[أبو الحُسين]

اقتباس : المشاركة الأصلية كتبت بواسطة عبد العظيم الطاهر [ مشاهدة المشاركة ]

	قُلتَ كَدِي اللَّخَلِّيهَا وأشُوف البَاقَاتْ وأجِيهَا رَاجِعْ فِي النِّهَايِّي .. مَشَيتْ وَقَفْ قَبَلْ المِرايِّيْ وأمْرُقْ فِي لِسَانِي , إِنْدَرَّبْ يَعْنِي … ثَاااااء … ظَااااااء … ذَااااااااال … تَااانِي البُطَانْ جوا يِتْلَبَّدُوا لِي … المَرَّةْ دِي قَالُوا لى أُمَّهُنْ , أبُوي بِقَى يَعَاوِجْ لى رَقَبْتُو فِي المِرَايِّيْ … قَالَتْ لَهُنْ أبُوكُنْ ألأيَّام دِي مَاهُو بَرَاهُو .. آ بَعَرِفُنْ النَّاسْ دَيلْ قَاعْ يَعَلِّمُوا فِيهُو فِي شُنُو …؟ __________________

عبد العظيم الطاهر يا صديقي المُبدع... ليك وحشة قدُر من هِني لا عندك في جدة أُم جداداً محمر...

يعلم الله اليوم الخميس جيت المكتب بدرياً دُغُش عندي شغل نهاية شهر قُلت أخلِّصُو أها فتحت قصتك لامِن إنتهيت منها مواعيد الدوام الرسمي جات... الشكية لله!!!
مرة واحد صاحبي شديد من أولادنا... قُوم خطب ليهو بتاً قريبتاً ليهو شهادة عربية (تِرْبَات سعودية صُرُف)... قال لي أكتر حاجة قاعدة تغَلِّبني معاها هي التعامل مع حروف الذال والثاء... قال لي هِي تمرُق لسانها ياااااااااحلاتُو بس طِرِيف كدي... وقال لي تعال شوف يومي الداير أحاكيها... حاولت أمرُق لساني إتْمَدَّ زي راس (أبْ دِرِينْقَة - أبو القَدَح) طويييييييل قدامي... من اليوم داك بقيت إن بقى دايِرْلُو غَمَتِي لا جُوَّة أغَمتُو!!!

اقتباس : المشاركة الأصلية كتبت بواسطة عبد العظيم الطاهر [ مشاهدة المشاركة ]

	ظَهَّرْتَهِنْ آ زول بى قَلَمْ اللِّيلْ كُوبْيَا ...وعَلَّقْتَهِنْ فِي الحَبِلْ ... سَاعَتِنْ النِّشْفَنْ لِقِيتِنْ مَسَوِّاتَلّهِنْ نَفُو نَفُو... وَلَّعْتَ المَكْوَة وبِقِيت أكْوِي فِيهِنْ وأطَبِّقْ .. نَامَنْ بِقَنْ بِتل السِِّتَارةاللَّت الشُبَّاكْ ... كَانْ مَا المَرَأة جَاتْ قَلَعَتْ المَكوَة مِن إيدِي .. كُتْ تَلقَانِي بَارِكْ فِيهِنْ لا أسَّعْ ... __________________

عليك الله يا عبدُو يا صاحبي... هسع النَّفُو نَفُو دي يترجمُوها كيفِن؟؟؟