[عبد العظيم الطاهر]

اقتباس : المشاركة الأصلية كتبت بواسطة أبو الحُسين [ مشاهدة المشاركة ]

يا هلا بيك أُستاذي عبد العظيم أيها القاص الجميل...

شكراً لهذه البداية... لكن يا الحبيب الناس ديل ماهُن كلهم شايقيي شي...

كدي الأحاول أترجم ليهُن الكلمات دي عشان يدُخْلُو معانا في الفُورمة

دشش: الدِشَشْ هي المكان الموكَّر فوق البحر... يعني التلقَاهُو مليان حلفي وشدِيرَة فار وكدي!!!

وجضول: والجِضُول هي بقايا شجر الطلح والسنط والتمر بعد قطعها "دي يبقى لي ساهلي شويي"

عميوقه: والعَمَيُوقة... نوع من الشجر دُقاق كدي وما عندو فايِدَةً نعيمي...

حبل الآشميق: الأشْمِيقْ هو الحبل المصنوع من ليف التمر...

تمرجي: التَمَرْجِي هو الحكيم في زمننا... وبي عصر اليوم هو الطبيب...

أها بعد الترجمة للشباب لامِن أجيك لي قصتك...

الله يديك العافية في عضيماتك... وبركة المرقت بي الشي الدافي الفوق كريعاتك

ونعم الترجمة ... يا صاحبي ... كفيت ووفيت زي ما بيقولوا ...
خلك قريب ... إن بقت جات كليمي كدي الجماعة ديل ما فرزها فشان تفرزها ليهن فسراع فسراع