بلال
بلال يابلالي وجيدلي ياختميتو
سيدي جديديدو حالي
أنا بديت بى الله ثنيت بي محمد
والكريم يفتح لي فتحا مو محدد
دايري اقلب لي سيار فوق سيدي احمد
المنفل بي الشرف من جد ولا جد
لي سمي عمو الرقيق سيدي احمد
أنا مناي عند الله احضر سيدي ساير
دا ود البفهمو السر في الضماير
والعظيم نور الله فوق اوجانو شايل
كدي بسيرسيدي احمدالسمحات وصوفو
البتلحق لي البعيد فاتحة كفوفو
والسعيد والله يمشي الحوش يشوفو
بلال يابلالي أنا داير اقلب سيرتي فوق سيدي اب فوائد
وفوق بحر المحيط الموجو زايد
دا الشحن طيارتو لي خت العوائد
أنا قولي لي السلطان امين القلبو خايف
أنا امشي احضر الحنه ابارك لي الشرايف
سيدي سيد مساوي منصوركتي هيلو
وسيد البشبعو الناس من نخيلو
كدي يطول عمرو ويطولنا عمر ابو المعدوم مثيلو
سيدي سيد مساوي سيد نوري والبركل
وسيد المن زمان شرفا مسلسل
قولي لي ابن العظام ناس سيدي جعفر
ليك أنا أتمنيت والله يتم منايا
أقوم يوم العرس ونعمات معايا
كدي امشي ابوبح حسي لي صيفي وشتايا
ليك أنا أتمنيت والله يتم مناي
وقولي لي ابن العظام الهاشمي
الغوث يبكر بي ولد وتاني البنيي
بلال يابلالي أنا جيدلي يوم السيره
ياحمد الخليفة
الغوث يبكر بي ولد وتاني الشريفه
أنا ختمتا صلاتي بي المخيار حجانا
شفيع الامه يوم الناس محانا
الرسول يضمنا نحنا والمعانا