الخليفة بابكر ود المتعارض
يمدح السيدة /نفيسة بنت السيد الحسن ابو جلابية
قوقى لى ياقمرية
قوقى لى ياقمرية بت سيدى نور عينية
شمس الضحى المجلية من فاطمة النبوية
ياستى من فتوحك نشاهدك فى سطوحك
يالعالية فى سطوحك كل المدد من روحك
جدك ختام الكمل اليوم اخوك الاكمل
ابوكى فيك اتحصل سر التجلى الاول
نهاية النهاية ياستى ليك بداية
ياسمحة السجايا سلطانة الولاية
مصباحة الظلاما بدر الكمال التاما
ياست النور عاما فاطمة ومزية وشاما
ستى المعظم شانا فى الحضرة بان برهانا
الحضرة بى ديوانا ياستى ابوك سلطانا
ستى العظيم جنابا متعلقين بى اعتابا
افرادنا واقطابا دايرين جميع شرابا
محجوبة الجلال مبدية الليالى
متعلقين بالازيال دايرين جميع كمال
ناظرة البصائر سلطانة الضمائر
ياست اول واخر دايرين بُنا السرائر
نفيسة دى المحبة دايرين كمال الرتبة
جيناك بالمحبة لازم عليك ننكبة
نفيسة الجواهر ستى ام جمالاً باهر
دايرين من شانك باهر كاس الشراب الطاهر
الست نفيسة اتجلت بالنور قد تحلت
فوق العرش اتعلت والكون عليه اتولت
نفيسة الكمال سلطانة المجال
ياسمحة الليالى فيض الشراب الحالى
نفيسة عظموك ولوك وتوجوك
فى الحضرة قدموك تصريفها سلموك
عليك برجز مدحى كبيرة اهل السطحى
جيناك باعلى النجح خصى الجميع بالفتح
ستى زايد حالك سلطانة الممالك
المضمر الخلخالك وقطب الدوائر خالك
نفيسة دى معلوما الجوهرة المنظومة
الحضرة بى عموما منك تفيض علوما
صلاتك اللهم على شفيع الامة
محمد وثم ساداتنا خير الامة