[سراج الدين احمد الحاج]

للخليفه يوسف الصديق
بسم الله بادي ** فوق النور هادي ** والاعين ترى
مبسوط الايادي ** لي من قلبوا ** هادي ثم الاعديا
ثاني عليك ندايا ** ياكنزي ورجايا ** القدام ماك ورا
شرفك مو دعايه ** وعزك مو قرايه ** من سيد ميسره
سيدي علي بندورو ** نشتاقلوا ونزورو ** القط ماافترا
بنخوض في بحورو ** نذوق اثمار شجورو ** بيهو بنفخرا
اصحابك اجلا ** باينين كالاهله ** نورم ظاهرا
الواحد اقل يوزن ** ليهو مله ** من ناس منكرا
كم ملهوف حميتو ** طمنتو وغنيتو ** في ظل وضرا
كم مسقوم شفيتوا ** سيدي اليوم طريتو ** مابيتاخرا
سيدي الحاوي سورو ** والحكام تزورو ** رغماً مقهرا
في كل الامور ** هو داخل قصورو ** ليهو المشورة
فُقت على الرساوي ** لي نيلك تساوي ** وجبال الثرى
مافي ليك مساوي ** والبيقول يساوي ** عنك بيقصرا
رؤساء الحكومه ** بي اذنك قدومه ** انت بتامرا
الاسرار علومه ** في الماضي ويوما ** سيدي بيخبرا
منشيها الخليفه ** يوسف للوظيفه ** ديارو تخدرا
يصحب للعريفه ** اعمالوا تكون شريفه ** بيها يتبخترا
صل ياذا الجلال ** بي عد الرمال ** لي خير الورى
نبي الله اب جمالي ** راجي يشيل حمالي ** دنيا واخره