايا شمعة روحي ليك ضوايا ************ وكانت بينا أجمل عشرة طيبة وارتياح ومسرة وما جِب لك مِريتاً ضرّة شغلك لي كجار ومضرّة *********** حرَّمت المروق لى برا خليتو الحديث بالمرة كان ساكت خشيمي انفرا وشك مالو لي ينصرّا *********** لى الليلة الخَرَف راجينا بس ربك كريم ينجينا ما نتلتَّ نرقد طينة فوقنا الدنيا ترمي عجينا |
|
|
| مواقع النشر (المفضلة) |
| كاتب الموضوع | عبد العظيم الطاهر | مشاركات | 9 | المشاهدات | 8828 |
|  |
| انشر الموضوع |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| انواع عرض الموضوع | |
|
|
العرض الشجري