[Ya Mirghani]

تعريف:

#جزر_الكاسنجر
بتبعد من الخرطوم 400 كلم تقريبا ولا محتاجة جواز سفر تخيم ومبيت وشواطئ ...الخ ودي حته واحده من مليون مكان رائع في بلدنا

اولا الرحلة بالعربية بتاخد 4 ساعات تصل مروي ومنها الي جزر الكاسنجر وهي عبارة عن اكثر من 50 جزيرة داخل النيل بمناظر جميلة جدا

بالنسبة للطريق يفضل عربية بوكس او اعلي رقم انه الطريق الترابي بسيط جدا لكن ضيق

بالنسبة للسكن ممكن تسكن وتخيم في الجزر واشهرها جزيرة عباس زول حبوب جدا وممكن تتصل عليه يرتب ليكم الاكل والتنظيم كله

ممكن تنزل في اي فندق في مروي زي قرية مروي السياحية وومنها تزور جبل البركل ونحضر الغروب في اعلي الجبل ونزور اهرامات البركل والغابة المتحجرة ومدافن الكرو

الرحلة تفضل تكون في الايام الشتوية عشان تستمتع بالمياه الدافئة والشمس

التكاليف حسب ميزانيتك في الاكل وممكن تعمل جولة في الجزر بالمراكب المحلية والطريق واضح وهادئ ما فيه مشاكل غير بعض الرمال المتحركة مرات ،،