اشعار الحاجه المادحة بت تميمينه شاعرة مساوي
ام رخام
الليلة أم رخام لاح لي براقه
طراني الرسول أليه مشتاقة
يوم وضعو الرسول الكون ضواهو
الأملاك تعسكر فوقو زارباهو
الحور زغردت لي واسع الجاهو
وما طاب الزمن والله لولا هو
فريخة ديمه تمدح وراجي خلاقه
دبرها يا كريم حل قيدها من ساقه
على حرمو الرهين النور بتلاقه
يارب يا كريم يا دارى بي حالي
ويارب العباد العارف افعالى
سهل لى زيارة المصطفى الغالي
الليل والنهار مطبوعه في بالى
نركب في القطر ويشق بنا الوادي
نصل المرسى لما نعدى بي غادي
يرزقني الكريم بي زوره في الهادي
الصلاة والسلام تتواله تتواله
عدد ما قام حجيج طاف أم رخام زاره
عدد ريش الحمام والكعبة وأمطاره
اشعار الحاجة بت تميمنه
ترضيك يا نبينا الشايل الحمالة