قصيده لوالدى الخليفه على المشهور بود الحسين
فى الحنين الى زيارة كسلا والساده .وفى الاخر يزكر فيها شيخه الخليفه الفاضل
يا مريد الختم قوماك نمشى نزور رجال التاكا
ارجو الكريم مولاك يتولانا يتولاك
حلحل قيدى امشى معاك نمشى نزور رجال التاكا
ثنيت بعظيم الشان محمد خاتم النبيان
يوم الناس تقيف ريقان ان شاء الله عموم نكون فى ضمان
اصحابه الشجعان قول صديق عمر عثمان
الكرار ابى السبطان مرحب فارس الميدان
الليل بقول يا اخوان بزكر بضعة السبطان
كل واحد مقيم فى مكان تاج السر ضرب نيشان
يا الفى كسلا وينك ليا انا قدمت ليك قضيه
يا الارشدت للختميه من ( تمبولنا) ليك تحيه
يا الفى كسلا لا تنسانا انت الامه باقى ضمانا
يا الارشدت للاخوانا سيرتك (بطلاق) عاجبانا
يا الفى بحرى مابنساكا يدك للخصيم عراكا
حرف العين تزيد فى علاك محروما شقى الياباك
الفاضل خدمتو جلاله وارث الاحيو ليه بغاره
مأمن من سلب ومغاره من شيخه الولد فى باره
صلى يا غفار والتسليم جزيل تكراره
(على) المعترف بأوزاره يصعد يلحق القبالو
اللهم امين