[تاج السرفوزى]

ايها ابناء وبنات نهر النيل بالمنتدى
الزيارة التى سوف يقوم بها مولانا لولايتكم زيارة غير إعتيادية وتختلف عن كل زيارات المناطق عشان نحنا رؤوس حيات المؤتمر الوطنى أغلبها وللأسف الشديد طالعة من ولايتنا الحبيبة ولكل قاعدة شواذ.البشير نافع كرتى الطيب مصطفى مجذوب الخليفة قطبي المهدى امين حسن عمر ديل مصيبتنا وعارنا فى الولاية .
عشان كدا يا إخوة مطلوب منكم تعكسوا وجه الولاية المشرق والمشرف , نحنا فى الولاية عارفين حجمهم مايسوى شئ ولا عندهم سند جماهيرى وهم عبارة عن مسخ مشوه , لذلك مطلوب منكم التفاعل التام والكامل لاخراج الزيارة دى للولايات الاخرى بطريقة تخلى ناس الولايات التانية يعرفوا ان قادة المؤتمر الوطنى ما عندهم موالين فى ولايتهم اللى خلو الناس ينظروا لأهلها بعين عدم الرضاء بسببهم .
الأخت إسراء مشكورة على دعوتك لمشاركتكم فى بربر وإن شاء الله ما تكون اخر زيارة , وخليك بت نجيضة وملحلحة وخلى الما شاف يشوف عبرك . امشى وحتى لو يرفدوك من شغلك ما مشكلة بعد شهر 4 ونمسك السلطة الوظائف بنفرشها ليك فى الواطة اعذلى البعجبك , كل شئ فى حب الختم يهون حتى الروح والمال والولد.
الزيارة دى دايرنها تطلع بطريقة تخلى ناس المؤتمر الوطنى يشوفوا الحصل ليهم فى كسلا فيه الرحمة من البيحصل فى نهر النيل