[bet alkhalifa]

اقتباس : المشاركة الأصلية كتبت بواسطة أبو الحُسين [ مشاهدة المشاركة ]

قالُو وينجينا الله من شر قالُو...

واحد زوجتُو مزهِّجَاااااااااهُو وباقَالُو في رقَبْتُو دي... وما في أي طريقة خلاص منها... لأسباب يراها هُو...

أها شافْ حكاية (الشعب يُريد تغيير النظام) في مصر جابت حقها...

فقال كدي اللَّجَرِّب أنا يبقى تصدُق معايْ... أها جاء من لا برَّة يهتِف... (الزوج يُريد تغيير المدام)!!!

نطَّت في حلقُو قالت ليهُو والله دا تغيير دا...
كدي أول حاجة وقبل التغيير
- بتاع الدُكان رسَّل ليك الورقة دي ديونك أمشي سددها...
- والكهرباء قاطعة أغشى جيب ليك رصيد معاك...
- ومُر علي الجزار التلاجة ليها إسبوعين معلِّمة الله من إسم اللحم...
- والأولاد أمس رجعُوهُن من المدرسة عشان ما دفَعُو المصاريف...
- وبتاع البلدية أمس جاء عمل شمطَة هنا عاوز حقُو...
- وما تنسى تشوف ليك سُلفة ولة حاجة ما تخجلنا مع أهلنا نسافر نحضر عرس سُهير بت أختي في مدني...
و...
و...
و....

فهتف الرجُل صادقاً هذه المرة (خصَّمتِك بالنبي كفى)...

تحيا تحيا حكومة السَعْدْ...

ومن يُومُو داك أصبح الهُتاف المحبب له

والله يا أبو الحسين... ده ظلم شديد على المدام.... المدام المفروض تغير النظام مش الزوج
يغير المدام.. لأنو التغيير دائما يحصل لما يكن فى تقصير.. صاحبنا عايز يغير والديون دى كلها فى ضهروا
تانى ماشى يسوى ليه كُبة سودى ويملاها عيال ويطير تانى يفتش لى التالته والرابعة..... وانت ماشى...
لكن بين بينك حكومه قوية لأنها صابرة على التقصير ما طالبت بالتغير... لكن مسكتُ من ايدوا البتوجعو
فعلا ليه حق يسلم.. ويهتف كل ثانية.. تحيا حكومة السعد ونحن نردد معاه تحيا دولة النساء.. تغيير مااااا فى ليكم ...
الكلام ده واضح ما دايرلف ودوران ما تقعدوا تشرفوا فى اضنينكم ....واحده الله يقدركم عليها يا معشر الرجال ..