[bet alkhalifa]

اقتباس : المشاركة الأصلية كتبت بواسطة أبو الحُسين [ مشاهدة المشاركة ]

قالُو وينجينا الله من شر قالُو...

واحد زوجتُو مزهِّجَاااااااااهُو وباقَالُو في رقَبْتُو دي... وما في أي طريقة خلاص منها... لأسباب يراها هُو...

أها شافْ حكاية (الشعب يُريد تغيير النظام) في مصر جابت حقها...

فقال كدي اللَّجَرِّب أنا يبقى تصدُق معايْ... أها جاء من لا برَّة يهتِف... (الزوج يُريد تغيير المدام)!!!

نطَّت في حلقُو قالت ليهُو والله دا تغيير دا...
كدي أول حاجة وقبل التغيير
- بتاع الدُكان رسَّل ليك الورقة دي ديونك أمشي سددها...
- والكهرباء قاطعة أغشى جيب ليك رصيد معاك...
- ومُر علي الجزار التلاجة ليها إسبوعين معلِّمة الله من إسم اللحم...
- والأولاد أمس رجعُوهُن من المدرسة عشان ما دفَعُو المصاريف...
- وبتاع البلدية أمس جاء عمل شمطَة هنا عاوز حقُو...
- وما تنسى تشوف ليك سُلفة ولة حاجة ما تخجلنا مع أهلنا نسافر نحضر عرس سُهير بت أختي في مدني...
و...
و...
و....

فهتف الرجُل صادقاً هذه المرة (خصَّمتِك بالنبي كفى)...

تحيا تحيا حكومة السَعْدْ...

ومن يُومُو داك أصبح الهُتاف المحبب له

يااا جماعة مسؤلين من الخير مالى لا أرى صاحب هذا البوست أبو الحسين ماله لا يبين وانى لأحسبه من الغائبين .. هل حكومة السعد حكمت عليه ومنعته من الظهور لأعين الناظرين والمشاركة مع الآخرين ؟؟؟؟ بسبب هذا البوست اللعين ... لك الله يا ابن العم وان كيدهن لعظيم ... وعشان نحسبك من الحاضرين لا زم تجينا من سباءٍ بنباءٍ يقين ..ونحن فى الأنتظار يا أبو الحسين ....