[محمد عبده]

سلام عليك يا النادر ....




سلام عليك يا النادر......يا سيد السوح الطاهر
------------
بحر المحيط الهادر......الما بتحدو مواخر
بالدر والخير كم زاخر.....تاج راسنا البيهو نفاخر
-------------
العارف الربانى.......المكرم من العدنانى
من قام عظيم الشان......وشارب رحيق عثمانى
--------------
نفحة حسنا السامى.......وإرشاد علينا الحامى
غيث العلوم الهامى........ويوت فى الرجال قدامى
---------------
لى ود حسونة ورثت.........علما ودين اسست
لى مريدك فوق اجلست.......ولى المنكرين اخرست
-----------------
عبد الرحيم حباك..........وصفوة حصادو حباكا
من بعدو سرت براك......واتعبت قاصد إدراكا
------------------
ود حمد السيد استاذك....... وصاقل فريد الماظك
ورى الخلوق إعجازك.......وفى تالت يوم أجازك
------------------
وارث الرجال الكمل.......ملجا الضعاف والهمل
سند العدم وإترمل......دخرينا الفيو نتأمل
-------------------
زخرف دنيتن زاهد...... فى الله ديما مجاهد
مشهود مقامك وشاهد.....ذاهب جميع فى الواحد
------------
كم قام قعيد بى سرك........وانفق كريم من برك
يا العالى لله درك.........كاسات القوم من درك
------------
احييت طريقن دارس.......نهجك عظيم يا الفارس
عرفان ونور لى الدارس.....يمحا الظلام الدامس
-------------
بدر الدجا اللتدور .......الطندب بيك منور
جيناك جرحنا الغور........يتداوى ما يتعور

نور الهدى - آلاء كامل حسن الزاكي معجب بهذا