أعجبني تعليق للأُستاذ عادل أمين بسودانيز أُون لاين مُندهشاً من هكذا خبر كتب:
السيد محمد عثمان الميرغني هو يمثل الجانب الروحي للحزب وامتداد لوالده السيد علي الميرغني... وحزب بلا روح لا مستقبل له في السودان القادم "الاصل"
مرحبتين حباب الربنا علاه
عثمان الزعيم وارث مقام آباه
،،،
ده البدر الطلع عمّ البرية ضياهُ
يا رب يا كريم دائماً نكون في حماهُ
،،،
يا بيت الشّرف يا بضعة الطاهرين
يا إبن الرسول بيك نحن مفتخرين
،،،
أمّنت الوطن وأفرحت كل حزين
ما دام إنت فيً والله ما سألين
،،،
من يوم من نشيت تلباً لزوم للشيل
حلاّل للصِعاب ترفىِ وتعدل الميل
،،،
يا نسل الكرام القائمين الليل
ناس حسن الهُمام الليله ساس ودليل
،،،
ربنا قدمك تحي شعائر الدين
تعمّر للمساجد وترشد السالكين
،،،
يا مجدد الطريق االسادة الزاهدين
يا وابل الخريف يا موسم
،،،
طريق أبواتك أحييته ورفعت مناروا
وأجدادك قبيل ليك بالمكانة أشاروا
،،،
والإسلام جميع حاميه حامي دياروا
في شرقوا وغروب جنوب وأمصاروا
،،،
حمداً للكريم الواحد المعبود
عثمان البدر فينا طلع مسعود
،،،
خليفة أبو هاشم ضوّه الليالي السود
يا وارث الختم فيك الأمل معهود
،،،
يا إبن الرسول ليك نحن مُحتاجين
من فيض جدكم أنفق شمال ويمين
،،،
للختمية عامة وخصوصاً بن حسين
يستمتع معاكم في كلا الدارين
،،،
الصلاة والسلام ما دامت الثقلين
علي خبر الأنام جد الحسن والحسين
،،،
والآل والصحابة الُكمل أهل الدين
بي جاههم جميع إن شاء الله منصورين