بسم الله الرحمن الرحيم
لى خديجة زوجة نبيا ***** طال شوقى وزاد الغرام
*****
الله واحد باقى ومعينا ***** ليه حمدا أرسل إلينا
المعظم هادى وأمينا ***** المكرم فى المرسلينا
فى القيامة دخرى وضمينا***** اهدى ليه الزوجة الحنينه
أم فاطمة جدة حسين
يا خديجة يا زوجة نبيا ***** إنت للإسلام كنت زينه
كنت للمختار إيد أمينا ***** كنت لى أسرارو الخزينه
كنت ليه الغيمه الهتينه***** حين أتاه الوحى ألأمينا
جاك قال لك زميلين
يا خديجة يا زوجة نبيا***** إنت يا كى الطاهره الحنينه
يا العفيفه الطايلات يدينا**** إنت فرحة ساكن المدينه
إنت كامله قسم دنيا ودينا*** نحن بيك فرحنا وشدينا
يا خلاصة أسد العرين
يا خديجة يا زوجة نبيا**** يا أم الكل إنت الحنينه
إنت سيدة عظيمة ورزينة** يا كريمة حنانك علينا
أملى لينا الكاس أندرينا*** من عطورك هيا انفحينا
غطى لينا هيا دثرين
يا خديجة يا زوجة نبيا*** نحن عشمانين فيك تجينا
بالسعادة الفيك أغمرينا*** عندو طه حنين أذكرينا
بالسرور والهنا عمرينا*** قول ليه الضاوى ألأمينا
أسقى لى أخوان المعين
يا خديجة يا زوجة نبيا*** منى ليك سلام بالمأيينا
وسلام ليك كل حينا**** ومنى ليك سلام يا الحنينه
وسلام إليك عينه عينه*** كل يوم يغشاك ونبيا
ربى صلى عليه كل حين
اللهم أرضى عن أمنا السيدة خديجة وأرزقنا حبها يارب العالمين