عن ابى هريرة رضى الله عنه قال :سئل رسول الله صل الله عليه وآله وسلم
( أى الصلاة أفضل بعد المكتوبة ) قال : ( الصلاة فى جوف الليل ) رواه مسلم ..
القيام بالليل غيرو مافي تجارة ياخليل قوماك بالأثر نتجارى
ياخليل قوماك في الطريق نتبارى زادنا بالتقوى ليس في الصبارة
نرتبط بي حبل لاغزل لادبارة فهو حبل الله المافي غيرو دبارة
****************
القيام بالليل فيه سر وولاية زادو عيش وقرض في بطن مخلاية
فهو لي اليدفن نفسو في الغلاية فيه جوع وعطش امتحان وبلايا
***************
القيام بالليل بي صدق وبهمة راقبوا المولى يذكروا اللهم
هم حماة الدين هم هداة الأمة نعم من حباهم لي سوحهم أمَّ
***********
القيام بالليل فازوا بيهو الفاتوا قطعوا العتبات ينجوا من آفاتو
طلقوا الدنيا لي إلههم فاتوا بي همم عاليات ساروا في زفاتو
*************
القيام بالليل منه قط لا تملوا فيه بحرالسر أشربوا وإتملوا
يوت بنار الصوم لي نفوسكم ملوا كل زول يطبق وردو لايهملو
**************
القيام بالليل لاتقصروا منو واليقيموا الليل حالهم يتمنوا
فاز به الينفق غير اذى وغير من والوصول لله بيهو ربي يمن
**********
القيام بالليل فازوا بي الصالحينا في الخلاوي سكون في الخلا سايحين
في آناء الليل دائما صاحينا ينقذوا الدركان يلفوا لي الصايحينا
***************
القيام بالليل قالوا مافيش غيرو نعم اصحابو العارفين توقيرو
بي خيول الغيب في الهجيعة يغيروا يكرموا المخلوق العظيم وحقيرو
**************
منهم الاقطاب سادتي الصوفية منهم الابدال يجردواالالفية
منهم النجباء المالهم كيفية منهم الاخيار حالهم مخفية
***************
الصلاة وتسليم لي الشمايلو كريمة عد رمال الكون لي عدن وكريمة
سامح البرعي من خطا وجريمة نفسه يبلم بي لجام وصريمة