[ود محجوب]

شوقي شوق فتيح عيوني** ياالشريفة متين تروني
قمت في السَّحر إبتهلت ** بواسطة العظمة سألت
ربي لنفسي ظلمت
ياالله أشوف قبل المنون** السَّيدة مريم أمنوني
مما أخاف وتطمنوني ** أسرعوا برؤية عيوني
كرامة لله فتحوني
السَّيدة مريم مدي يدك ** الله قادر ما يردك **مو حاجة فتيح عيني عندك

في لحظة لو كان تنظروني
السَّيدة مريم ياالأميرة** بت هاشم بت حسن السَّريرة ** بت المراغنة أهل البصيرة
لحالي رقي وأنت عوني
السَّيدة مريم لي ضامنة *** تشيلي الفي صب عيني كامنة ** ما يصح شاعر المراغنة
بهذه الحالة يكوني
السَّيدة مريم طال سجنا ** راجي منك ضياء الدُّجنة ** العين تشوف بعد الدُّجنة
الله كريم ويكون في عوني
ياالشَّريفة أنا في حماكم ** لا يخاف من في رجاكم ** ياأهل الكساء المن الله جاكم
في الحديث وارد متوني
مادام عقيدتي السَّيدة مريم ** حتماً أفتح ويفرج الهم ** ليك ياحسن في الهجعة بنهم
يادابروندا ألحظوني
ود كلمون ظان فيك جميلي** يا السَّيدة مريم قل حيلي *** ده السَّكن في رأسي زيلي
بمتعة النَّظر أفرحوني
الصَّلاة من اللطيفا ** على الظَّريف ولطيف نظيفا** ترضي المراغنة والشَّريفة
ست النِّساء في كل كوني

بعد الاذن من الخليفة عوض حسن خوجلى