السلام ياغنية - مريم الميرغنية
ربى بالميرغنية قبل داعى المنية
اروى شرباً هنية من يد الميرغنية
مريم الطال باعا يالها من بضاعة
خاسر الشالا باعا بى عروض الدنيه
انت مابيشبهوك والختم والد ابوك
فى البلاد يندهوك حين نزول البلية
ياملاذ كل عاشم انتى بت سيدى هاشم
عنك حاد كل غاشم ياحصنا القوية
انت ام المراغنة حبنا ليك ساقنا
كل من قد اعاقنا يرزى اعظم رزية
انت ام الارامل الضعاف والهوامل
كل من فيك آملٍ يعطى اكبر عطية
انتى يارحمة الله انتى يانعمة الله
انتى عطية الله ونعم تلك العطية
الرجال والحريما تهوى ذاتك تريما
كم ملبس جريما بى دعاك صار بريا
اهل بربر اجادوا كلهم ليك نادوا
الا من فى عنادو واشقاوته القوية
الشباب جاك زائر ياعناصر المفاخر
نرجوا فى اليوم الاخر نكون معاك سويا
سرالختم جا بى بابكم قائداً لى شبابكم
ذوقوه شرابكم وحسنوله المطية
ابن عبد الوهاب ناوى ليك الذهاب
صوبى له شهابو واقبلى دى الهديه
الصلاة ريحا عاطر والسلام ندو قاطر
عدا ماصب ماطر لى جميل المحيا