اشعار الحاجه المادحة بت تميمينه شاعرة مساوي
نحمد ربنا
بشرانا نحمد ربنا
ودسيدى عرس جيدلنا
هيا يامحب قوماك نزور
نباركو لى ناس ست نور
تسقينا من صافى البحور
شاحداك ياحى يا غفور
إن شاء الله مددكم يدور
يطمحلى في بحر المسور
ومن فيضو يشرب كل زول
كاب الضعيف باب الغنا
وشاحدى الله اباركلو الجنا
دق النحاس دق الطبول
سامعه الأضان ماقلو زول
الميرغني الجدو الرسول
ود الأسد ود الحبور
ود فاطمة الزهرة البتول
مدو الشريط من اختنا
وجانا الإذن من ستنا
عرس السرورعرس الهنا
وبت سيدا تبقالو أم جنا