[حسن مساوي]

سيدى أحمد قدل

الله فوق سيدي أحمد قدل
سلمو المفتاح والدول
وكسو بالأنوار والحلل
يا لساني اقلبلك وزن
فوق زرية سيدي الحسن
الشرايف من كسلا جن
جنو هننو وباركن
سيد فوق كرسيه قنيب
وكورسي كورسي النور مو خشسب
ونظم الدولات لى الشعب
سيدي لم الزين والكعب
جدك النبى شمس الفلاح
النبي اللي الجنه مفتاح
يحفظك يانور الصباح
يحفظك من عين اللداح
بحرو غارق ومهو رحراح
البريد ناس سيدي استراح
والمفارق ناس سيدي راح
مابريدو كلام اللداح
الولي ياود الولي ياولادت السيد علي
دنيا وآخرة أنا فيك بحتوى
ودايري رد السر القوي
الشريف ياود الشريف
ياولادت الفرع النضيف
أصلى من مدحك أنا مابقيف
مدحك أنا باقيلي تشريف
جدو ساكن أم سورام قلل
النبي البلفى من الوكر
يحفظك من عين مافكر
يحفظك ياضوء البصر
جدو سيدي الحسن الكبير
ضيفو ونبعتلو توتيل
نندهو ولى القاسات يشيل
لاتباروبو التماثيل
الرئيس ياود الرئيس
يابحرنا الماليهو ميس
غيرك أب يتعدل الحديث
الصلاة وتسليم بي عزم
وتمشي عن بابن تنتظم
من نفيسة جميلة الاسم
في كشف جدك نترسم