وأقول لكم بصدق مسألة مراعاة أهل الكتاب وغير المسلمين الموجودة في الدستور هنا غير موجود إطلاقا في أي مسودة قانونية, "يعني نحنا نضرب مثل بعمر بن الخطاب في العدالة كحديث منابر فقط وبدون حركة عملية عمر بن الخطاب براه ليه عمر البشير مالوا" ؟ لازم يعمل بالذي طبقه عمر بن الخطاب المطلوب العدالة لا نريد استغلال السلطة مافي إصلاح وعدالة ومساواة أكثر مما هو موجود في الدين .
أين بقية التيارات الاخري من مشروع الدستور ؟
الجميع كانوا ممثلين الطرق الصوفية، بدءا بالانصار والختمية مثلها (حسن أبوسبيب)، وهناك الشيخ علاء الدين أبوزيد رئيس جمعية الامام مالك وهي الوعاء التنظيمي الأم للصوفية هناك 96 سجادة ممثلة في جبهة الدستور المؤتمر الشعبي "ذاتو قالوا نصلوا" مثلا كان لابد من الاتصال بعد الله حسن أحمد "قالوا الزول دي مستقيم وسني ما زي الترابي".. لكن المؤتمر الشعبي طابور خامس يعلمون مع الشيوعيين والعلمانيين وأحزاب اليسار .
هل قمتم بالاتصال بعبد الله حسن أحمد ؟
تم تكليف واحد للاتصال به في تقديري مجرد وجود جبهة الدستور الإسلامي بشكلها الحالي تمنع الفتنة ومن دخلوا وتورطوا في الفتنة الدينية بعيدون عن الجبهة الإسلامية للدستور لو محمد سيد حاج كان حيّا لما حدث ما حدث في المولد؛ لأنه رجل محبوب ومقبول من قبل الصوفية من لهم أسلوب فظ وغليظ هم من يتسببون في نفخ النار.
الدستور هل وصل لكل قيادات الدولة ؟
وصل وتم الاتصال بالبعض وكثيرون استلموا مسودة الدستور وانطباعاتهم جيدة للغاية؟
رسميا هل تلقيتم موافقة ؟
رسميا لا الأمر لا زال في طور الاتصالات الفردية مثلا قابلنا الدكتور قطبي المهدي، وأشاد بالدستور، وكذلك الدكتور عبد الرحمن نورالدين، وهو أحد الرموز النزيهة "يعني الشي الماشي هسة ما راضيهو ديل نعتبرهم معانا ساعين للاصلاح" وكذلك الحبر يوسف نورالدائم وأحمد إبراهيم الطاهر والبروفسير إبراهيم أحمد عمر طبعا نحن لا نتعامل معه كمؤتمر وطني؛ لأننا لا نريد ادخال السياسة في هذا الأمر؛ لأن القضية ليست حزبية هؤلاء الممارسات السيئة في الحكومة لا يريدونها وأيضا هناك الطلاب والمرأة كلهم موافقون على ذلك.
كيف تقدمون دستورا إسلاميا للحكومة وهي تتقارب مع أمريكا وتطبع مع الغرب، فكيف يستقيم الامر حتى أن بعض قيادات الحكومة بدأوا يسخرون حتي من الشعارات الإسلامية القديمة؟
"ديل ناس أمين حسن عمر", هؤلاء تلاميذ الترابي الموجودين في الحكومة نحن ما "عايزين نلعب بوليتكا السياسة فيها اللولوة نحن ناس دين ومن يدعو للدين ربنا بوفقوا نحن عارفين الحكومة دي فيها عملاء هذا معروف قطبي المهدي قال في موساد !! طيب ليه ما قبضوهم"؟ في "ناس عندهم جوازات دبلوماسية غربية امريكية واوربية يتفاوضوا باسم السودان هو زول امريكي يفاوض الامريكان يعني أمريكا تفاوض في رعاياها وموظفيها وحملة جوازاتها ومن يخالفهم بهرشوهو زي أمين حسن عمر وسيد الخطيب".
وغازي صلاح الدين ماذا ترى فيه ؟
لا غازي ما معاهم الدكتور غازي رجل وطني غيور ما معاهم.. الكلام ليس على اطلاقه.
لكن قطبي المهدي يحمل جوازا كنديا ما رأيك ؟
لا قطبي أيضا ليس منهم قطبي المهدي صريح وواضح ومتمسك بقناعته، ويحارب الباطل بضرواة، ناس المؤتمر الشعبي حاولوا يشوهوا سمعتوا بقصة الدولارت والعملات الأجنبية في بيتوا، يا أخي الناس دي كلها عندها عملات، هو قطبي براهو طيب الناس الساكنين في المنشية ديل لقوا القروش دي وين؟ كانوا شغالين شنو؟ خليهم يورونا جابوا الدولارات والمليارات دي من وين؟ الترابي دا بنى عمارتو من وين؟ نحن نسأل دعه يجيب ويري الشعب السوداني هو من أتى بالشركات الكندية (بتاعة) البترول للسودان، يعني 150 مليون كثيرة على قطبي.. في ناس داسين القروش الحرامية ديل لقوا القروش وين هم ما شغالين غير شغل الفتن في ناس في الحكومة كبار يحرضوا ضد قطبي وهم لديهم أموال مجنبنها بالخارج وزراء وسفراء حتي في القصر الجمهوري يدوا منها الناس عشان يعملوا الفتن.