الدكتور البركاتي يمدح السيد محمد عثمان الميرغني رضي الله عنه
عاد لمتين تكون الجية يا عثمان انظر لي بيك تتحقق الأمنية يا عثمان أنظر لي🌹🌹
نحن الشوق كتل كم فينا
انت بي نظرتك تكفينا
حنين انت ما بترفينا غلطة ذنوبنا ما تلفينا
🌾🌾
منانا يوم تجينا طبيبنا
دواك بي نظرة بتكفينا
السودان روحه انت الفينا بلاك تب ما في شي بكفينا
🌾🌾
حياك سيدي شوف جمعتنا
بعدك كيف تقيف دمعتنا
بى جاهك سمت سمعتنا فوق لي الزهرة نور لمعتنا
🌾🌾
نطرب يوم تجينا طبيبنا
وانت مطر رشاشنا وطيبنا
نفرح خلاص ما تسيبنا انت من الأماني نصيبنا
🌾🌾
لامتين الفراق عينينا
وانت الشوفتك بتراعينا
يا الله رجوعه قبل العينا يحلحل قيودنا ليها سنينا
🌾🌾
حال سودانا حال غربتنا
مع الإخوان وقت هجعتنا
يزيل البي وتزيد بهجتنا طال غيابك وراك ست متنا
🌾🌾
أهل البصيرة أفتوا عيانا
خيركم حل تشوفو حجانا
ماسكين شرع إلهي عيانا وما بتغيب عنا يا عثمانا
🌾🌾
شوفتك يا عثمان دن راحنا
وأنت شموسنا ياك مصباحنا
سوقنا يا عثمان وارباحنا غيرك ما بتطيب أرواحنا
🌾🌾
البركاتي رجزه صاقع صقعة
شوقه و دمعه ناقع نقعه
أكسوه حلة براقع بقعة فوق النور يفاقع فقعة
🌾🌾
الشريف المتاورة الوجعة
يتاوق ل أبو هاشم في الرجعة
يكتم سجعة تمرق سجعة وراك بمسك دروب النجعة
🌾🌾
الفاتح ببحري ياخد نقز
يدوبي يمدح مدح الرجز
يسرح في المقام والعز يخت الكسرة فوق الهمز
🌾🌾
رضاء الله عن عثمانا
ما ذكر الإنس والجانا
الفي كل زمن ليه مكانا بيها من الشرور تكفانا