بالمناسبة يا خوي حسن، أهلنا ناس زمان الأميين ديل، مثقفين والله أكتر من متعلمين الإيامات دي ، وكانوا على درجة عالية من الوعي ولهم مشاركات وطنية وغاية في التفاعل مع قضايا الراهن على النقيض تماماً من أجيال الزمن الذين يعيشون أمية ثقافية وسياسية واضحة ولا يستطيع أي واحد للأسف أن يتحدث أو يشارك مشاركة ذات قيمة في أي موضوع خارج نطاق الأكاديميات والكورة، و لا ريكم شنو ...!!!
سلامات أخي حسن الكدوس وللمرور الكريم...
وحقيقي أخي عمار تجدهم كذلك وأكثر... وانظر معي هنا للحاجة بت نُقُد (رحمها الله) تمدح إبن أختها الحاج أحمد أب شوك (نسأل الله يبارك في أيامه)...
تقول في جزء من القصيدة:
أُمَّك عمتك ماك المطرطَش بوم...
وحات الصالحين البَعْبُدُو القيوم...
فشَرُولُو الجِناتْ من كُورتي للخَرْتُوم...
والخرطوم دي النقول ما فيها شي سمعت بيها هنا في بلدها؟؟؟
لكن تمشي لي قدام تقول:
أُمَّك عمتك ماك المطرطَش نيْ...
وحات الصالحين أبَّانْ قروناً ليْ...
فشَرُولُو الجنات من كُورتي لا (بُومبَايْ)
من أين سمعت هذه الحاجة في قرية المقل ريفي كريمة بمدينة بومباي الهندية؟؟؟