يقول أبريدة يا رب يا معينا
تقوِّم حالتي وتستر علينا
تسلكنا طريق الصالحينا
نفوز بالجنة خير وقصور وعينا
صلاة الله على الهادي الأمينا
كذا التسليم على مر السنينا
عدد علم الله رب العالمينا
توافي الغالي قنديل المدينة..
الاخ الحبيب استاذنا وخليفتنا وقائدنا ابوالحسين
كل عام والجميع بالف.. الف.. الف.. خير
ارجو بمناسبة المولد الشريف العظيم ان تتحفنا بباقى الديوان ..
ونحن فى انتظارك ..ايها الحبيب ..
ولك صادق الود والتقدير..
كل سنة وانت طيب يا خليفة... ونسأل الله يبارك في أيامك ويحفظك ويخليك ذخراً للطريقة الختمية...
وانت يا الحبيب نتردد في رد طلبك... تأمُر أمر... بس دعواتك لينا بالتوفيق والإعانة حتى نقوم بتحميله كاملاً...
النبي المصباح
الفي مكة طيبَهُ فاح ... عمَّ طيبة نورو ولاح
عليك الله يا مسافر ... سلِّمني علي المصباح..............................
بسم الله يا فتَّاح ... عبدك في الطريق مُو صاح
سلِّكني الطريق الصاح ... وادخل ذْمْرة الصْلاَّح
..............................
بثني القول على المصباح ... حبُّو الفي الضمير جرَّاح
يوم الهولِ والإفضَاح ... بدَّل ليل سوادنا صباح
..............................
يوم ميلادِهِ المصباح ... عمَّ مكَّة نورو ولاح
كسرى ايوانو اتْهّدَّ وطاح ... ودينَ الكُفْرِ ولَّى وراح
..............................
يوم وِضوعو طه الخير ... جانا بالنعيم والخير
مكة استبشرت بالخير ... وزاد هناها خير فوق خير
..............................
(النبي) آياتو ظاهرة عيان ... انشِقاق القمر في الأُفْقان
بتَفْلو أبصَر العميان ... وبيهو طابت الأزمان
..............................
نبياً بيهو طاب الكون ... وافرح كل زول محزون
بي حبُّو القَلِب مفتون ... متين نمْشِيلو سيد (ذا النون)
..............................
يُومَت من قبورنا نقوم ... عارين ما علينا هِدوم
حاملين الوِزَار بالكوم ... فرَّ تاجو فوقنا غِيوم
..............................
جانا في الحساب حايرين ... غاطسِين في العَرَق عايمين
شفاعتو سيد الكونين ... وخلَّص النفوس في الحين
..............................
شرَّ تاجو فوقنا رهين ... جُملة العاصي والفاسقين
ليهو الحمدِ في الدارين ... شهادة من أعداء الدين
..............................
نِعمة اصحابَه البينين ... ديمة في الحروب صايلين
لي راية الجهاد رافعين ... باعو النفسِ عزُّو الدين
..............................
بُوصيك يا نفِس بالحِيل ... أطري لي رُقَاد الميل
داومي لي صلاة اللِّيل ... تنجي من عذاب الويل
..............................
أوعي من كلام القيل ... وشِينْةَ الناس والتطبِيل
تابعي الذِّكرِ والتهليل ... واطري الناس الكانو قبيل
..............................
يا مولاي يا قيوم ... سهِّل لي طريقنا نقوم
نمشي نْزُور ابي ام كلتوم ... ونرجع ما علينا هموم
..............................
صلي يا عليم بالناس ... للمختار شفيع الناس
(ود أبريدة) يبقى أساس ... ويسلم من مكايد الناس
..............................
آمين