سيب الملاهي ** كن في اوقاتك مشغول بالله ** يامريد القوم
لاتبقى لاهي ** حلي انفاسك بذكر الله ** اطلب لله
سافر وجاهد في ذات الله
هذي المظاهر ** لاتركن ليها واطلب للظاهر ** بالفيك لاتفاخر
عاريه راجعه ان كنت فاكر
قوم في الدياجي ** متذلل باكي لله ناجي ** لي فضله راجي
مش باعمالك بتبقى ناجي
اورادك والي ** بذكر الله احي الليالي ** احذر ماتبالي
في جنب الله ابغض ووالي
صلي لي خمسك ** حضر لي قلبك وادفن لنفسك ** بتطلع شمسك
ان كنت غائب في باطن رمسك
احذر ماتخاوي ** في غير الله دع الدعاوي ** طاوع ماتقاوي
اترك مرادك ليهم ماتساوي
القوم خليهم ** لاتعترضهم بل سلم ليهم ** ادخل ناديهم
بتلقى طه متبدي فيهم
لاتكوس الراحة ** ان رمت كاساً متموم بالراحا ** قالوا الفلاحة
مافيش حصاد من غير فلاحة
اجيب الداعي ** جاهد في الله ان كنت واعي ** لي اخوانك راعي
لاتكون بطيني ولي نفسك ساعي
يااهل الله ** عبد العزيز لاعب وساهي ** شبعان مناهي
صداه اللاهي عن درب الله
متشفع بيكم ** زيلوا ظلامه ولمو عليكم ** يدخل ناديكم
بجمله اخوانه واحبابه فيكم
راجي لله ** تزول اوصافه يبقى بالله ** عارف بالله
مشغول وشاغل بي ذكر الله
كتاب اسرارك ** عليه صلى وبه تدارك ** اَلو المبارك
اصحابه جمله تكون في جوارك