أمل الأمة
مرحبتين يا جاي وشايل ...
هم البلد الأصبح فرقة ...
مرحبتين يا جاي وهمك ...
إنك تمسح الم الحرقة ...
ونحن وراك يا سيدي حبابك ...
مرحبيك وحباب السادة ...
شندي بلدكم وانتو اسيادة ...
مما قمن وجرت العادة ...
غير السادة مافي قيادة ...
والوديان عاميها تسابك ...
يا ذا الدولي ربنا جابك ...
عسلك صافي وراقي خطابك ...
مهما قالوا ونالوا جنابك ...
صدرك واسع وفاتح بابك ...
عشت وعاشوا الخلفا احبابك ...
سيد الكل يا سيد الأمة ...
ياعثمان يا عالي الهمة ...
بخت الجمع الفيك اتلمة ...
وردد وقال في أجمل كلمة ...
سير يا سيدي ونحن شبابك ...
سير يا سيدي وعالج السوسة ...
بالقرآن وعصاية موسي ...
وراك رجالاً مي مفنوسة ...
ويوم الزينة بتعمل عوسا ...
والخلاك يا سيدي متابك ...
يا نهر عظيم تيارك جارف ...
شعبك فاهم وواعي وعارف ...
لو فيهم راجل إسموا مخالف ...
ياهو دا الميزان جمهورك واقف ...
بالروح يفديك ويحمي ترابك ...
ليك رسالة من ساردية ...
نحن معاك عاقدين النية ...
وراك رجلاً مي مكرية ...
والختمية عقيدة قوية ...
سجل وقيد وافتح بابك ...