اشعار الحاجه المادحة بت تميمينه شاعرة مساوي
حمدنا الباري
حمدنا الله وحمدنا الباري
ود سيدي عرس وجديدو حالي
بخيت عليك يا أب مقاما عالي
و بخيت عليك يا المحيط المالي
ياليوم الصفاح الأنوار تلالي
جيلينا يوم سيدي صافحولو
وجنودو وقفت يهللولو
والملايكة فرحتلو يوم دخولو
مبروك علي سيدي بيت حلالو
الصافحلو اخوهو ومعاهو خالو
ونور الإله فوقو يضوي شالو
ياستي نور سيدي حننيهو
وبخيت عليك ومبروك عليهو
ونور الإله يضوي فوق وشيهو
رحمة الله تغشى والديهو
وتطوف مقامن وتضوي فيهو
صليت صلاتا بلا عباري
تطوف البيت والرسول الغالي
شفيعنا يوم النهار القالي.