[محمد الفاتح أبوشوك]

مرحبتين يا جاي وشايل ...
هم البلد الأصبح فرقة ...
مرحبتين يا جاي وهمك ...
إنك تمسح الم الحرقة ...
ونحن وراك يا سيدي حبابك ...

مرحبيك وحباب السادة ...
شندي بلدكم وانتو اسيادة ...
مما قمن وجرت العادة ...
غير السادة مافي قيادة ...
والوديان عاميها تسابك ...

يا ذا الدولي ربنا جابك ...
عسلك صافي وراقي خطابك ...
مهما قالوا ونالوا جنابك ...
صدرك واسع وفاتح بابك ...
عشت وعاشوا الخلفا احبابك ...

سيد الكل يا سيد الأمة ...
ياعثمان يا عالي الهمة ...
بخت الجمع الفيك اتلمة ...
وردد وقال في أجمل كلمة ...
سير يا سيدي ونحن شبابك ...

سير يا سيدي وعالج السوسة ...
بالقرآن وعصاية موسي ...
وراك رجالاً مي مفنوسة ...
ويوم الزينة بتعمل عوسا ...
والخلاك يا سيدي متابك ...

ليك رسالة من ساردية ...
نحن معاك عاقدين النية ...
معاك رجلاً مي مكرية ...
والختمية عقيدة قوية ...
سجل وقيد وافتح بابك ...
افتح باب الحضرة وسجل الشمالية تويد حزب السيد