لا فُض فوك أُستاذي محمد خضر...
وعاش أبو هاشم حوض العاشم..
الأخ الحبيب أبوالحسين - شكراً ناضراً لإهتمامك المعهود وتواصلك معي فقد وصلني على الإيميل المقال ( البِفِش الغبينة ) للأستاذ/محمد خضر
جزاه الله خيراً وزاده من توفيقه في مقارعة هؤلاء وهُم كُثر..أتمنى من كل قلبي أن يستمرالأخ الأستاذ محمد خضر في مثل هذه المُنافحَات ..
والدفوعات المشفوعة بالوقائع والحقائق ورصد هذه التخرصات وأن يُضِيف للخَال الرئاسي(المُندسين وسَط الحزب والمَزروعِين للفِتنة وشقَ الصفوف) وبالتأكيد هُم
أوضَحْ من الوضُوحْ في حركاتِهِم تصرفاتهِم وتقلباتهِم ، وعلى رأسهِم بعض قادة الحِزِب بلآفِتَاتٍ وشعاراتٍ يرفَعُها ويروج لها أحمد سعد عُمر وعُثمَان عمرالشريف والخليفة بتاع البنك الإسلآمي دا العَامِل فيها هو ......
وقس على ذلك .. ومَن هُم بالدًَاخِل بالتأكيد أدرى مِنا نحنُ أهل المَهَاجِر والشَتاتْ ويعلمون الكثير والمُثير الخَطِر .........
ومن الليلة ولي قدام - الشَبَّالْ بي شَره ؟!
هيييععع عفيت منك آ الإنقريابي...
من الجماعة الذكرتهم ديل قبل كدة في واحد في مجموعة في الفيسبوك أيام المشاركة قال لااااازم نفصل زعيم المُشاركة السيد محمد عثمان الميرغني لأنه حاد عن ثوابت الحزب والمؤسسية والإسطوانة القاعدين يشتغلو بيها ديك!!!
في واحد من أهل العقل قال ليهم إتحداكم من الليلي لي شهر... واحد يطلع ليهُو (إيصال) دفع ليهو إشتراك من سنة 1989م لي يومنا دا... إتحداااااااكُم...
وحات الله لي يوم الليلي ما شُفنَالْنَا "وصِلْ" علي قول آهلنا ظهر...
السيد محمد عثمان الميرغني شايْل الحزب دا من جيبُو الخاص ومن وقْتُو الخاص... ويجُوكْ ناس لجلج والواحد راااقد علي قَفَاهُو ماسك تليفونُو يقول ليك نفصل السيد!!!
شُفتَ جنس المحن دي يا أبا نُورا؟؟؟!!!