يارب منك وصولى للسيد على الفى ارتولى
الخليفة بابكر ود المتعارض
ياالله نجح سولى وبلغ جميع مأمولى
كل الدعا مقبول الهمنى اسمع قولى
بالمصطفى المرسول البسنى عقد اللولى
من ذاتو اذهب زولى وابقى به مشمولى
ذات الحبيب فى طابت عند التجلى ذابت
من الشهود ماغابت احياها بيهو ونابت
اعلا السرير العالى التاج وذو الجلال
حازت على التوالى ملك القديم الوالى
تحققت من ثم بالحكمة اللهم
جادت باعلا الهمة على جميع الامة
كانت هى المستورة وخصصت بالصورة
الدرر المنثورة منها انجلت معمورة
عقد الشرف ناظمنو من اصلو ياعارفنو
السيد على الداخرانو والاعظم الساترنو
فاضت علوم اسرار من السيد على الكرار
من كونو باب الدار مدينة المختار
اخر سنين الهجرة فى السيد على منحصرة
علومه منتشرة كى تنجلى بو العسرة
ولايتو فوق الحد وبشارتو من الجد
ياابن الحبيب لابدى بيك انطلق من قيدى
كن انت نايب عنى وفى ذاتو حقق ظنى
اذا وصلتم كنى استاذى بيهو اضمنى
حنت لكم ارواحى واسقونى كاس الراح
قل لاحرج لاجناح عليك خذ مفتاح
افتح به معنانا وافهم جميع ماكانا
سر التجلى الجانا كن انت فيه ايانا
حل الرموز الصعبة ولدوهو بطن الكعبة
عند الرسول اتربى والنور عليهو اتصب
وواصل التلقينا من النبى وجبرينا
وسلموا الامينا جواهر الخزينة
كل نبى من ربو ذريتو جات من صلبو
الا الذى تحبه جات لى على من صلبو
خواصنا على ثم وفا السمى
قالا ارتفع على كعيسى فهو حى
يارافع السماء وحضرة الاسماء
صورة على للرائى تبدو بلا مراء
علامة النفاق بغض علينا الراقى
فى حضرة الاطلاق وعلم كشف الساق
وقال ذو الاتقان صحيفة الايمان
عنوانها الايقان حب على الربانى
لمن خلق اعطاه لمن اصطفاه الله
وقال فى علاه الكل على مولاه
وماهما شخصين بل مفرد الوصفين
لما اتى بالعين تبدى فى ذاتين
وقال ذو العناية لاعطين الراية
لمن احب غاية الله فى الرواية
بشارة من نبيا الختم فى الذرية
وليدون والبنية فى الدرجة العلية
من يرضى بالختام شيخاً على الدوام
يحسب من التمام فى الاوليا الكرام
السادة الصوفية بصيرتن مجلية
قالوا الرسول دخريا تبدى فى البنية
لحم النبوه سارى فى البضعة الاطهار
والنص ياممارى فى نور ذى الابصار
وكلهم كبير مافيهم من صغير
فمفردهم كثير ومحجوبهم بصير
حين تلقى منهم واحد لى كلهم تشاهد
بيهم تجلى الوالد كى يروى منه الوارد
كبير عارفيهم امامن مصطفيهم
قال ارقبوه فيهم هم عين مجتبيهم
وكل هذا الجنس مطهر من رجس
رقوا بنور القبس فى حضاير القدس
وصفى هذا المشهد حتى تراه احمد
وناداه بالمفرد تكن به محمد
السيد على خصوه وبالزهرا ايدوه
كل الذى ولدوه خاتم الرسالة ابوه
نشاهدن على والوالد الولى
والزهرا والوصى والاعظم النبى
سعادة الانام للآبا والارحام
فى البدء والختام من سيدى على الامام
يارب اجتبينا حققنا فى نبينا
حتى نراه فينا اياك ياولينا
لا اله الا الله عز وجل
المضمر استحل ووجهه تجلى
لاحن بروق السر فى الزومة لسيد عمرى
قال شفت خلف الستر ابناً عظيم القدر
فى الغيب قال منطوقى ماشفت ولياً فوقى
من يومى داك زاد شوقى على راجى لحوقى
قلت ليهو ما اسمو القاصد قال لى على فى الشاهد
مقامو عند الواحد ختم الختم بل زايد
قال الختم يداربو وفى التوسل جابو
ماتم عندو حسابو لابد يجيكم دابو
بعد سنين من تيكم قت ليهو وينو عليكم
قال لى لابد ياتيكم من حفدة مربيكم
ارجوك ياالله تجعل علينا اياه
هو الذى اباه خصوه بى بشراه
لاتحول البشائر لى غيرو وانت القادر
ان تجمع الدوائر فى شيخنا اول وآخر
بى ذاته واسماه واوصافو صلى الله
على الذى تراه نروم به إياه